شي جينپيڭ فرانسيانىڭ زۇڭتۇڭى ماكرونمەن بىرگە تىلشىلەرمەن كەزدەستى
2024.05.07 16:31 كەلۋ قاينارى : حالىق تورابى
سول جەر ۋاقىتى 5 - ايدىڭ 6 - كۇنى تۇستەن كەيىن مەملەكەت ءتوراعاسى شي جينپيڭ پاريجدەگى ەليسسە سارايىندا فرانسيانىڭ زۇڭتۇڭى ماكرونمەن كەڭەس وتكىزگەننەن كەيىن تىلشىلەرمەن بىرگە كەزدەستى.
شي جينپيڭ مىنالاردى اتاپ كورسەتتى: ماكرون زۇڭتۇڭنىڭ ۇسىنىسىمەن جۇڭگو مەن فرانسيانىڭ ديپلوماتيالىق قارىم - قاتىناس ورناتقانىنىڭ 60 جىلدىعى قارساڭىندا فرانسيادا تاعى دا مەملەكەتتىك ساپاردا بولعانىما توتەنشە قۋانىشتامىن. مەن ماكرون زۇڭتۇڭمەن ناتيجەلى كەڭەس وتكىزدىم. ءبىز ءبىر اۋىزدان بىلاي دەپ قارادىق: جۇڭگو - فرانسيا قارىم - قاتىناسى باعالى تاريحقا، وزگەشە قۇنعا جانە ماڭىزدى بورىشقا يە، ەكى جاق تاريحتىڭ ۇتىلامالى تاياقشاسىن ويداعىداي جالعاپ، جۇڭگو مەن فرانسيانىڭ ديپلوماتيالىق قارىم - قاتىناس ورناتۋ رۋحىن اسقاقتاتۋى، سونداي - اق وعان جاڭا داۋىرلىك ءمان ۇستەپ، جۇڭگو - فرانسيا قارىم - قاتىناسىنىڭ كەلەسى 60 جىلداعى جاڭا ساپارىن باستاۋى كەرەك.
ءبىز مىنا بىرنەشە جاقتاعى قىزمەتتى ويداعىداي ىستەۋدى ۇيعاردىق.
ءبىرىنشى، ەكى جاقتى قارىم - قاتىناستىڭ ستراتەگيالىق ورنىقتىلىعىن بەكەمدەۋ. مەن ماكرون زۇڭتۇڭنىڭ جۇڭگوعا تاعى دا ساپارلاي بارۋىن قارسى الامىن. جۇڭگو مەن فرانسيا ءبىر - ءبىرىنىڭ وزەكتى مۇددەسىنە قۇرمەت ەتىپ، ەكى ەلدىڭ كوپ ساتىلى، كوپ ولشەمدى اۋىس - كۇيىس ارناسىنان ويداعىداي پايدالانىپ، ساياساتتىق تۇرعىسىن دەر كەزىندە بايلانىستىرۋدى جانە سايكەستىرۋدى قايتالاي دارىپتەدى.
ەكىنشى، ءوزارا ءتيىمدى سەلبەستىكتىڭ كەڭ كومەسكى كۇشىن اشۋ. ەكى جاق ەكى جاقتى ساۋدانىڭ ورلەۋ تەپە - تەڭدىگىن جەبەپ، اۋىل شارۋاشىلىعى، ازىق - تۇلىك، فينانس سياقتى سالالارداعى سەلبەستىكتى كەڭەيتىپ، اۆياتسيا، عارىش، حالىقتىق يادرو ەنەرگياسى سياقتى سالالارداعى بىرلەسىپ زەرتتەۋ - اشۋدى جانە جاڭالىق اشۋدى ىلگەرىلەتىپ، دامۋ ستراتەگياسىن ۇشتاستىرۋدى كۇشەيتىپ، جاسىل ەنەرگيا، زەردەلى جاساۋ، بيولوگيالىق ءدارى - دارمەك، جاساندى زەردە، بازار سياقتى جاڭادان گۇلدەنگەن سالالارداعى سەلبەستىكتى كەڭەيتەدى. جۇڭگو جاق جاساۋ كاسىبىنىڭ بازارعا كىرۋىنە رۇقسات ەتۋدى جاپپاي ەركىنە قويا بەرۋدى جۇزەگە اسىردى، تەلەگراف، ەمدەۋ سياقتى قىزمەت وتەۋ كاسىبىنىڭ بازارعا كىرۋىنە رۇقسات ەتۋدى جەدەلدەتەدى. ءبىز قوس باعىتتا قارجى قوسۋدى كەڭەيتۋگە دەم بەرىپ، قارسى جاقتاعى مەملەكەت كاسىپورىندارىنا تاماشا ساۋدا ورتاسىن جاراتۋعا كۇش سالامىز. وسى رەتكى ساپار كەزىندە ەكى جاق تاراۋلار ارا 18 ءتۇرلى سەلبەستىك كەلىسىمىنە قول قويدى، بۇل اۆياتسيا، اۋىل شارۋاشىلىعى، گۋمانيتارلىق، جاسىل دامۋ، ورتا، شاعىن كاسىپورىندار سەلبەستىگى سياقتى سالالاردى قامتيدى.
