قىزمەت ىستەگەندە ۇستەلگە ەڭكەيىپ ۇزاق ۋاقىت وتىراتىن ”اق جاعالىلار“ كاسىپتىك قىزمەتكە قاتىستى سالاماتتىققا اقاۋ تۇسىرەتىن حاۋىپتەن ساقتانعانى ءجون
2024.05.07 15:14 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى دۇڭ رۇيفىڭ 5 – ايدىڭ 5 – كۇنى بەيجيڭنەن حابارلايدى. ”اق جاعالى“ ەڭبەكشىلەر قىزمەت ىستەۋ بارىسىندا ۇستەلگە ەڭكەيىپ ۇزاق وتىرۋ سەبەبىنەن مويىن ومىرتقا اۋرۋى، جاۋىرىن ماڭايىنىڭ قابىنۋى جانە بەل – ارقانىڭ اۋرۋى قاتارلى دەنساۋلىققا اقاۋ ءتۇسىرۋ حاۋپىنە ۇشىرايدى. ماماندار وسىنداي جۇمىستارمەن شۇعىلداناتىنداردىڭ كۇندەلىكتى تۇرمىستا دەنساۋلىقتى قورعاۋدى كۇشەيتۋى، قىزمەتكە قاتىستى اۋرۋلاردان ساقتانۋى كەرەك دەگەن ۇسىنىس بەرەدى.
مەملەكەتتىك دەنساۋلىق ساقتاۋ – سالاماتتىق كوميتەتى كاسىپتىك دەنساۋلىق مەكەمەسىنىڭ باستىعى، 1 – دارەجەلى شارلاۋشى قىزمەتكەرى ۋاڭ جياندۇڭنىڭ تانىستىرۋىنشا، ارقا – بەل اۋرۋى، مويىن ومىرتقا اۋرۋى، ۇزاق ۋاقىت تۇرەگەلىپ تۇرۋ سەبەبىنەن تۋىندايتىن ۆەنانىڭ تۇيىندەلۋى قاتارلى اۋرۋ بەلگىلەرى ەلىمىزدە قازىر اتقارىلىپ وتىرعان كاسىپتىك اۋرۋلار تىزىمدىگىندە بولماعانىمەن، قىزمەت ىستەۋ بارىسىنداعى ناشار تاسىلدەر قاتارلىلاردىڭ سەبەبىنەن تۋىنداۋى مۇمكىن، ادەتتە كاسىپكە قاتىستى اۋرۋلاردىڭ كولەمىنە ەنگىزۋگە بولادى.
«سالاماتتى جۇڭگو ارەكەتى (2019 — 2030 – جىلدارى)» اتتى قۇجاتتا كاسىپكە قاتىستى دەنساۋلىقتى قورعاۋ ارەكەتىن اتقارۋ ايقىن ورتاعا قويىلعان. ۇزاق ۋاقىت بويى ۇستەلگە ەڭكەيىپ وتىرىپ قىزمەت ىستەيتىن نەمەسە ۇزاق ۋاقىت بويى العا ەڭكەيىپ وتىراتىن جۇمىستارمەن شۇعىلدانۋشىلار جونىنەن العاندا، ءبىر جاعىنان، ادام ىستەتۋشى ورىنداردى قىزمەت ىستەيتىن ۋاقىتىن ۇيلەسىمدى رەتتەۋگە شابىتتاندىرۋى، ەڭبەكشىلەردىڭ دەنساۋلىعىن قورعاۋعا ساياتىن جۇمىس ارەدىگىندە گيمناستيكا ويناۋ ءتۇزىمى، دەنە شىنىقتىرۋ ءتۇزىمى قاتارلى قاتىستى تۇزىمدەردى ورناتۋى قاجەت، ەندى ءبىر جاعىنان، ەڭبەكشىلەردىڭ ءوزى كەرىلىپ – سوزىلۋ قاتارلى ارەكەتتەردى ىستەپ، بۇلشىق ەتتى دەمالتۋعا كوڭىل ءبولۋى كەرەك.
جۇڭگو اۋرۋدان ساقتانۋ جانە تىزگىندەۋ ورتالىعى كاسىپتىك دەنساۋلىق پەن ۋلانۋدى تىزگىندەۋ باسقارماسىنىڭ باستىعى سۇن شيننىڭ ايتۋىنشا، ۇزاق ۋاقىت ەڭكەيىپ وتىرىپ قىزمەت ىستەيتىن ەڭبەكشىلەر دۇرىس وتىرۋعا كوڭىل ءبولۋى، ءبىر ساعات قىزمەت ىستەگەن سوڭ 5 مينۋتتان 10 مينۋتقا دەيىن دەمالعانى ءجون. مۇنان سىرت، ۇزاق ۋاقىت قوزعالماي وتىرۋ سەمىزدىك، جوعارى قان قىسىمى، قانتتى نەسەپ اۋرۋى قاتارلى سوزىلمالى اۋرۋلارعا دۋشار ەتەدى، ادام ىستەتۋشى ورىنداردى ەڭبەكشىلەردىڭ دەنساۋلىعىن بەلگىلى مەرزىمدە تەكسەرىپ وتىرۋعا، قىزمەت ورتاسى مەن شارت – جاعدايىن جاقسارتۋعا، ەڭبەكشىلەردى اۋرۋدان ساقتانۋ تانىمىن جانە اۋرۋدان ساقتانۋ ونەرىن جوعارىلاتۋعا شابىتتاندىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
