بىرلەسكەن مەملەكەتتەر ۇيىمى حاۋىپسىزدىك القالار كەڭەسىندە پالەستينانىڭ بىرلەسكەن مەملەكەتتەر ۇيىمىنا كىرۋ تۋرالى ءوتىنىشىن قايتا قاراۋ جونىندەگى ۇسىنىستى باسىم كوپ داۋىسپەن ماقۇلدادى
2024.05.11 14:38 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋاڭ جيانگاڭ 5 – ايدىڭ 10 – كۇنى بىرلەسكەن مەملەكەتتەر ۇيىمىنان حابارلايدى. بىرلەسكەن مەملەكەتتەر ۇيىمىنىڭ 10 – رەتكى شۇعىل اشىلعان ەرەكشە ءماجىلىسى 5 – ايدىڭ 10 – كۇنى 143 داۋىستىڭ ماقۇلداۋى، 9 داۋىستىڭ قارسى تۇرۋى، 25 داۋىستىڭ قالىس قالۋى سىندى ناتيجەمەن قاۋلى قابىلداپ، پالەستينا «بىرلەسكەن مەملەكەتتەر ۇيىمىنىڭ ۋستاۆىندا» بەلگىلەنگەن بىرلەسكەن مەملەكەتتەر ۇيىمىنا مۇشە ەل سالاۋاتىنا ۇيلەسەدى، بىرلەسكەن مەملەكەتتەر ۇيىمىنىڭ مۇشەلىگىنە قابىلداۋ قاجەت دەپ قارادى.
قاۋلىدا حاۋىپسىزدىك القالار كەڭەسىنە پالەستينانىڭ مۇشە مەملەكەت رەتىندە بىرلەسكەن مەملەكەتتەر ۇيىمىنا كىرۋ ءوتىنىشىن ”ءتيىمدى تۇرعىدان“ قايتا قاراۋ جونىندە ۇسىنىس بەرىلگەن.
پالەستينا قازىر بىرلەسكەن مەملەكەتتەر ۇيىمىنا باقىلاۋشى مەملەكەت. پالەستينا 2011 – جىلى 9 – ايدا بىرلەسكەن مەملەكەتتەر ۇيىمىنىڭ سول كەزدەگى باس حاتشىسى پان جيۋىنعا بىرلەسكەن مەملەكەتتەر ۇيىمىنا مۇشە مەملەكەت بولۋ جونىندەگى ءوتىنىشتى رەسمي تاپسىرعان، الايدا، حاۋىپسىزدىك القالار كەڭەسى ماقۇلداماعان. سول كەزدە، ا ق ش وسى ماسەلە جونىندە قاتاڭ مايداندا تۇرعاندىقتان، پالەستينا ءوتىنىش بەرۋدى ۋاقىتشا توقتاتقان.
بيىل 4 – ايدىڭ باسىندا، پالەستينانىڭ تالاپ ەتۋى بويىنشا، حاۋىپسىزدىك القالار كەڭەسىنە مۇشە 15 مەملەكەت پالەستينانىڭ بىرلەسكەن مەملەكەتتەر ۇيىمىنا كىرۋ ءوتىنىشىن قايتالاي قاراعان ءارى 4 – ايدىڭ 18 – كۇنى ”پالەستينانىڭ بىرلەسكەن مەملەكەتتەر ۇيىمىنا رەسمي مۇشە ەل بولۋى“ تۋرالى قاۋلى جوباسى جونىندە داۋىس بەرگەن. اتالعان جوباعا 12 مەملەكەت قولداپ داۋىس بەرگەن، 2 مەملەكەت قالىس قالعان، ءبىر مەملەكەت قارسى داۋىس بەرگەن. بىرلەسكەن مەملەكەتتەر ۇيىمىنىڭ تۇراقتى مۇشەسى ا ق ش تەرىستەۋ ۇقىعىنان پايدالانىپ، قارسى داۋىس بەرگەندىكتەن، جوبا ماقۇلداۋدان وتپەگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
