شي جينپيڭ سەربيانىڭ زۇڭتۇڭى ۆۋچيچپەن بىرگە تىلشىلەرمەن كەزدەستى
2024.05.09 17:05 كەلۋ قاينارى : حالىق تورابى
 |
سول جەر ۋاقىتى 5 - ايدىڭ 8 - كۇنى تۇستە مەملەكەت ءتوراعاسى شي جينپيڭ بەلگرادتىڭ سەربيا سارايىندا سەربيانىڭ زۇڭتۇڭى ۆۋچيچپەن كەڭەس وتكىزگەننەن كەيىن تىلشىلەرمەن بىرگە كەزدەستى.
سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
|
«حالىق گازەتى»، 5 - ايدىڭ 8 - كۇنى، بەلگراد (تىلشىلەر ۋاڭ حايلين، شيە ياحۇڭ). سول جەر ۋاقىتى 5 - ايدىڭ 8 - كۇنى تۇستە مەملەكەت ءتوراعاسى شي جينپيڭ بەلگرادتاعى سەربيا سارايىندا سەربيانىڭ زۇڭتۇڭى ۆۋچيچپەن كەڭەس وتكىزگەننەن كەيىن تىلشىلەرمەن بىرگە كەزدەستى.
شي جينپيڭ الدىمەن جۇڭگو ۇكىمەتى مەن جۇڭگو حالقى اتىنان ۆۋچيچ زۇڭتۇڭعا جانە سەربيا ۇكىمەتىنە جانە باۋىرلاس سەربيا حالقىنا شىنايى سالەم جولدادى.
شي جينپيڭ مىنالاردى اتاپ كورسەتتى: 2016 - جىلى سەربيادا مەملەكەتتىك ساپاردا بولعانىمدا، سەربيا باسشىلارى مەن حالقى ىستىق ىقىلاسپەن كۇتىپ الدى، مەن مەنى كۇنى بۇگىنگە دەيىن ەستەن شىعارمايمىن. 8 جىلدان كەيىن تاعى دا ساپارلاي كەلگەنىمدە، ۆۋچيچ زۇڭتۇڭنىڭ باسشىلىعىندا سەربيانىڭ ەكونوميكاسى مەن قوعامىنىڭ قارىشتاپ دامىپ، مەملەكەتتىڭ جالپىلىق قۋاتى مەن حالىقارالىق ورنىنىڭ جوعارىلاعانىن، حالىقتىڭ تۇرمىس ورەسىنىڭ ۇزدىكسىز جوعارىلاعانىن كورىپ قاتتى قۋاندىم. جۇڭگو مەن سەربيا − ناعىز دوس، جاقسى سەرىك، ەكى ەلدىڭ ساياسي سەنىمدىلىگى مىزعىماس بەرىك، ناقتى سەلبەستىگىنىڭ ساپاسى، دارەجەسى جوعارىلادى، كوپ جاقتى سايكەسۋى ءجيى، ىركىلىسسىز بولدى، مىزعىماس دوستىق ۇزاق ۋاقىتتان بەرى جاڭارىپ كەلەدى.
شي جينپيڭ مىنالاردى باسا دارىپتەدى: كەشە كەشتە زۇڭتۇڭ ۆۋچيچ پەن حانىمى جانە زۇڭلي، بۇرىنعى زۇڭتۇڭ، پارلامەنت باستىعى، سىرتقى ىستەر مينيسترى قاتارلىلار اۋەجايعا بارىپ حانىمىم ەكەۋىمىزدى قارسى الدى ءارى ەرەكشەلىككە يە سەربيا كونسەرتىن ورنالاستىردى، بۇل كىسىنى اسەرلەندىرەدى. بۇگىن تۇستەن بۇرىن ۆۋچيچ زۇڭتۇڭ سالتاناتتى دا دۋماندى بۇقارالىق قارسى الۋ سالتىن ورنالاستىردى، مەن سەربيا حالقىنىڭ جۇڭگو مەن جۇڭگو حالقىنا دەگەن شىنايى سۇيىسپەنشىلىگىنەن تاعى ءبىر رەت اسەرلەندىم. جاڭا مەن ۆۋچيچ زۇڭتۇڭمەن شىنايىلىق، دوستىق اۋانىندا جۇڭگو - سەربيا قارىم – قاتىناسى جانە ەكى جاق ورتاق كوڭىل ءبولىپ وتىرعان ماسەلەلەر جونىندە تەرەڭ ىشكەرىلەي الماستىرىپ، قىرۋار جاڭا ماڭىزدى ورتاق تانمعا كەلدىك.
