بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شينجياڭدا قىزىل كرەست قوعامى پسيحولوگيالىق جاقتان قۇتقارۋ – كومەكتەسۋ اترەتىن قۇردى

2024.05.10 13:25     كەلۋ قاينارى : حالىق تورابى

  انار بۇلت \ شينجياڭ گازەتىنىڭ ءتىلشىسى يۇي شي حابارلايدى. جاڭا داۋىردەگى قىزىل كرەست قوعامىنىڭ شۇعىل جاعدايدا قۇتقارۋ – كومەكتەسۋ جۇيەسىن اناعۇرلىم كەمەلدەندىرۋ، بارشا حالىق بۇقاراسىنا اناعۇرلىم ويداعىداي قىزمەت وتەۋ ءۇشىن، شينجياڭ قىزىل كرەست قوعامىنىڭ پسيحولوگيالىق جاقتان قۇتقارۋ – كومەكتەسۋ اترەتى 5 – ايدىڭ 9 – كۇنى قۇرىلدى.

  شينجياڭ قىزىل كرەست قوعامىنىڭ پسيحولوگيالىق جاقتان قۇتقارۋ – كومەكتەسۋ اترەتى، نەگىزىنەن، شينجياڭ جاستار مەن ورەندەردىڭ سالاماتتى ءارى كوڭىلدى ەسەيىپ – ەرجەتۋىنە كومەكتەسۋ ورتالىعىنىڭ پسيحولوگيالىق كەڭەسشىلەر ۇيىمىنا ارقا سۇيەي وتىرىپ، ولاردىڭ كاسىپتىك ەرەكشەلىكتەرىنەن تولىق پايدالانىپ، جاراتىلىستىق اپات، شىرعالاڭ اپاتى، الەۋمەتتىك دەنساۋلىق ساقتاۋ سالاسىنداعى وقيعالار قاتارلى توساتتان تۋىلاتىن وقيعالار بارىسىندا جارالانعاندارعا، اۋرۋعا شالدىققاندارعا جانە باسقا زياندالۋشىلارعا پسيحولوگيالىق جاقتان كومەك بەرەدى. سونىمەن بىرگە، الەۋمەتتىك اۋماق، مەكتەپ قاتارلىلارعا قادام تاستاپ، تۇرعىندار، جاستار مەن ورەندەر قاتارلىلارعا پسيحولوگيالىق اقاۋسىزدىققا قاتىستى ەرىكتى قىزمەت وتەيدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى