بيرمانىڭ سولتۇستىگىندە تەلەگراف پەن ينتەرنەتتەن پايدالانىپ الدامكوستىك ىستەگەن قىلمىس كۇماندىلارىنان 92 ادامدى ەلىمىزگە وتكىزىپ بەردى
2024.05.07 14:31 كەلۋ قاينارى : حالىق تورابى
ورتالىق تەلەۆيزيا تورابىنىڭ حابارى: ءتىلشىنىڭ 5 – ايدىڭ 6 – كۇنى قوعام حاۋىپسىزدىگى مينيسترلىگىنەن ۇعىسۋىنشا، جۋىردا قوعام حاۋىپسىزدىگى مينيسترلىگىنىڭ جەتەكشىلىك ەتۋىندە جانە ورنالاستىرۋىندا، يۇننان ولكەسى پۋ – ىر قالالىق قوعام حاۋىپسىزدىگى ورگاندارى بيرمانىڭ جەرگىلىكتى زاڭ اتقارۋ تاراۋلارىمەن بىرگە شەكارالىق ساقشى ىستەرى بويىنشا زاڭ اتقارۋ جاعىندا سەلبەستىك ورىستەتىپ، بيرمانىڭ سولتۇستىگىندەگى ۋاباڭ وڭىرىندە تەلەگراف پەن ينتەرنەتتەن پايدالانىپ الدامكوستىك ىستەگەن جۇڭگولىق قىلمىس كۇماندىلارىنان 92 ادامدى ءساتتى تۇردە قولعا تۇسىرگەن، مۇنىڭ ىشىندە ۇيىتقى كۇشتەردەن 8 ادام، ينتەرنەت ارقىلى قۋعىنداۋ بۇيرىعى شىعارىلىپ قاشىپ جۇرگەن 14 ادام قامتىلعان. قازىر بارلىق قىلمىس كۇماندىلارى دەلوعا قاتىستى ىسپات زاتتار يۇنناننىڭ مىڭليان وتكەلى ارقىلى ەلىمىزگە ءساتتى وتكىزىلدى. قوعام حاۋىپسىزدىگى مينيسترلىگى شاندۇڭ قاتارلى جەرلەردەگى قوعام حاۋىپسىزدىگى ورگاندارىنىڭ قىلمىس كۇماندىلارىن ەلگە الىپ قايتىپ، دەلونى انىقتاۋ قىزمەتىن كۇش سالا ورىستەتۋى جونىندە ورنالاستىرۋ جاساعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
