شينجياڭ ۇيعۇر اۆتونوميالى رايونىنىڭ 2024 – جىلعى ءتىل – جازۋ قىزمەتى جونىندەگى ءماجىلىسى اشىلدى
2024.05.15 15:19 كەلۋ قاينارى : حالىق تورابى
تيانشان تورى – شينجياڭ گازەتىنىڭ ءتىلشىسى ليۋ شياڭ حابارلايدى. شينجياڭ ۇيعۇر اۆتونوميالى رايونىنىڭ 2024 – جىلعى ءتىل – جازۋ قىزمەتى جونىندەگى ءماجىلىسى 5 – ايدىڭ 14 – كۇنى اشىلىپ، 2023 – جىلعى قىزمەتتەردى قورىتىندىلاپ، بيىلعى ءتۇيىندى قىزمەتتەر جونىندە ورنالاستىرۋ جاساپ، اۆتونوميالى رايوننىڭ ءتىل – جازۋ ىستەرىنىڭ دامۋىنىڭ جاڭا ءبىر ساتىعا كوتەرىلۋىن ىلگەرىلەتتى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، پارتيا وقۋ – اعارتۋ قىزمەتى كوميتەتىنىڭ شۋجيى ۋاڭ جيانشين ماجىلىسكە قاتىناستى ءارى ءسوز سويلەدى.
ماجىلىستە مىنالار اتاپ كورسەتىلدى: اۆتونوميالى رايونداعى ءتىل – جازۋ شەبىندەگىلەر ءتىل – جازۋ قىزمەتىن ويداعىداي ىستەۋ ءار ۇلتتىڭ ارالاسۋىن، ىشتەسۋىن، توعىسۋىن ىلگەرىلەتۋدە، ۇلتتار ىنتىماعى مەن مەملەكەتتىڭ ءبىرتۇتاستىعىن قورعاۋدا، جۇڭحۋا ۇلتى ورتاق تۇلعا تانىمىن نىعايتۋدا، شينجياڭدى مادەنيەتپەن نارلەندىرۋدى ىلگەرىلەتۋدە، ءار ۇلت حالقىنىڭ ”بەستى شىنايى مويىنداۋىن“ كۇشەيتۋدە ماڭىزدى ءمان الاتىنىن تەرەڭ ءتۇسىنۋى كەرەك، جاڭا داۋىردەگى ءتىل – جازۋ قىزمەتىن ويداعىداي ىستەۋ جاعىنداعى جاۋاپكەرشىلىك سەزىمىن، بورىشتىلىق سەزىمىن كۇشەيتۋ كەرەك.
ماجىلىستە مىنالار باسا دارىپتەلدى: وقۋ – اعارتۋدا قۇدىرەتتى مەملەكەت قۇرۋ جوسپار جوباسىن جاپپاي دايەكتى تياناقتاندىرىپ، شينجياڭنىڭ ءىس جۇزىندىگىمەن ۇشتاستىرا وتىرىپ، وقۋ – اعارتۋدا قۇدىرەتتى مەملەكەت قۇرۋدى ارتقى كورىنىس ەتكەن ءتىل – جازۋ جاعىنداعى ءتۇرلى قىزمەتتەردى جوسپارلاۋ كەرەك. مەملەكەت بويىنشا ءبىرتۇتاس قولدانىلاتىن ءتىل – جازۋدى ۇگىتتەۋ – جالپىلاستىرۋ تەبىنىن ارتتىرىپ، ”جاعدايىنا قاراي ساياسات قولدانۋدى“ تياناقتاندىرۋعا نازاردى شوعىرلاندىرىپ، مەكتەپتەردىڭ نەگىزگى شەپتىك رولىن كۇشەيتىپ، قوعامدىق جاقتا ۇگىتتەۋ – جالپىلاستىرۋ تەبىنىن ارتتىرۋ، تاماشا ۇيرەنۋ ورتاسىن جاراتۋ كەرەك. جۇڭحۋانىڭ ۇزدىك ءتىل – جازۋ مادەنيەتىنە نازاردى شوعىرلاندىرىپ جانە وعان مۇراگەرلىك ەتىپ، جۇڭحۋانىڭ كلاسسيىك تۋىندىلارىن داۋىستاپ وقۋ ينجەنەرياسىن ىلگەرىلەتىپ، ءتىل – جازۋ جاعىنداعى ايگىلى ماركانى جاراتىپ، دانەكەرلىك رول اتقاراتىن قيمىلداردىڭ مازمۇنىن ۇزدىكسىز بايىتۋ كەرەك. سيفرلاندىرۋ ارقىلى قۋات باعىشتاۋعا تاباندى بولىپ، مەملەكەت بويىنشا ءبىرتۇتاس قولدانىلاتىن ءتىل – جازۋدى ۇيرەنۋ – پايدالانۋ ونىمدىلىگىن جوعارىلاتۋ كەرەك. ءتىل – جازۋ جاعىنداعى دارىندىلادى جەتىلدىرۋدى كۇشەيتىپ، حالىقارادا حانزۋ ءتىلى وقۋ – اعارتۋىن دامىتىپ، ءتىل – جازۋ قىزمەتى كوميتەتىنىڭ قىزمەت مەحانيزمىن كەمەلدەندىرىپ، ءتىل – جازۋ قىزمەتى جاعىنداعى قىزمەت وتەۋ قابىلەتى مەن وسىزامانداندىرۋ بارىسىندا جونگە سالۋ ورەسىن جوعارىلاتۋ كەرەك.
شينجياڭ ۇيعۇر اۆتونوميالى رايوندىق ۇگىت ءبولىمى، اۆتونوميالى رايوندىق ايەلدەر بىرلەستىگى، ءۇرىمجى قالاسى، قاشقار ايماعى، شينجياڭ داشۋەسى، شينجياڭ پەداگوگيكا داشۋەسى قاتارلى ورىندارداعى قاتىستى جاۋاپتى جولداستار ءسوز سويلەدى.
قايسار ابدىكەرىم ءماجىلىستى باسقاردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
