وسى اپتادا بۇكىل شينجياڭنىڭ باسىم كوپ جەرىندە تەمپەراتۋرا كورنەكتى جوعارىلايدى
جازىق وڭىرلەردە ەڭ جوعارى تەمپەراتۋرا 35 سەلتسي گرادۋسقا جەتەدى
2024.05.07 15:43 كەلۋ قاينارى : حالىق تورابى
ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (5 ـ ايدىڭ 6 ـ كۇنىنەن 12 ـ كۇنىنە دەيىن) 2 رەتكى اۋا رايى وزگەرىسى شينجياڭعا ىقپال جاسايدى، 5 ـ ايدىڭ 9 ـ كۇنىنەن 11 ـ كۇنىنە دەيىن بۇكىل شينجياڭنىڭ باسىم كوپ جەرىندە تەمپەراتۋرا كورنەكتى جوعارىلاپ، ەڭ جوعارى تەمپەراتۋرا 35 سەلتسي گرادۋسقا جەتەدى.
الدىن الا مالىمەتتە كورسەتىلۋىنشە، مەجەمەن 5 ـ ايدىڭ 6 ـ كۇنى كۇندىزدەن 5 ـ ايدىڭ 8 ـ كۇنىنە دەيىن سولتۇستىك شينجياڭنىڭ باتىس سولتۇستىك بولەگى، تيانشان تاۋلى رايونى جانە سولتۇستىك بەتكەيى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى، مۇنىڭ ىشىندە ىلە وزەنى اڭعارى، بۇراتالا موڭعۇل اۆتونوميالى وبلىسى، تارباعاتاي ايماعى، تيانشان تاۋلى ءوڭىرى، كۇنلۇن تاۋىنىڭ سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە ورتاشادان قالىڭ جاڭبىرعا دەيىن جاۋادى، تاۋلى وڭىرلەردىڭ ءىشىنارا جەرلەرىندە نوسەر جاۋادى. جوعارىدا ايتىلعان وڭىرلەردە باتىس سولتۇستىكتەن 5 بال اينالاسىندا جەل سوعادى، جەل وتىندە جەل كۇشى 9 دا 10 بالعا جەتەدى، وتكىنشى مەزەتتىك جەل 11 بالعا جەتەدى. وڭتۇستىك شينجياڭداعى ويپاتتىڭ شىعىس بولەگىندە 5 بال اينالاسىندا قيىس شىعىس جەلى سوعادى، ءىشىنارا وڭىرلەردە قۇمدى بوران سوعادى نەمەسە قۇمدى داۋىل سوعادى.
5 – ايدىڭ 9 – كۇنى كۇندىزدەن 11 – كۇنى كۇندىزگە دەيىن، بۇكىل شينجياڭنىڭ باسىم كوپ جەرىندە تەمپەراتۋرا بىرتىندەپ جوعارىلاپ، جازىق وڭىرلەردىڭ ەڭ جوعارى تەمپەراتۋراسى 28 دە 35 سەلتسي گرادۋسقا كوتەرىلەدى، تۇرپان قالاسىنىڭ، قۇمىل قالاسىنىڭ وڭتۇستىگىندەگى ءىشىنارا جەرلەردە 36 دا 40 سەلتسي گرادۋسقا جەتەدى.
5 - ايدىڭ 11 - كۇنى تۇننەن 13 - كۇنىنە دەيىن سولتۇستىك شينجياڭنىڭ باسىم كوپ بولىگى مەن تيانشان تاۋلى ءوڭىرى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى، قۇمىل قالاسى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى. مۇنىڭ ىشىندە سولتۇستىك شينجياڭنىڭ باتىس بولەگى، تارباعاتاي ايماعىنىڭ سولتۇستىك بولەگى، تيانشان تاۋلى رايونى جانە سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە ورتاشادان قالىڭ جاڭبىرعا دەيىن جاۋادى، تاۋلى وڭىرلەردىڭ ءىشىنارا جەرلەرىندە نوسەر جاۋادى. جوعارىدا ايتىلعان ءىشىنارا وڭىرلەردە 5 تە 6 بال باتىس سولتۇستىك جەلى سوعادى، جەل وتتەرىندەگى جەل كۇشى 10 دا 11 بالعا جەتەدى، وتكىنشى مەزەتتىك جەل 12 بال بولادى. وڭتۇستىك شينجياڭداعى ويپاتتىڭ شىعىس بولەگىندە قيىس شىعىستان 5 بال اينالاسىندا جەل سوعادى، ءىشىنارا وڭىرلەردە قۇمدى بوران سوعادى نەمەسە قۇمدى داۋىل سوعادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
