پويەز جولاۋشىلاردىڭ جاعدايىنا قاراي جۇرەدى، جولاۋشىلار ساياحاتتاعاندا پويەز كۇتىپ تۇرادى
”پويەزبەن شينجياڭدا ساياحاتتاعان“ قانداي بولادى؟
2024.05.10 16:09 كەلۋ قاينارى : حالىق تورابى
5 – ايدىڭ 8 – كۇنى كەشكى ساعات 9 دان 18 مينۋت وتكەندە، بيىلعى تۇڭعىش رەتكى ”پويەزبەن شينجياڭدا ساياحاتتاۋ . تيانشان ءنومىرلى“ جوعارى ساپالى ەرەكشەلىككە يە ساياحات پويەزى ۇرىمجىدەن ساپارعا شىقتى، بۇل پويەز ساياحاتشىلاردىڭ ءبىر رەتكى ساياحات بارىسىندا شينجياڭداعى تيانشاننىڭ سولتۇستىگى مەن وڭتۇستىگىندەگى ءتۇرلى كورىنىستەردى ساياحاتتاۋ ارمانىن ىسكە اسىرادى.
شينجياڭ ءۇرىمجى پويەز بەكەتىندە ەلىمىزدىڭ جەر – جەرىنەن كەلگەن 362 ساياحاتشى ”تيانشان ءنومىرلى“ پويەزگە وتىرىپ، شينجياڭداعى 12 كۇندىك ساياحاتتى باستادى. وسى رەتكى ساياحات پويەزى ”پويەز + اۆتوموبيل“ فورماسىن قولدانىپ، ءۇرىمجى، سونداي – اق، وڭتۇستىك – سولتۇستىك شينجياڭداعى 6 ايماق – وبلىستاعى قاناس، سايرام، نارات، جالنىتاۋ، تيانشان اڭعارى جانە قاراكول قاتارلى تانىمالى كورىنىس رايوندارىن ساياحاتتاتادى. ارناۋلى پويەز بۇل جەرلەرگە توتە بارادى، پويەز جولاۋشىلاردىڭ جاعدايىنا قاراي جۇرەدى، جولاۋشىلار ساياحاتتاعاندا، پويەز كۇتىپ تۇرادى.
سۋجوۋلىق ساياحاتشى رىن فىڭ: مەن تۇڭعىش رەت شينجياڭعا كەلدىم، وسىنداي ساياحاتقا شىعۋدى ەكى – ءۇش جىلدان بەرى ويلاستىرعانبىز، ”تيانشان ءنومىرلى“ پويەز ءبىزدى الىپ وڭتۇستىك – سولتۇستىك شينجياڭداعى ساياحات كورىنىس رايوندارىن تۇگەل ارالاتاتىن بولدى. بۇل وتە قولايلى ەكەن، وسى رەتكى ساپاردى اسىعا كۇتۋدەمىن، _ دەدى.
شينجياڭ تەمىر جول ساياحاتىن دامىتۋ توبى شەكتى سەرىكتەستىگىنىڭ باس ديرەكتورى جاڭ كىلي: شينجياڭنىڭ تاۋ – وزەنى، كولدەرى، شولدەرى، ساحاراسى، ەجەلگى اۋىلدارى قاتارلى كورىنىستەرىن جەرگىلىكتى مادەنيەتپەن ۇشتاستىرىپ، بارشا ساياحاتشىلاردىڭ ءبىر رەتتە شينجياڭنىڭ اسەم جاراتىلىستىق كورىنىستەرى مەن ەرەكشەلىككە يە مادەنيەتىن، سالت – ساناسىن تولىق كورىپ شىعۋىنا شارت – جاعداي ازىرلەيمىز، _ دەدى.
ۇعىسۋعا قاراعاندا، ”تيانشان ءنومىرلى“ پويەز 5 – ايدان 9 – ايعا دەيىن قاتىنايدى، شينجياڭداعى ەڭ تاماشا ساياحات مەزگىلىن تولىق قامتىپ، ورتا ەسەپپەن ءار جارىم ايدا ءبىر پويەز قاتىنايدى.
بۇل رەتكى ساياحات ارناۋلى پويەزىنىڭ ۆاگوندارى دا شينجياڭنىڭ سالت – سانا ەرەكشەلىگى بويىنشا بەزەندىرىلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
