شينجياڭدا ”مايسىزداندىرعىش“ پايدالانۋ، جالعان ەت ونىمدەرىن ءوندىرۋ قاتارلى زاڭعا قايشى ارەكەتتەرگە قاتاڭ سوققى بەرىلەدى
2024.05.10 13:27 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى سو رۇڭجى حابارلايدى. ءتىلشىنىڭ 5 – ايدىڭ 9 – كۇنى شينجياڭ ۇيعۇر اۆتونوميالى رايوندىق ازىق – تۇلىك حاۋىپسىزدىگى كەڭسەسىنەن ۇعىسۋىنشا، 4 – ايدان 11 – ايعا دەيىن، اۆتونوميالى رايوندىق ازىق – تۇلىك حاۋىپسىزدىگى كەڭسەسى، قوعام حاۋىپسىزدىگى مەڭگەرمەسى، اۋىل شارۋاشىلىعى جانە اۋىل – قىستاق مەڭگەرمەسى، بازاردى باقىلاۋ – باسقارۋ مەكەمەسى قاتارلىلار اۆتونوميالى رايون كولەمىندە ەت ونىمدەرىنە ساياتىن زاڭعا قايشى قىلمىستارعا ارناۋلى سوققى بەرۋ جانە جونگە سالۋ ارەكەتىن ورىستەتەدى، مۇنداعى ماقسات — 8 اي مەرزىمدىك ارناۋلى جونگە سالۋ ارەكەتىن ورىستەتۋ ارقىلى وسى كاسىپپەن شۇعىلدانۋشىلاردىڭ ءوندىرۋ جانە تيجارات ەتۋ ىستەرىن شىنايى جۇيەگە ءتۇسىرىپ، ەت ونىمدەرىنىڭ ساپالىق حاۋىپسىزدىگىن باقىلاۋ – باسقارۋدىڭ ۇزاق مەرزىمدىك ءونىمدى مەحانيزمىن كەمەلدەندىرىپ، ەت ونىمدەرىنىڭ ساپاسىن بايقاي الاتىن، تەكسەرۋگە بولاتىن، باعا بەرۋگە بولاتىنداي قىزمەت ونىمدىلىگىنە قول جەتكىزۋگە كۇش سالىپ، ەت ونىمدەرىنىڭ ساپالىق حاۋىپسىزدىگىنە كەپىلدىك ەتەدى.
وسى رەتكى جونگە سالۋ كولەمىنە بۇكىل اۆتونوميالى رايونداعى مال جانە ءۇي قۇستارى باعىمشىلىق الاڭدارى (باعىمشىلىقپەن شۇعىلداناتىن وتباسىلار)، مال جانە ءۇي قۇستارىن ساۋدالاۋ بازارى، مال جانە ءۇي قۇستارى سويىس الاڭدارى، اۋىرىپ ولگەن مال مەن ءۇي قۇستارىنىڭ ەتىن زالالسىزداندىرىپ ءبىرجاقتى ەتۋ الاڭدارى، مال مەن ءۇي قۇستارىنىڭ ەتىن شيكىزات ەتەتىن ازىق – تۇلىكتەردى وندىرۋشىلەر، ەت جانە ەت ونىمدەرىن تيجارات ەتۋشىلەر، شوعىرلى ساۋدا بازارلارى، ينتەرنەت ارقىلى ازىق – تۇلىك ساۋدالايتىن ءۇشىنشى جاق تەكشەلەر قاتارلىلار قامتىلادى، ءتىرى دوڭىز، ەتتى سيىر، ەتتى قوي جانە ەتتى تاۋىق باعىمشىلىعى سالاسىنداعى ءىرى اۋداندارعا، ايماقتارعا (وبلىس، قالا)، اۋدانداردىڭ (قالا، رايون) اراسىنداعى شەكتەسكەن وڭىرلەرگە، قالا مەن اۋىل توعىسقان جەرلەرگە، ەت ونىمدەرىن شوعىرلى وندىرەتىن وڭىرلەرگە، سونداي – اق، بۇقارانىڭ اڭىسى زور بولعان حاۋىپ – قاتەرلى ماسەلەلەر ءجيى تۋىلاتىن جەرلەرگە نازاردى شوعىرلاندىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
