7 – ايدان باستاپ، بۇل شارا ءماجبۇرلى اتقارىلادى
2024.05.14 16:47 كەلۋ قاينارى : حالىق تورابى
جۋىردا بازاردى باقىلاۋ – باسقارۋ باس مەكەمەسى (مەملەكەتتىك ولشەم كوميتەتى) «جەل تولتىرىلعان ويىن قۇرىلعىلارىنىڭ حاۋىپسىزدىگى جونىندەگى ولشەم» اتتى مەملەكەتتىك ءماجبۇرلى سيپاتتى ولشەمدى جاريالادى. ۇعىسۋعا قاراعاندا، اتالعان ولشەم 2024 – جىلى 7 – ايدىڭ 1 – كۇنىنەن باستاپ اتقارىلادى.
جەل تولتىرىلعان ويىنشىق قورعان، جەل تولتىرىلعان سىرعاناق ساتى قاتارلى ويىنشىقتار بالالار ۇناتاتىن ويىن قۇرىلعىلارى سانالادى. جۋىرداعى جىلداردان بەرى، كەيدە وسى تەكتەس قۇرىلعىلاردىڭ اۋدارىلىپ كەتۋى جانە جەلى شىعۋى قاتارلى جاعدايلار تۋىلىپ، بالالاردىڭ جارالانۋى نەمەسە قازا بولۋى سىندى شىرعالاڭ كوپ رەت تۋىلىپ، حاۋىپسىزدىك ماسەلەسى كورنەكتىلەنە ءتۇستى. جاڭا ولشەمدە بۇرىنعى ۇسىنىس سيپاتىنداعى ولشەم نەگىزىندە جەل تولتىرىلعان ويىن قۇرىلعىلارىنىڭ حاۋىپسىزدىگىنە قويىلاتىن تالاپ جوعارىلاتىلعان ءارى بۇكىلدەي ءماجبۇرلى اتقارىلادى.
بىرىنشىدەن، وڭاي اۋدارىلۋ ماسەلەسى جونىندە، تۇراقتاندىرۋ جانە باستىرۋ جۇيەسىنە قويىلاتىن تالاپتار كۇشەيتىلگەن. جاڭا ولشەمدە جەل تولتىرىلاتىن ويىن قۇرىلعىلارىمەن دالادا تيجارات ىستەگەن كەزدە، ءسوزسىز، تۇراقتى تاعاندى نەمەسە قۇرىلعىمەن بايلانىستىرىلعان باستىرۋ اسپابىن پايدالانۋ ءارى جەل كۇشىن ولشەيتىن اسپاپ ورنالاستىرۋ كەرەك دەپ تۇڭعىش رەت ورتاعا قويىلعان. سونىمەن بىرگە، جاڭا ولشەمدە تۇراقتاندىرۋ نۇكتەسىنىڭ سانى، ورنى جانە توزىمدىلىگى تۋرالى تالاپتار دا اناعۇرلىم ايقىندالعان، وسى ولشەم بويىنشا بولعاندا بوران سوققاندا اۋدارىلىپ كەتۋىنەن ءونىمدى ساقتانۋعا بولادى.
ەكىنشىدەن، جەل شىعۋ، قىسىمنىڭ شەكتەن اسۋى قاتارلى ماسەلەلەر جونىندە، جاڭا ولشەمدە الدىنالا دابىل قاعۋ شارالارى ورتاعا قويىلعان. جاڭا ولشەمدە مىنالار تالاپ ەتىلگەن: جەل تولتىرىلعان ويىن قۇرىلعىلارىنىڭ ىشكى جاعىندا اۋانىڭ قىسىمىن ولشەيتىن قۇرىلعى بولۋى كەرەك، الدا – جالدا جەل شىعۋ شىرعالاڭى تۋىلسا، دەر كەزىندە دابىل قاعۋعا بولادى. جەل تولتىراتىن كورىك كەزدەيسوق توقتاعان كەزدە اۆتوماتتى تۇردە دابىل قاعاتىن فۋنكتسياسى بولۋى، جەلمەن قامداۋدىڭ جەتكىلىكسىزدىگى سەبەبىنەن قۇرىلعى قالپىنىڭ وزگەرۋى جانە قۇلاۋى سىندى جاعدايدىڭ تۋىلۋىنان ساقتانۋ قاجەت. مۇنان سىرت، جاڭا ولشەمدە ۇزدىكسىز جەل بەرىلمەيتىن ويىن قۇرىلعىلارىنا كەمىندە ءبىر حاۋىپسىز قىسىم جەڭىلدەتۋ قاقپاقشاسى ورنالاستىرىلۋى، قىسىمنىڭ شەكتەن اسۋى سەبەبىنەن حاۋىپ – قاتەردىڭ تۋىلۋىنان ساقتانۋ كەرەك.
ۇشىنشىدەن، پايدالانۋدى باسقارۋدىڭ ورىندى بولماۋى ماسەلەسى جونىندە، پايدالانۋدى باسقارۋ جونىندەگى تالاپتاردى اناعۇرلىم ايقىنداعان ءارى ناقتىلاندىرعان. جاڭا ولشەمدە جالپى بەتتىك كۇندەلىكتى تەكسەرۋ جانە قورعاۋ – كۇتىمدەۋ جاعىنداعى تالاپتار ورتاعا قويىلىپ، جەل قاشۋدى تەكسەرۋ، ورنىقتىرۋ جانە باستىرۋ جۇيەسىن تەكسەرۋ، جەل بەرەتىن كورىكتى تەكسەرۋ، بىلقىلداق توقىمانىڭ جەلىنۋ جانە جىرتىلۋ جاعدايىن تەكسەرۋ قاتارلى 14 ءتۇرلى مازمۇندى ناقتىلاندىرعان. مەڭگەرۋ ەرەجەسى مەن كوڭىل بولەتىن ىستەر جاعىندا، اۋا رايىنىڭ ىقپالى، قىزمەتكەرلەردى ورنالاستىرۋ، جەل بەرۋ كورىگىن ورنالاستىرۋ قاتارلى جاقتاردا ناقتى تالاپتار ورتاعا قويىلعان، پايدالانۋشىلار مەن تيجاراتشىلاردىڭ حاۋىپسىزدىككە ساياتىن جاۋاپكەرشىلىگىن اناعۇرلىم قاتاڭداتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
