شي جينپيڭ ۆەنگريانىڭ زۇڭتۇڭى سۋليوكپەن كەڭەس وتكىزدى
2024.05.10 16:43 كەلۋ قاينارى : حالىق تورابى
 |
سول جەر ۋاقىتى 5 - ايدىڭ 9 - كۇنى تۇستەن بۇرىن مەملەكەت ءتوراعاسى شي جينپيڭ بۋداپەشتتەگى زۇڭتۇڭ سارايىندا ۆەنگريانىڭ زۇڭتۇڭى سۋليوكپەن كەڭەس وتكىزدى.
سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن
|
«حالىق گازەتى»، 5 - ايدىڭ 9 - كۇنى، بۋداپەشت (تىلشىلەر ليۋ جۇڭحۋا، ۋاڭ جوۋ). سول جەر ۋاقىتى 5 - ايدىڭ 9 - كۇنى تۇستەن بۇرىن مەملەكەت ءتوراعاسى شي جينپيڭ بۋداپەشت زۇڭتۇڭ سارايىندا ۆەنگريانىڭ زۇڭتۇڭى سۋليوكپەن كەڭەس وتكىزدى.
شي جينپيڭ مىنالاردى اتاپ كورسەتتى: ۆەنگريا − جاڭا جۇڭگونى ەڭ ەرتە مويىنداعان ەلدەردىڭ ءبىرى. ديپلوماتيالىق قارىم - قاتىناس ورناتقاننان بەرى جۇڭگو مەن ۆەنگريا باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ، ءوزارا پايدا جەتكىزىپ، تەڭ يگىلىككە كەنەلدى، ەكى ەل قارىم - قاتىناسى حالىقارالىق اۋمالى - توكپەلى جاعدايدىڭ سىنىنان ءوتىپ، ۇلى قۇرلىقتان اتتاپ وتەتىن دوستاردان، دوستىق سەلبەستىك سەرىكتەرىنەن جاپپاي ستراتەگيالىق سەرىكتەرگە دەيىن ۇزدىكسىز ىشكەرىلەي دامۋدى جۇزەگە اسىردى. قازىر جۇڭگو - ۆەنگريا قارىم - قاتىناسى تاريحتاعى ەڭ تاماشا مەزگىلدە تۇر، ءداستۇرلى دوستىق جۇرت جۇرەگىنە تەرەڭ ۇيالاپ، ءار سالاداعى سەلبەستىكتە سۇبەلى تابىستارعا قول جەتكىزدى. بيىل − جۇڭگو مەن ۆەنگريا ديپلوماتيالىق قارىم - قاتىناس ورناتقانىنىڭ 75 جىلدىعى، جۇڭگو جاق ۆەنگريا جاقپەن بىرگە ءداستۇرلى دوستىقتى جالعاستىرىپ، ساياسي سەنىمدىلىكتى تەرەڭدەتىپ، ءوزارا ءتيىمدى سەلبەستىكتى كۇشەيتىپ، جۇڭگو - ۆەنگريا قارىم - قاتىناسىن ۇزدىكسىز اناعۇرلىم جوعارى دەڭگەيگە كوتەرۋدى قالايدى.
شي جينپيڭ بىلاي دەپ باسا دارىپتەدى: وتكەن 75 جىلدا جۇڭگو - ۆەنگريا قارىم - قاتىناسى ورنىقتى دامۋدى ساقتادى. ەكى جاق قۇندى تاجىريبەلەردى قورىتىندىلاپ، بولاشاق جولىن ايقىن كورسەتۋى كەرەك. ءبىرىنشى، تەڭ تۇرعىدا مامىلە جاساۋدا تاباندى بولىپ، ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرىپ، بولاشاق تاعدىرىن ءوز قولىندا بەرىك ۇستاۋ كەرەك. جۇڭگو مەن ۆەنگريانىڭ ۇرپاقتان - ۇرپاققا جالعاسقان دوستىعى ءۇشىنشى جاققا باعىتتالمايدى ءارى ءۇشىنشى جاققا باعىنبايدى. ەكىنشى، ءوزارا سەنۋدە، ءوزارا كومەكتەسۋدە تاباندى بولىپ، باستان – اياق ءبىر – ءبىرىن ءتۇسىنۋ ءارى ءبىر - ءبىرىنىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋدى باتىل قولداۋ كەرەك. ءۇشىنشى، سەلبەسىپ تەڭ يگىلىككە كەنەلۋدە تاباندى بولىپ، ”ءبىر بەلدەۋ، ءبىر جولدى“ بىرگە قۇرۋ اياسىندا ءار سالاداعى سەلبەستىكتى كەڭەيتىپ، وزدەرىنىڭ دامۋ ستراتەگيالارىنىڭ ۇشتاسۋىن ىلگەرىلەتۋ كەرەك. ءتورتىنشى، ادىلدىك پەن ادىلەتتىلىكتە تاباندى بولىپ، تاريحتىڭ دۇرىس جاعىندا تۇرىپ، ادامزاتتىڭ بەيبىتشىلىگى مەن دامۋ ىستەرىنە بەلسەندى ۇلەس قوسۋعا قۇلشىنۋ كەرەك.
