شي جينپيڭ فرانسيانىڭ زۇڭتۇڭى ماكرونمەن كەڭەس وتكىزدى
2024.05.07 16:25 كەلۋ قاينارى : حالىق تورابى
سول جەر ۋاقىتى 5 - ايدىڭ 6 - كۇنى تۇستەن كەيىن مەملەكەت ءتوراعاسى شي جينپيڭ پاريجدەگى ەليسسە سارايىندا فرانسيانىڭ زۇڭتۇڭى ماكرونمەن كەڭەس وتكىزدى.
شي جينپيڭ مىنالاردى اتاپ كورسەتتى: جۇڭگو مەن فرانسيا ديپلوماتيالىق قارىم - قاتىناس ورناتقانىنىڭ 60 جىلدىعى قارساڭىندا فرانسيادا 3 - رەت مەملەكەتتىك ساپاردا بولعانىما توتەنشە قۋانىشتامىن. جۇڭگو - فرانسيا قارىم - قاتىناسىنىڭ 60 جىلدىق باعالى بارىسى ءبىزدىڭ كەيىنگى 60 جىلدى قالاي باستاۋ جونىندە ءتىپتى دە ويداعىداي ويلانۋىمىزعا تۇرتكى بولادى. قازىرگى دۇنيە جۇزىندەگى 100 جىلدىق وزگەرىس جاعدايىندا، ەكى جاق دەربەس، ءوز - وزىنە قوجايىن بولۋ، ءوزارا ءتۇسىنىسۋ، بيىكتە تۇرىپ الىسقا كوز جىبەرۋ، ءوزارا پايدا جەتكىزىپ، تەڭ يگىلىككە كەنەلۋ سىندى ديپلوماتيالىق قارىم - قاتىناس ورناتۋ اۋەلگى ماقساتىنان جازباۋى، سونداي - اق وعان جاڭا داۋىرلىك ءمان ۇستەپ، جاڭا داۋىردەگى ءوزارا سەنىمدى، ورنىقتى، دۇرىس جولدان جازباي، جاڭالىق اشاتىن، جاۋاپكەرشىلىك ارقالاپ، ىسكەرلىك كورسەتەتىن جۇڭگو - فرانسيا قارىم - قاتىناسىن قالىپتاستىرۋى كەرەك. ەكى جاق دەربەس، ءوز - وزىنە قوجايىن بولۋدا تاباندى بولىپ، ”جاڭا قىرعي قاباقتىق سوعىستان“ نەمەسە توپقا ءبولىنىپ قارسىلاسۋدان بىرگە ساقتانۋى؛ ءوزارا تۇسىنىسۋدە تاباندى بولىپ، الۋان ءتۇرلى دۇنيەنىڭ جاراسىمدى قاتار ءومىر ءسۇرۋىن بىرگە جەبەۋى؛ بيىكتە تۇرىپ الىسقا كوز جىبەرۋدە تاباندى بولىپ، تەپە - تەڭ، ءتارتىپتى دۇنيە ءجۇزىنىڭ كوپ ۇيەكتەنۋىن بىرگە ىلگەرىلەتۋى؛ ءوزارا پايدا جەتكىزىپ، تەڭ يگىلىككە كەنەلۋدە تاباندى بولىپ، ”قول ۇزۋگە“ بىرگە قارسى تۇرۋى كەرەك.