− ءبىز جاڭا داۋىردەگى جۇڭگو - سەربيا تاعدىرلاس ورتاق تۇلعاسىن قۇرۋدى بىرگە جاريالاپ، جۇڭگو - سەربيا قارىم - قاتىناسىنىڭ تاريحي جاڭا پاراعىن اشتىق. 8 جىلدىڭ الدىندا سەربيا جۇڭگونىڭ ورتا، شىعىس ەۆروپا وڭىرىندەگى تۇڭعىش جاپپاي ستراتەگيالىق سەرىگىنە اينالدى. بۇگىن سەربيا جۇڭگومەن تاعدىرلاس ورتاق تۇلعا قۇرعان تۇڭعىش ەۆروپا ەلىنە اينالىپ، جۇڭگو - سەربيا قارىم - قاتىناسىنىڭ ستراتەگيالىق، ەرەكشە جانە جوعارى دەڭگەيىن تولىق ايگىلەدى.
− ءبىز ستراتەگيالىق بايلانىستى كۇشەيتۋ ارقىلى جاڭا داۋىردەگى جۇڭگو - سەربيا تاعدىرلاس ورتاق تۇلعاسىنىڭ جول باستاۋشىسى بولۋعا ءبىر اۋىزدان قوسىلدىق. ەكى جاق ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىن باتىل قولداپ، تاعدىرلاس ورتاق تۇلعا قۇرىلىسىنىڭ ساياسي ىرگە تاسىن بەكەمدەۋى كەرەك. جۇڭگو جاق سەربيانىڭ دەربەس، ءوز - وزىنە قوجايىن بولۋدا، ءوز مەملەكەت جاعدايىنا ۇيلەسەتىن دامۋ جولىمەن جۇرۋدە تاباندى بولۋىن قولدايدى، سەربيانىڭ كوسوۆو ماسەلەسىندە مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ قۇلشىنىسىن قولدايدى.
− ءبىز كوپ ءتۇرلى سەلبەستىك قۇجاتتارىنا قول قويۋعا بىرگە كۋا بولىپ، جۇڭگو مەن سەربيانىڭ سەلبەسىپ تەڭ يگىلىككە كەنەلۋىنە جاڭا قوزعاۋشى كۇش ۇستەدىك. جۇڭگو مەن سەربيانىڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋى سۇبەلى تابىستارعا قول جەتكىزدى، ەكى جاق سالاسى كەڭ، ساپاسى جوعارى، ونىمدىلىگى جاقسى ناقتى سەلبەستىكتى ۇزدىكسىز ىلگەرىلەتىپ، ءبىر - ءبىرىنىڭ ەكونوميكالىق، قوعامدىق قۇرىلىسىنا بەرىك دەم بەرۋمەن بىرگە، ەكونوميكانىڭ جاھاندانۋىنىڭ جالپىعا ءتيىمدى، سيىسىمدى دامۋىن ىلگەرىلەتۋدىڭ جاندى امالياتىنا اينالاتىن بولادى.
− ءبىز قاتىناس جانە ەنەرگيا نەگىزدىك قۇرىلعىلارى سياقتى ءداستۇرلى ابزال سالالارداعى سەلبەستىكتى تىڭعىلىقتى ىلگەرىلەتىپ، جاڭالىق اشۋ سەلبەستىگىن ەكى جاقتى قارىم - قاتىناستىڭ جاڭا ارتۋ تۇيىنىنە اينالدىرۋعا ءبىر اۋىزدان قوسىلدىق. ءار سالاداعى ادامداردىڭ بارىس - كەلىسىن كەڭەيتىپ، مادەنيەت، وقۋ - اعارتۋ، دەنە تاربيە، ساياحات، جەرگىلىكتى ورىندار سەلبەستىگىن جاپپاي تەرەڭدەتۋ كەرەك. پارتيالار ارا بارىس - كەلىس پەن ەل باسقارۋ تاجىريبەلەرىن اۋىستىرۋدى كۇشەيتۋ كەرەك. ءۇش ءىرى دۇنيە جۇزىلىك باستامانى بىرگە تياناقتاندىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك. ادىلدىك پەن ادىلەتتىلىكتە تاباندى بولىپ، زورەكەرلىك پەن وكتەمدىك ساياسيعا بىرگە قارسى تۇرۋ كەرەك.شي جينپيڭ جۇڭگونىڭ جاڭا داۋىردەگى جۇڭگو - سەربيا تاعدىرلاس ورتاق تۇلعاسى قۇرىلىسىن قولداۋداعى العاشقى مەزگىلدەگى 6 ءتۇرلى ناقتى شاراسىن جاريالادى.