شي جينپيڭ مىنالاردى باسا دارىپتەدى: جۇڭگو جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە، بۇل دۇنيە جۇزىنە وراسان زور وراي اكەلەدى. جۇڭگو جاق ۆەنگرياداعى دوستاردىڭ جۇڭگو ۇلگىسىندەگى وسىزامانداندىرۋدىڭ دامۋ جۇردەك پويەزىنە وتىرۋىن قارسى الادى، ۆەنگريامەن ساياسي سەنىمدىلىكتى ۇزدىكسىز تەرەڭدەتىپ، جۇڭگو ۇلگىسىندەگى وسىزامانداندىرۋدىڭ ۆەنگريانىڭ ”شىعىسقا ەسىك اشۋ“ ستراتەگياسىمەن اناعۇرلىم تىعىز ۇشتاسۋىن ىلگەرىلەتىپ، ناقتى سەلبەستىكتىڭ كومەسكى كۇشىن ىشكەرىلەي اشىپ، ءار سالاداعى اۋىس - كۇيىستى ۇزدىكسىز كەڭەيتۋدى قالايدى. جۇڭگو جاق ۆەنگريا جاقپەن بىرگە ”ءبىر بەلدەۋ، ءبىر جولدى“ بىرگە قۇرۋ سەلبەستىگى مەن جۇڭگو - ورتا، شىعىس ەۆروپا ەلدەرى سەلبەستىگىنىڭ دۇرىس بەتالىسىنا ۇزدىكسىز جەتەكشىلىك ەتىپ، سەلبەستىكتىڭ تەرەڭدەۋىن، ناقتىلانۋىن ىلگەرىلەتۋدى قالايدى. ۆەنگريانىڭ بيىل سوڭعى جارتى جىلدا ەۆروپا وداعىنىڭ كەزەكتى ءتوراعا ەلى بولۋدى وراي ەتىپ، جۇڭگو – ەۆروپا قارىم - قاتىناسىنىڭ ورنىقتى، اقاۋسىز دامۋىن ىلگەرىلەتۋىن ءۇمىت ەتەمىن.
سۋليوك مىنالاردى ءبىلدىردى: بيىل − ۆەنگريا مەن جۇڭگونىڭ ديپلوماتيالىق قارىم - قاتىناس ورناتقانىنىڭ 75 جىلدىعى. ديپلوماتيالىق قارىم - قاتىناس ورناتقاننان بەرى ەكى ەل باستان - اياق ءوزارا قۇرمەت ەتۋ، ءوزارا سەنىم ارتۋ رۋحىمەن ەكى جاقتى قارىم - قاتىناستى دامىتتى. 2017 - جىلى ەكى ەل جاپپاي ستراتەگيالىق سەرىكتەستىك قارىم - قاتىناس ورناتقاننان بەرى ەكى جاقتىڭ ءار سالاداعى سەلبەستىگىندە بەلسەندى تابىستارعا قول جەتتى. ءتوراعا شي جينپيڭنىڭ ”ءبىر بەلدەۋ، ءبىر جولدى“ بىرگە قۇرۋ باستاماسىن العا قويىپ، ۆەنگريا جاقتىڭ نەگىزدىك قۇرىلعىلاردى ۇلاستىرۋ، تۇتاستىرۋ سياقتى سەلبەستىكتەردەن مول پايداعا كەنەلۋىنە مۇمكىندىك جاساعانىنا العىس ايتامىن. ءتوراعا شي جينپيڭ دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن العا قويىپ، حالىقارالىق پىكىرلەسۋدى، سەلبەستىكتى كۇشەيتۋدى دارىپتەدى، بۇل قازىر دۇنيە ءجۇزى ءدوپ كەلىپ وتىرعان ءتۇرلى سىن - سايىستى شەشۋدە، توپقا ءبولىنىپ قارسىلاسۋدان ساقتانۋدا توتەنشە ماڭىزدى، ۆەنگريا مۇنى ايرىقشا القايدى. جۇڭگومەن سەلبەستىكتى كۇشەيتۋ − ۆەنگريانىڭ دايەكتى باعىتى. ۆەنگريا جاق جۇڭگو جاقپەن تىعىز بارىس - كەلىس جاساپ، دامۋ ستراتەگياسىن ۇشتاستىرۋدى كۇشەيتىپ، ۆەنگريا - سەربيا تەمىر جولى سياقتى ءتۇيىندى سەلبەستىك نىساندارىنىڭ حالىققا ءتىپتى دە كوپ باقىت جاراتۋىن ىلگەرىلەتۋدى ءۇمىت ەتەدى. ءتوراعا شي جينپيڭنىڭ وسى رەتكى تاريحي ساپارىنىڭ ۆەنگريا مەن جۇڭگونىڭ جاپپاي ستراتەگيالىق سەرىكتەستىك قارىم - قاتىناسىن تىڭ دا اناعۇرلىم جوعارى دەڭگەيگە كوتەرەتىنىنە سەنەمىن. جۇڭگو جاق جاسىل تيپكە بۇرىلىس جاساۋ، تازا ەنەرگيا سياقتى جاقتاردا وزىق تەحنيكاعا جانە تاجىريبەگە يە، ۆەنگريا ءتىپتى دە كوپ جۇڭگو كاسىپورىندارىنىڭ ۆەنگرياعا كەلىپ قارجى قوسىپ، سەلبەستىك جاساۋىن قارسى الادى. ەكى جاقتىڭ ۇزدىكسىز سەلبەسىپ، ۆەنگريا - جۇڭگو قوس ءتىل مەكتەبى مەن كۇڭزى شۋەيۋانىن ويداعىداي قۇرىپ، ەكى ەلدىڭ مادەنيەت، ءتىل اۋىس - كۇيىسى مەن سەلبەستىگىن كۇشەيتۋىن ءۇمىت ەتەمىن.
ساي چي، ۋاڭ ي قاتارلىلار جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