ءۇشىنشى، گۋمانيتارلىق اۋىس - كۇيىستىڭ ”قوس باعىتتا اتتانۋىن“ جەدەلدەتۋ. جۇڭگو - فرانسيا مادەنيەت - ساياحات جىلىن وراي ەتىپ، وقۋ - اعارتۋ، دەنە تاربيە، كينو - تەلەۆيزيا، جاستار، جەرگىلىكتى ورىندار سياقتى سەلبەستىكتەردى ىلگەرىلەتۋ كەرەك. جۇڭگو فرانسيانىڭ پاريج وليمپيادا سپورت جارىسىن ويداعىداي وتكىزۋىن قولدايدى، ءتىپتى دە كوپ فرانسيالىق دوستاردىڭ جۇڭگوعا بارۋىن قارسى الادى، فرانسيا سياقتى 12 ەل ازاماتتارىنىڭ جۇڭگوعا قىسقا مەرزىمدى ۆيزاسىز كەلۋ ساياساتىن 2025 - جىلدىڭ سوڭىنا دەيىن ۇزارتىپ، شاڭحايدان مارسەلگە توتە ۇشاتىن اۋە لەنياسىن كوبەيتىپ اشۋدى قولدايدى. 150 جىلدىڭ الدىندا فرانسيا قايراتكەرلەرى قاتىناسقان جۇڭگو فۋجيان كەمە ىستەرى مەكتەبى، وتكەن عاسىردىڭ باسىنداعى فرانسياعا بارىپ جۇمىس ىستەي ءجۇرىپ وقۋ قوزعالىسى ەكى ەلدىڭ وقۋ - اعارتۋ اۋىس - كۇيىس تاريحىنداعى تاماشا اڭگىمە سانالادى. ءبىز فرانسيانىڭ بيىلعى جۇڭگو حالىقارالىق وقۋ - اعارتۋ جىلدىق ءماجىلىسىنىڭ نەگىزگى قوناق ەلى بولۋىن قارسى الامىز، الداعى 3 جىلدا فرانسيانىڭ جۇڭگوعا كەلىپ وقيتىن وقۋشىلارىنىڭ 10 مىڭنان اسۋىن، ەۆروپا جاستارى مەن ورەندەرىنىڭ جۇڭگوعا كەلىپ اۋىس - كۇيىس جاساۋ كولەمىنىڭ ەكى ەسەلەنۋىن ىلگەرىلەتەمىز.
ءتورتىنشى، دۇنيە جۇزىلىك سەلبەستىكتىڭ اناعۇرلىم زور ورتاق تانىمىن ۇيىستىرۋ. ەكى جاق كليمات وزگەرىسى، ورگانيزمدەردىڭ الۋان تۇرلىلىگى سياقتى سالالارداعى سەلبەستىكتى تەرەڭدەتىپ، جاساندى زەردەنى دۇنيە جۇزىلىك جونگە سالۋ، حالىقارالىق فينانس جۇيەسى رەفورماسى سياقتى سالالارداعى تىلدەسۋدى كۇشەيتەدى. جۇڭگو جاق فرانسيا جاقتىڭ 2025 - جىلعى بىرلەسكەن مەملەكەتتەر ۇيىمىنىڭ تەڭىز - مۇحيت جينالىسىن ويداعىداي وتكىزۋىن قولدايدى، ەكى ەلدىڭ مەملەكەتتىك باقشالارى مەن جاراتىلىستىق قورىقتارىن جۇپ قۇراۋعا شابىتتاندىرادى.
شي جينپيڭ بىلاي دەپ اتاپ كورسەتتى: قازىرگى دۇنيە تىم تىنىش ەمەس. بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى جانە جاۋاپتى ءىرى ەل رەتىندە جۇڭگو فرانسيامەن بىرگە پاريج وليمپيادا سپورت جارىسىن وراي ەتىپ، سپورت جارىسى كەزىندە دۇنيە ءجۇزى بويىنشا سوعىس توقتاتۋ باستاماسىن كوتەرۋدى قالايدى.
