بيىل شينجياڭ ءتۇرلى قۇرىلىس شەبەرلەرىنەن 125 مىڭ ادام ـ رەت تاربيەلەۋدى جوسپارلادى

2024.05.14 09:52 كەلۋ قاينارى : حالىق تورابى

　　شينجياڭ گازەتىنىڭ 5 ـ ايدىڭ 12 ـ كۇنى ۇرىمجىدەن بەرگەن حابارى. ءتىلشىنىڭ شينجياڭ ۇيعۇر اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسىنەن ۇعىسۋىنشا، بيىل شينجياڭ تۇتاس شينجياڭ كولەمىندە ۇزدىكسىز كەڭ كولەمدى قۇرىلىس شەبەرلىگىنە باۋلۋ ورىستەتەدى، تۇتاس جىلدا ءتۇرلى قۇرىلىس شەبەرلەرىنەن 125 مىڭ ادام ـ رەت تاربيەلەۋدى جوسپارلادى، مەجەمەن جاڭادان 100 مىڭ ادام - رەت تىڭنان جۇمىستانادى.

　　شينجياڭ ۇيعۇر اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى قۇرىلىس ەنەرگياسىن ۇنەمدەۋ جانە عىلىم ـ تەحنيكا وقۋ ـ اعارتۋ باسقارماسىنىڭ باستىعى ۋاڭ شينسو مىنانى ءبىلدىردى: بيىل شينجياڭ ۇيعۇر اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى تۇرگە ءبولىپ شارا قولدانىپ، دالمە - ءدال تاربيەلەپ، قۇرىلىس سالاسىندا جۇمىستانۋدى قالايتىن قالا، اۋىل ەڭبەككۇشتەرىنە جانە قۇرىلىس ورنىندا جۇمىسقا ورنالاسقان ادامدارعا قاراتا ونەرگە جەتەلەۋ مەن تاربيەلەۋدى كۇشەيتەدى. سونىمەن بىرگە، قۇرىلىس تۇرىندەگى كاسىپتىك مەكتەپتەردىڭ تاربيەلەۋ كولەمىن ساپالىلاندىرىپ، ماعلۇماتتىق وقۋ - اعارتۋ جۇيەسى ارقىلى كاسىپتىك تەحنيكالىق دارىندىلاردى جەتىلدىرىپ، قۇرىلىس كاسىبىنىڭ دامۋىنداعى ءۇرتىس جۇمىسشى ىستەتۋ ماسەلەسىن تۇبىرىنەن شەشەدى.

　　ۇعىسۋعا قاراعاندا ، قۇرىلىس ونەرىنە باۋلۋ جەرگىلىكتى جاعدايعا قاراي جەرگىلىكتى ورىننىڭ كاسىپ سالاسىنىڭ دامۋىنا سايكەسۋگە باسا ءمان بەرىپ، ولشەۋ جۇمىسىمەن اينالىسۋشى، ورناتۋ جۇمىسىمەن اينالىسۋشى، سۋ ەلەكتر ريمونتشىسى، ءالسىز ەلەكتر جۇيەسىنىڭ اينالىمىن قامتاماسىزداندىرۋشى قاتارلى قىزمەت وتەۋدى قامتاماسىزداندىرۋ كاسىپتىك قىزمەتكەرلەرىن ءتۇيىندى تۇردە تاربيەلەيدى.

　　قازىر شينجياڭنىڭ قۇرىلىس كاسىبىنىڭ جالپى ءونىم قۇنى 340 ميلليارد يۋاننان اسىپ، بۇكىل رايوننىڭ GDP ىندەگى سالىستىرماسى %7 تەن استى. قۇرىلىس كاسىبى شينجياڭ حالىق شارۋاشىلىعىنداعى تىرەكتى كاسىپتەرىنىڭ ءبىرى رەتىندە، جۇمىسقا قابىلداۋ قۋاتى ۇزدىكسىز كۇشەيدى.

　　شينجياڭنىڭ وزىندە بار جاڭا داۋىردەگى قۇرىلىس ونەركاسىپ جۇمىسشىلار قوسىنىن جەدەل جەتىلدىرىپ، جوعارى ساپالى دامۋعا اناعۇرلىم ويداعىداي قىزمەت وتەۋ ءۇشىن، 2020 – جىلدان باستاپ، شينجياڭ 1 – كەزەكتى قۇرىلىس سالاسىنىڭ تەحنيك جۇمىس تۇرلەرىنەن 3 جىلدا 200 مىڭ ادامدى كاسىپتىك شەبەرلىككە باۋلۋ، جۇمىستاندىرۋ ارەكەتىن باستاعان بولاتىن. 2023 ـ جىلى جاڭا كەزەكتى اناعۇرلىم جوعارى تالاپ پەن اناعۇرلىم جوعارى ساپالى قۇرىلىس شەبەرلەرىنەن 3 جىلدا 300 مىڭ ادامدى تاربيەلەۋ، جۇمىستاندىرۋ قيمىلى باستالدى. 4 جىلدا بۇكىل شينجياڭ بويىنشا ءتۇرلى قۇرىلىس شەبەرلەرىنەن 520 مىڭ ادام ـ رەت تاربيەلەنىپ، جاڭادان 370 مىڭنان استام ادام جۇمىستانادى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved