2024 ـ جىلى شينجياڭنىڭ ”ءۇش رايون“ عىلىم ـ تەحنيكا دارىندىلارىن قولداۋ جوسپارى باستالدى
2024.05.14 09:54 كەلۋ قاينارى : حالىق تورابى
شينجياڭ گازەتىنىڭ 5 – ايدىڭ 12 – كۇنى ۇرىمجىدەن بەرگەن حابارى. ءتىلشىنىڭ شينجياڭ ۇيعۇر اۆتونوميالى رايوندىق عىلىم ـ تەحنيكا مەڭگەرمەسىنەن ۇعىسۋىنشا، تاياۋدا، 2024 ـ جىلى شينجياڭنىڭ ”ءۇش رايون“ عىلىم ـ تەحنيكا دارىندىلارىن قولداۋ جوسپارى اتقارىلعان، 550 عىلىم ـ تەحنيكا قىزمەتكەرى نەگىزگى ساتىعا ىشكەرىلەي بارىپ، 35 اۋداننىڭ كاسىپ سالاسىن دامىتۋ بارىسىندا ءدوپ كەلگەن تەحنيكالىق قيىن ماسەلەلەردى شەشۋىنە كومەكتەسەدى.
”ءۇش رايون“ دارىندىلارىن قولداۋ جوسپارى — مەملەكەتتىڭ شەكارا، شالعاي، كەدەي رايونداردىڭ، شەكاراداعى ۇلتتىق وڭىرلەردىڭ جانە بايىرعى توڭكەرىستىك رايونداردىڭ دارىندىلار قۇرىلىسىن قولداۋ ءۇشىن اتقارعان دارىندىلار جوسپارى.
شينجياڭ ۇيعۇر اۆتونوميالى رايوندىق عىلىم ـ تەحنيكا مەڭگەرمەسى 2014 ـ جىلى ”ءۇش رايون“ عىلىم ـ تەحنيكا دارىندىلارىن قولداۋ جوسپارىن اتقارعاننان بەرى، ءۇرتىس 11 جىل وسى زامانعى اۋىل شارۋاشىلىعى، قىزمەت وتەۋ كاسىبى جانە اۋىل ـ قىستاق قورشاعان ورتاسىن قورعاۋ، ينفورماتسيالاندىرۋ سياقتى سالالاردان، ءار جىلى 550 ادامنان كەم بولمايتىن كولەمدە عىلىم ـ تەحنيكا قىزمەتكەرلەرىن نەگىزگى ساتىعا جىبەرىپ، اۋدان ءوڭىرىنىڭ كاسىپ سالاسىنىڭ عىلىم ـ تەحنيكالىق قاجەتىن ارقاۋ ەتىپ، جاڭا سورتتاردى ەنگىزۋ، جالپىلاستىرۋ، ەگۋ، باعۋ تەحنيكاسىنا جەتەكشىلىك ەتۋ، جوعارى ساپالى شارۋالاردى تاربيەلەۋ سياقتى قىزمەتتەردى ورىستەتتى.
قازىرگە دەيىن شينجياڭ ۇيعۇر اۆتونوميالى رايوندىق عىلىم - تەحنيكا مەڭگەرمەسىنىڭ مەملەكەت جاعىنان ورنالاستىرىلعان قاراجاتى 120 ميلليون يۋاننان اسىپ، جيىنى 6102 ادامدى تاڭداپ جىبەرىپ، ”ءۇش رايون“ عىلىم - تەحنيكا دارىندىلارىنان 1200 دەن استام ادامدى تاربيەلەپ، عىلىم - تەحنيكا ارناۋلى قىزمەتكەرى فورماسىمەن نەگىزگى ساتىعا، حالىق تۇرمىسىنا، عىلىم - تەحنيكاعا قىزمەت وتەۋگە جىبەرىپ، كەدەيلىكتەن ارىلتۋدان قامال الۋ تابىستارىن ۇزدىكسىز بەكەمدەپ، كەڭەيتىپ، اۋىل ـ قىستاقتى گۇلدەندىرۋمەن ءونىمدى ۇشتاستىرىپ، اۋىل ـ قىستاق كاسىپ سالاسىنىڭ دامۋىنا جاپپاي تىرەك بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