شي جينپيڭ مىنالاردى باسا دارىپتەدى: جۇڭگو جاق فرانسيا جاقپەن ستراتەگيالىق بايلانىستى ساقتاپ، ءبىر - ءبىرىنىڭ وزەكتى مۇددەسىنە قۇرمەت ەتىپ، ەكى جاقتى قارىم - قاتىناستىڭ ستراتەگيالىق ورنىقتىلىعىن بەكەمدەۋدى قالايدى. ءوزارا ءتيىمدى سەلبەستىكتىڭ كەڭ كومەسكى كۇشىن اشىپ، ەكى جاقتى ساۋدانىڭ ورلەۋ تەپە - تەڭدىگىن جەبەۋ كەرەك. جۇڭگو فرانسيانىڭ اناعۇرلىم كوپ ساپالى ونىمدەرىن يمپورت ەتىپ، ”فرانسيا ەگىس الاڭىنان جۇڭگونىڭ داستارقانىنا دەيىن“ مەحانيزمىنىڭ اناعۇرلىم كوپ ناقتى جەتىستىكتەرگە قول جەتكىزۋىن ىلگەرىلەتۋدى قالايدى، فرانسيانىڭ جۇڭگوعا اناعۇرلىم كوپ جوعارى تەحنيكالى، ۇستەمە قۇنى جوعارى ونىمدەردى ەكسپورت ەتۋىن ءۇمىت ەتەدى. ەكى جاق دامۋ ستراتەگياسىن ۇشتاستىرۋدى كۇشەيتىپ، عارىش، اۆياتسيا سياقتى ءداستۇرلى ابزالدىققا يە سالالارداعى سەلبەستىكتى تەرەڭدەتىپ، يادرو ەنەرگياسى، جاڭالىق اشۋ، فينانس سالاسىنداعى سەلبەستىكتى كۇشەيتىپ، جاسىل ەنەرگيا، زەردەلى جاساۋ، بيولوگيالىق ءدارى - دارمەك، جاساندى زەردە سياقتى جاڭادان گۇلدەنگەن سالالارداعى سەلبەستىكتى كەڭەيتۋى كەرەك. جۇڭگو جاساۋ كاسىبىنىڭ بازارعا كىرۋىنە رۇقسات ەتۋدى جاپپاي ەركىنە قويا بەرۋدى جۇزەگە اسىردى، تەلەگراف، ەمدەۋ سياقتى قىزمەت وتەۋ كاسىبىنىڭ بازارعا كىرۋ رۇقساتىن جەدەل اشىق ۇستايدى، ءتىپتى دە كوپ فرانسيا كاسىپورىندارىنىڭ جۇڭگوعا بارىپ قارجى قوسۋىن قارسى الادى، سونىمەن بىرگە، فرانسيا جاقتىڭ جۇڭگو كاسىپورىندارىنىڭ فرانسياعا بارىپ قارجى قوسۋ سەلبەستىگىنە تاماشا تيجارات - ساۋدا ورتاسىن جانە ورنىقتى دامۋ مەجەسىن ازىرلەۋىن ءۇمىت ەتەمىن.
شي جينپيڭ بىلاي دەپ باسا دارىپتەدى: جۇڭگو مەن فرانسيا ەكەۋى دە — مادەنيەتتەگى ءىرى ەلدەر، ەكى جاق گۋمانيتارلىق بارىس - كەلىستىڭ ”قوس باعىتتا اتتانۋىن“ جەدەلدەتىپ، جۇڭگو - فرانسيا مادەنيەت - ساياحات جىلىنداعى ءتۇرلى قيمىلداردى ۇزدىكسىز ويداعىداي وتكىزىپ، مادەني ەسكەرتكىشتەردى بىرلەسىپ قورعاۋ، قالپىنا كەلتىرۋ قىزمەتىن جانە دۇنيە جۇزىلىك مۇراعاتتار ورنىن ويداعىداي ءتۇيىستىرۋ سياقتى سەلبەستىكتەردى بەلسەنە ىلگەرىلەتۋ كەرەك. جۇڭگو جاق ءتىپتى دە كوپ فرانسيالىق دوستاردىڭ جۇڭگوعا بارۋىن قارسى الادى، فرانسيا سياقتى 12 ەل ازاماتتارىنىڭ جۇڭگوعا قىسقا مەرزىمدى ۆيزاسىز كەلۋ ساياساتىن 2025 - جىلدىڭ سوڭىنا دەيىن ۇزارتىپ، الداعى 3 جىلدا فرانسيانىڭ جۇڭگوعا كەلىپ وقيتىن وقۋشىلارىنىڭ 10 