ەڭ جوعارى حالىق پروكۋراتۋراسى مەن مەملەكەتتىك باس جۇمىسشىلار ۇيىمى كاسىپورىنداردىڭ ەڭبەكاقىنى قاساقانا كەشەۋىلدەتۋى قاتارلى ماسەلەلەرگە نازاردى شوعىرلاندىرىپ، تيپتىك دەلولاردى جاريالادى
2024.05.08 15:47 كەلۋ قاينارى : حالىق تورابى
ءتىلشىنىڭ 5 – ايدىڭ 7 – كۇنى ەڭ جوعارى حالىق پروكۋراتۋراسىنان ۇعىسۋىنشا، ەڭ جوعارى حالىق پروكۋراتۋراسى مەن مەملەكەتتىك باس جۇمىسشىلار ۇيىمى جۋىردا اكىمشىلىك جاقتان تەكسەرۋ – باقىلاۋ رولىن تولىق ساۋلەلەندىرىپ، ەڭبەكاقىنى كەشۋىلدەتۋدى تۇبىرىنەن وڭالتۋعا دەم بەرۋ جاعىنداعى ءبىر توپ تيپتىك دەلونى جاريالاپ، كاسىپورىنداردىڭ قاساقانا كۇشىنەن قالدىرۋى سالدارىنان ەڭبەكشىلەردىڭ ەڭبەكاقىسى تولەنبەي قالۋ، ەڭبەكاقىنى تولەتۋدىڭ قيىن بولۋى قاتارلى ماسەلەلەرگە نازاردى شوعىرلاندىردى.
شاڭحايداعى بەلگىلى اس – سۋ سەرىكتەستىگىنىڭ ەڭبەكاقىنى كەشەۋىلدەتۋى جونىندە ارىز – شاعىمسىز اكىمشىلىك جاقتان تەكسەرۋ – باقىلاۋ جۇرگىزۋ دەلوسى بارىسىندا، شاڭحاي قالاسىنداعى بەلگىلى رايونداعى پروكۋراتۋرا ورگانى تاراۋلار ارا دەلو ءبىتىرۋ ۇيىرمەسىن جاساقتاپ، پروكۋراتۋرالىق ۇسىنىس بەرۋ، ارىزدانۋعا قولداۋ كورسەتۋ، قاتىستى ورىنداردى ەڭبەكشىلەردىڭ ەڭبەكاقىسىن تولەۋدەن باس تارتۋ قىلمىس كۇمانىنىڭ دەرەگىن قوعام حاۋىپسىزدىگى ورگاندارىنا جوتكەپ بەرۋگە قۋزاۋ قاتارلى تاسىلدەر ارقىلى 35 ەڭبەكشىنىڭ كەشەۋىلدەتىلگەن ەڭبەكاقىسىن تۇگەلدەي قايتارىپ الىپ بەرگەن. دەلو ءبىتىرۋ بارىسىندا بايقالعان قوعامدى جونگە سالۋعا ساياتىن ءتۇبىرلى ماسەلەلەرگە باعىتتاي وتىرىپ، پروكۋراتۋرا ورگاندارى باستاماشىلدىق ەتىپ، رايوندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى، رايوندىق بازاردى باقىلاۋ – باسقارۋ مەكەمەسى قاتارلىلارمەن ينفورماتسيانى ءوزارا تۇتاستىرۋ جانە قىزمەتتى ۇشتاستىرۋ مەحانيزمىن ورناتىپ، رايوندىق باس جۇمىسشىلار ۇيىمىمەن سايكەسە وتىرىپ، جۇمىسشى – قىزمەتكەرلەردىڭ ەڭبەككە ساياتىن ۇقىق – مۇددەسىن قامتاماسىزداندىرۋدى ىلگەرىلەتتى.
ەڭ جوعارى حالىق پروكۋراتۋراسى 7 – پروكۋراتۋرا مەڭگەرمەسىنىڭ جاۋاپتىسى مىنانى ءبىلدىردى: بۇكىل ەلىمىزدەگى پروكۋراتۋرا ورگاندارىنىڭ اكىمشىلىك پروكۋراتۋرا تاراۋلارى بيىل ”حالىق تۇرمىسىن پروكۋراتۋرالىق جاقتان قورعاۋ“ ارناۋلى ارەكەتىنىڭ تالاپتارىمەن ۇشتاستىرا وتىرىپ، اكىمشىلىك پروكۋراتۋرا رولىن تولىق ساۋلەلەندىرىپ، اكىمشىلىك تەرگەۋ جانە اتقارۋ ارەكەتىن زاڭدىق تۇرعىدان باقىلاۋدى كۇشەيتىپ، ەڭبەكاقىنى قاساقانا كەشەۋىلدەتۋ ارەكەتىن زاڭ بويىنشا جازالاپ جونگە سالۋدى ىلگەرىلەتەدى. ەڭ جوعارى حالىق پروكۋراتۋراسى جەر – جەردىڭ ەڭبەك جانە جۇمىستانۋ سالاسىنداعى شاعىن كولەمدەگى ارناۋلى قيمىلداردى ورىستەتۋىنە ىشكەرىلەي جەتەكشىلىك ەتىپ، كاسىپورىنداردىڭ قاساقانا كۇشىنەن قالدىرۋ سالدارىنان ەڭبەكاقىنى كەشەۋىلدەتۋى، سوت مەكەمەسىنىڭ اتقارۋى جۇيەلى بولماۋ قاتارلى جاعدايلارعا باعىتتاي وتىرىپ، ارناۋلى باقىلاۋ ورىستەتىپ، ۇزاق مەرزىمدىك ءونىمدى مەحانيزم ورناتىپ، ەڭبەكاقىنى كەشەۋىلدەتۋ ماسەلەسىن قاينارىنان باستاپ جونگە سالۋدى ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
