ەكى تاراۋ ورنالاستىرۋ جاسادى، جاسىرىن بانكەلەرگە قاتاڭ سوققى بەرەدى
2024.05.11 15:22 كەلۋ قاينارى : حالىق تورابى
مەملەكەتتىك شەتەل اقشاسىن باسقارۋ مەكەمەسى مەن قوعام حاۋىپسىزدىگى مينيسترلىگى 5 – ايدىڭ 10 – كۇنى شەتەل اقشاسىنا ساياتىن زاڭعا قايشى قىلمىستارعا سوققى بەرۋ قىزمەتىن ىلگەرىلەتۋ جونىندە ورنالاستىرۋ جاساۋ ءماجىلىسىن بىرلەسىپ اشتى.
تانىستىرۋعا قاراعاندا، جۋىرداعى جىلداردان بەرى، مەملەكەتتىك شەتەل اقشاسىن باسقارۋ مەكەمەسى مەن قوعام حاۋىپسىزدىگى مينيسترلىگى سايكەسە شايقاس جۇرگىزىپ، جاسىرىن بانكە قاتارلى شەتەل اقشاسىنا ساياتىن زاڭعا قايشى قىلمىستىق ارەكەتتەرگە قاتاڭ سوققى بەرىپ، اقشا ايىرباستاۋ سيپاتىنداعى جاسىرىن بانكەلەرگە ساياتىن قىلمىستىق ىستەر دەلوسىنان نەشە ءجۇزىن بىرگە انىقتاپ، جاسىرىن بانكە ارقىلى شەتەل اقشاسىن زاڭسىز ساۋدالاعان كاسىپورىندار مەن جەكەلەردەن 4000 نان استامىن انىقتاپ ءبىرجاقتى ەتىپ، اقشالاي ايىپ سالۋ جانە ءمۇسادىرالاۋ سوماسى ءبىر ميلليارد 700 ميلليون يۋان حالىق اقشاسىنان اسىپ، زاڭعا قايشى قىلمىستى ەلەمەنتتەردى پارمەندى تۇردە سەسكەندىرىپ، ەكونوميكانىڭ اينالىم ءتارتىبىن ءونىمدى قورعاپ، فينانس حاۋىپ – قاتەرىن شىنايى تەجەدى.
ماجىلىستە مىنالار باسا دارىپتەلدى: بۇكىل ەلىمىزدەگى شەتەل اقشاسىن باسقاراتىن ءار دارەجەلى قۇرىلىمدار مەن قوعام حاۋىپسىزدىگى ورگاندارى جاۋاپكەرشىلىكتى كۇشەيتىپ، زاڭدى قاتاڭ اتقارىپ، باتىلدىقپەن ارەكەت ورىستەتىپ، شەتەل اقشاسىن باسقارۋ قۇرىلىمدارى مەن قوعام حاۋىپسىزدىگى تاراۋلارىنىڭ سەلبەستىك مەحانيزمىن ۇزدىكسىز كەمەلدەندىرىپ، اناعۇرلىم قۋاتتى بىرىككەن كۇش ۇيىستىرىپ، ساندى مالىمەتتىڭ رولىن كۇشەيتۋ، سايكەسە سوققى بەرۋ، سوققى بەرۋ ارقىلى جونگە سالۋدى ىلگەرىلەتۋ جاقتارىندا جاڭا بەلەسكە جەتۋ كەرەك؛ جوعارى ساپالى دامۋ جانە جوعارى ورەدەگى حاۋىپسىزدىكتى اناعۇرلىم ويداعىداي ءبىرتۇتاس جوسپارلاپ، شەتەل اقشاسىنا قاتىستى زاڭ – تۇزىمدەرگە قايشىلىق جاساعان نەگىزگى تۇلعالاردى قىلمىستىق ىستەر بويىنشا جازالاۋ مەن بۇكىل تىزبەك بويىنشا جازالاپ ءبىرجاقتى ەتۋدى ۇشتاستىرىپ، شەتەل اقشاسى سالاسىندا كاسىپتىك تۇردەگى زاڭعا قايشى قىلمىس وتكىزەتىن توپتارعا كۇشتى شوعىرلاندىرىپ سوققى بەرىپ، كەلەلى دەلولارعا دالمە – ءدال سوققى بەرىپ، ۇزاق مەرزىمدى ءونىمدى جونگە سالۋدى تالاپ ەتىپ، شەكارا اتتاپ قاراجات جىلجىتۋ حاۋپىنەن ۇزدىكسىز ساقتانىپ، مەملەكەتتىڭ ەكونوميكا جانە فينانس حاۋىپسىزدىگىن باتىل قورعاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