پالەستينا مەن يزرايلدىڭ قاقتىعىسى جونىندە، بۇل تراگەديا كۇنى بۇگىنگە دەيىن جالعاسىپ كەلەدى، بۇل — ادامزاتتىڭ ار - ۇجدانىنا قاراتىلعان سىناق، حالىقارالىق قوعام، ءسوز جوق، ناتيجە جاراتۋى كەرەك. ءبىز گازانى سوعىستى دەرەۋ جاپپاي، باياندى توقتاتۋدى ىلگەرىلەتۋگە ۇندەيمىز، پالەستينانىڭ بىرلەسكەن مەملەكەتتەر ۇيىمىنىڭ رەسمي مۇشە ەلى بولۋىن قولدايمىز، پالەستينانىڭ ۇلتتىق زاڭدى ۇقىعىن قالپىنا كەلتىرىپ، ”ەكى ەل جوباسىن“ قايتا باستاپ، ورتا شىعىس ءوڭىرىنىڭ باياندى بەيبىتشىلىگىن جۇزەگە اسىرۋدى قولدايمىز.
ۋكراينا داعدارىسى جونىندە، جۇڭگو جاق مايدانىن تالاي رەت پايىمدادى. جۇڭگو ۋكراينا داعدارىسىن تۋدىرۋشى دا، ىسكە قاتىستى جاق تا، قاتىناسۋشى جاق تا ەمەس، الايدا ءبىز داعدارىستى بەيبىت جولمەن شەشۋدى ىلگەرىلەتۋدە باستان ـ اياق سىندارلى رول اتقارىپ كەلەمىز. جۇڭگو ۇكىمەتىنىڭ ەۆروپا - ازيا ىستەرى ەرەكشە ۋاكىلى 3 - كەزەكتى اراعا ءجۇرۋدى باستادى. سونىمەن بىرگە، ءبىز ۋكراينا داعدارىسىنان پايدالانىپ بۇيرەكتەن سيراق شىعارىپ، ءۇشىنشى ەلدى قارالاپ، ”جاڭا قىرعي قاباقتىق سوعىسقا“ جەلىكتىرۋگە قارسى تۇرامىز. تاريح ءارقانداي قاقتىعىستىڭ ەڭ سوڭىندا كەلىسسوز ارقىلى عانا شەشىلەتىنىن قايتا - قايتا دالەلدەدى. ءبىز ءارقايسى جاقتىڭ بارىس - كەلىستى، تىلدەسۋدى قايتا باستاپ، ءوزارا سەنىمدىلىكتى بىرتىندەپ نىعايتۋىن قولدايمىز؛ رەسەي مەن ۋكراينا ەكى جاق مويىندايتىن، ءارقايسى جاق تەڭ تۇرعىدا ات سالىساتىن، بارلىق بەيبىتشىلىك جوباسىن ءادىل تالقىلايتىن حالىقارالىق بەيبىتشىلىك ءماجىلىسىن دەر كەزىندە اشۋدى قولدايمىز؛ ەۆروپانىڭ بىركەلكى، ءونىمدى، باياندى حاۋىپسىزدىك جۇلگەسىن ورناتۋدى قولدايمىز.
شي جينپيڭ مىنالاردى اتاپ كورسەتتى: بيىل — جاڭا جۇڭگو قۇرىلعانىنىڭ 75 جىلدىعى، 75 جىلدىق جاپالى كۇرەس ارقىلى جۇڭگونىڭ مەملەكەت بەت - بەينەسى مەن حالىق تۇرمىسىندا وراسان زور وزگەرىستەر تۋىلدى، ءبىراق ءبىر ءتۇيىن ەشقاشان وزگەرگەن جوق، ول — ءبىزدىڭ بەيبىتشىلىك، ىزگىلىك، كەڭ پەيىلدىلىك قاسيەتىمىز جانە ادىلدىك پەن ادىلەتتىلىككە دەگەن تالپىنىسىمىز. ول 5000 جىلدان استام ۋاقىتتان بەرگى جۇڭحۋا وركەنيەتىنە تامىر تارتىپ، جۇڭگو حالقىنىڭ جان دۇنيەسىنىڭ تەرەڭ تۇكپىرىندە ءوسىپ – ونۋدە. جۇڭگو فرانسيانى قامتىعان دۇنيە جۇزىندەگى ءار ەلمەن بىرگە ءوزارا قۇرمەت ەتۋ نەگىزىندە دوستىق سەلبەستىك قارىم - قاتىناسىن دامىتىپ، قول ۇستاسا العا باسىپ، بوران - شاشىندى بىرگە ارقالاپ، بولاشاقتى بىرگە جاراتۋدى قالايدى.
ساي چي، ۋاڭ ي قاتارلىلار قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