ءبىرىنشى، ەكى جاقتىڭ بىرگە قۇلشىنۋىندا، جۇڭگو - سەربيا ەركىن ساۋدا كەلىسىمى بيىل 7 - ايدىڭ 1 – كۇنى رەسمي كۇشكە يە بولادى؛
ەكىنشى، جۇڭگو سەربيانىڭ 2027 - جىلعى كاسىپتىك تۇردەگى دۇنيە جۇزىلىك كورمەنى وتكىزۋىن قولدايدى، سول كەزدە ۇيىرمە جىبەرىپ كورمەگە قاتىناسادى، جۇڭگو كاسىپورىندارىن قاتىستى نىسان قۇرىلىستارىنا ات سالىسۋعا شابىتتاندىرادى؛
ءۇشىنشى، جۇڭگو سەربيانىڭ ەرەكشە ساپالى اۋىل شارۋاشىلىق ونىمدەرىن يمپورت ەتۋدى كەڭەيتۋدى قالايدى، ەكى جاق قۇرعاتىلعان الحورىنى، سيىر بۇلدىرگەندى جۇڭگوعا جەتكىزۋ رەسمياتىن ورىندادى ءارى سەربيانىڭ اۋرۋ تۋدىراتىن قۇس تۇماۋىنا بايلانىستى تيىم سالۋ بۇيرىعىن كۇشىنەن قالدىردى؛
ءتورتىنشى، جۇڭگو الداعى 3 جىلدا سەربيانىڭ جاس عالىمدارىنان 50 ادامنىڭ جۇڭگوعا بارىپ عىلمي زەرتتەۋ اۋىس - كۇيىسىن ورىستەتۋىن قولدايدى؛
بەسىنشى، جۇڭگو الداعى 3 جىلدا سەربيا جاستارى مەن ورەندەرىنەن 300 ادامدى جۇڭگوعا ۇيرەنۋگە ۇسىنىس ەتەدى؛
التىنشى، جۇڭگو سەربيا جاقتىڭ بەلگرادتان شاڭحايعا توتە قاتىنايتىن اۋە لەنياسىن كوبەيتۋىن قارسى الادى، ەكى ەلدىڭ اۆياتسيا تاسىمال كاسىپورىندارىن بەلگرادتان گۋاڭجوۋعا توتە قاتىنايتىن اۋە لەنياسىن اشۋعا شابىتتاندىرادى.
شي جينپيڭ مىنالاردى اتاپ كورسەتتى: تاريحقا قايىرىلا قاراساق، جۇڭگو مەن سەربيانىڭ دوستىعى دۇنيە ءجۇزىنىڭ بەيبىتشىلىگى مەن دامۋىن بىرگە قورعاۋ ۇلى كۇرەسىندە قالىپتاسقان، ىستىق قانمەن جانە ومىرمەن سومدالعان. بولاشاقتى كوزدە ۇستاي وتىرىپ، جاڭا داۋىردەگى جۇڭگو - سەربيا تاعدىرلاس ورتاق تۇلعاسىن قۇرۋ − ەكى جاقتىڭ ستراتەگيالىق تالعامى، نىسانا − ەكى ەل حالىقتارىنىڭ تاماشا تۇرمىسقا دەگەن تالپىنىسىن جۇزەگە اسىرۋ، قوزعاۋشى كۇش ەكى ەل حالىقتارىنىڭ باتىل قولداۋى مەن كەڭ كولەمدە ات سالىسۋىنان كەلەدى. جۇڭگو جاق سەربيا جاقپەن تىزە قوسا وتىرىپ جاڭا داۋىردەگى جۇڭگو - سەربيا تاعدىرلاس ورتاق تۇلعاسىن قۇرۋدىڭ جاڭا جورىعىنا قادام تاستاۋدى قالايدى.
ۆۋچيچ مىنانى ءبىلدىردى: ءتوراعا شي جينپيڭنىڭ 8 جىلدان كەيىن تاعى دا ساپارلاي كەلۋى سەربيا جونىنەن كەلەلى ماڭىز الادى. سەربيا مەن جۇڭگونىڭ سەلبەستىگى سۇبەلى تابىستارعا قول جەتكىزىپ، سەربيا حالقى ناقتى ىرىس - قۇتقا كەنەلدى. الگىندە مەن ءتوراعا شي جينپيڭمەن كەڭ كولەمدە كەڭەس وتكىزىپ، مول تابىسقا قول جەتكىزدىم. ءتوراعا شي جينپيڭ ەكەۋىمىز تاعى جاڭا داۋىردەگى سەربيا - جۇڭگو تاعدىرلاس ورتاق تۇلعاسىن قۇرۋ بىرلەسكەن مالىمدەمەسىنە بىرگە قول قويدىق. ءتوراعا شي جينپيڭنىڭ سەربيا - جۇڭگو سەلبەستىگىن قولدايتىن كوپتەگەن ناقتى شارالاردى جاريالاعانىنا العىس ايتامىن. ءبىز جۇڭگو سياقتى ۇلى دوسىمىزدى جانە سەربيا - جۇڭگو قارىم - قاتىناسىنىڭ جاڭا ورنىن ماقتانىش ەتەمىز، سەربيا - جۇڭگو قارىم - قاتىناسىنىڭ بولاشاعىنا كامىل سەنەمىز. سەربيا جاق جۇڭگونىڭ وزەكتى مۇددەسىنە ساياتىن بارلىق ماسەلەدە جۇڭگومەن ۇزدىكسىز باتىل بىرگە بولادى. سەربيا مەن جۇڭگونىڭ مىزعىماس دوستىعى ءارقانداي كۇشتىڭ كەدەرگىسىنە جانە بۇلدىرۋىنە ۇشىرامايدى.
ساي چي، ۋاڭ ي قاتارلىلار قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