مىڭنان اسۋىن، ەۆروپا جاستارى مەن ورەندەرىنىڭ جۇڭگوعا كەلىپ اۋىس - كۇيىس جاساۋ كولەمىن ەكى ەسەلەۋدى ىلگەرىلەتەدى. جۇڭگو جاق فرانسيا جاقتىڭ پاريج وليمپيادا سپورت جارىسىن ويداعىداي وتكىزۋىن قولدايدى، جوعارى ورەلى ۋاكىلدەر ۇيىرمەسىن فرانسياعا بارىپ جارىسقا قاتىناسۋعا جىبەرەدى. جۇڭگو جاق فرانسيا جاقپەن كليمات وزگەرىسى، ورگانيزمدەردىڭ الۋان تۇرلىلىگى سياقتى سالالارداعى سەلبەستىكتى تەرەڭدەتۋدى قالايدى، فرانسيانىڭ بىرلەسكەن مەملەكەتتەر ۇيىمىنىڭ تەڭىز - مۇحيت جينالىسىن ويداعىداي وتكىزۋىن قولدايدى، ەكى ەلدىڭ قاتىستى مەملەكەتتىك باقشالارى مەن جاراتىلىستىق قورىقتارىن جۇپ قۇراۋعا شابىتتاندىرادى. جۇڭگو جاق تا فرانسيا جاقپەن جاساندى زەردەنى جونگە سالۋ، حالىقارالىق فينانس جۇيەسى رەفورماسى سياقتى سالالارداعى پىكىرلەسۋدى، تىلدەسۋدى كۇشەيتۋدى قالايدى.
ماكرون مىنالاردى ءبىلدىردى: بيىل فرانسيا مەن جۇڭگو فرانسيا مەن جۇڭگونىڭ ديپلوماتيالىق قارىم - قاتىناس ورناتقانىنىڭ 60 جىلدىعىن سالتاناتپەن قۇتتىقتايدى. فرانسيا مەن جۇڭگونىڭ قارىم - قاتىناسى دوسجارلىقتى نەگىز ەتەدى، سەلبەستىگى ناتيجەلى بولۋدا، جوعارى وزىق تەحنيكاعا سايۋمەن بىرگە، كليمات وزگەرىسى، تەڭىز - مۇحيتتىڭ الۋان تۇرلىلىگى سياقتى دۇنيە جۇزىلىك تاقىرىپتاردى دا قامتيدى. ءتوراعا شي جينپيڭنىڭ ساپارى كەزىندە ەكى جاق كوپ ءتۇرلى سەلبەستىك كەلىسىمىنە قول قويىپ، فرانسيا - جۇڭگو سەلبەستىگىنىڭ كومەسكى كۇشى مەن بولاشاعىن تاعى ءبىر رەت ايگىلەدى. قازىر دۇنيە ءجۇزى كوپتەگەن كوكەي تەستى سىن - سايىسقا ءدوپ كەلىپ وتىر، فرانسيا - جۇڭگو قارىم - قاتىناسى الدىڭعىعا مۇراگەر بولىپ، كەيىنگىگە جول اشۋدىڭ شەشۋشى ساتىندە تۇر. فرانسيا - جۇڭگو قارىم - قاتىناسىنىڭ تەرەڭ نەگىزى بار، ەكى جاق ءوزارا قۇرمەت ەتىپ، ۇزاق بولاشاقتى كوزدە ۇستاپ، سەلبەستىكتى كۇشەيتىپ، دۇنيە جۇزىلىك سىن - سايىستى شەشۋدە، توپتاردىڭ قاراما - قارسىلىعىنان ساقتانۋدا ماڭىزدى، بەلسەندى رول اتقارۋدا. فرانسيا جاق جۇڭگو جاقپەن ەكى جاقتى ەكونوميكالىق قارىم - قاتىناستى جانە كوپ جاقتى قارىم - قاتىناستى، سەلبەستىكتى اناعۇرلىم جيىلەتىپ، فرانسيا مەن جۇڭگونىڭ ستراتەگيالىق سەرىكتەستىك قارىم - قاتىناسىنىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتۋدى ءۇمىت ەتەدى. فرانسيا جاق جۇڭگوعا ءتىپتى دە كوپ اۋىل شارۋاشىلىق ونىمدەرىن ەكسپورت ەتۋدى ءۇمىت ەتەدى، سونىمەن بىرگە جۇڭگوعا بازاردى اشىق ۇستايدى، جۇڭگو كاسىپورىندارىنا قاراتا كەمسىتۋ ساياساتىن جۇرگىزبەيدى، ءتىپتى دە كوپ جۇڭگو كاسىپورىندارىنىڭ، جۇيەدەن جوعارى تەحنيكالى كاسىپورىنداردىڭ فرانسياعا بارىپ قارجى قوسىپ، سەلبەستىك جاساۋىن قارسى الامىز. فرانسيا جاق جۇڭگو جاقپەن عارىش، اۆياتسيا، حالىقتىق يادرو ەنەرگياسى سياقتى سالالارداعى سەلبەستىكتى كۇشەيتىپ، بيىلعى فرانسيا - جۇڭگو مادەنيەت - ساياحات جىلى قيمىلىن بىرگە ويداعىداي وتكىزۋدى قالايدى، جۇڭگونىڭ پاريج وليمپيادا سپورت جارىسىنا ۇيىرمە جىبەرىپ قاتىناستىرۋىن قارسى الامىز. فرانسيا جاق كليمات وزگەرىسى، ورگانيزمدەردىڭ الۋان تۇرلىلىگىن قورعاۋ، جاساندى زەردە سياقتى دۇنيە جۇزىلىك ماسەلەلەر جونىندە جۇڭگومەن تىعىز بايلانىس جاساپ، سەلبەسىپ، كوپ جاقتىلىقتى، بىرلەسكەن مەملەكەتتەر ۇيىمى ەرەجەسىنىڭ ماقساتىن جانە حالىقارالىق زاڭدى بىرگە قورعاۋدى قالايدى.
ەكى جاق جانە ۋكراينا داعدارىسى جانە پالەستينا - يزرايل قاقتىعىسى سياقتى ورتاق كوڭىل ءبولىپ وتىرعان حالىقارا جانە وڭىرلىك ماسەلەلەر جونىندە ىشكەرىلەي پىكىر الماستىردى. شي جينپيڭ بىلاي دەپ اتاپ كورسەتتى: قازىرگى دۇنيە تىم تىنىش ەمەس. جۇڭگو مەن فرانسيا بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلدەرى رەتىندە قولامتالى ماسەلەلەردى بەيبىت جولمەن شەشۋ ءۇشىن ءۇن قاتىپ، باياندى بەيبىت، جاپپاي حاۋىپسىز دۇنيە ءجۇزىن قۇرۋدى ىلگەرىلەتۋ ءۇشىن كۇش شىعارۋى كەرەك. جۇڭگو جاق فرانسيا جاقپەن بىرگە پاريج وليمپيادا سپورت جارىسىن وراي ەتىپ، سپورت جارىسى كەزىندە دۇنيە ءجۇزى بويىنشا سوعىس توقتاتۋ باستاماسىن كوتەرۋدى قالايدى.
ەكى جاق ورتا شىعىس جاعدايى، جاساندى زەردە جانە دۇنيە جۇزىلىك جونگە سالۋ، ورگانيزمدەردىڭ الۋان تۇرلىلىگى جانە تەڭىز - مۇحيت، اۋىل شارۋاشىلىق اۋىس - كۇيىسى جانە سەلبەستىگى جونىندەگى 4 بىرلەسكەن مالىمدەمەنى جاريالاپ، جاسىل دامۋ، اۆياتسيا، اۋىل شارۋاشىلىعى، ازىق - تۇلىك، ساۋدا، گۋمانيتارلىق سياقتى سالالارداعى 20 عا جۋىق ەكى جاقتى سەلبەستىك قۇجاتىنا قول قويدى.
كەڭەستەن كەيىن شي جينپيڭ مەن ماكرون تىلشىلەرمەن كەزدەستى.
سول كۇنى كەشتە ماكرون مەن حانىمى بريگيت ەليسسە سارايىندا شي جينپيڭ مەن پىڭ لييۋاندى قارسى الۋ كەشكى قوناعاسىن وتكىزدى.
ساي چي، ۋاڭ ي قاتارلىلار جوعارىداعى قيمىلدارعا قاتىناستى. (دۋ شاڭزى، جياڭ يۇن)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
