جاپپاي اتقارىلادى! شەتەلدىك ساياحاتشىلار ۇيىرمەسى كەمەمەن شەكارادان كىرسە ۆيزا اشتىرۋ تالاپ ەتىلمەيدى
2024.05.15 15:32 كەلۋ قاينارى : حالىق تورابى
مەملەكەتتىك كوشى – قوندى باسقارۋ مەكەمەسىنىڭ 5 – ايدىڭ 15 – كۇنى جاريالاۋىنشا، سىرتقى ىستەر مينيسترلىگى، مەملەكەتتىك دامۋ – رەفورما كوميتەتى، قاتىناس – تاسىمال مينيسترلىگى، ساۋدا مينيسترلىگى، مادەنيەت جانە ساياحات مينيسترلىگى، كەدەن باس مەكەمەسى قاتارلى ورىندارمەن كەڭەسۋ ارقىلى ءارى مەملەكەتتىك كەڭەسكە جولداپ بەكىتتىرۋ ارقىلى مەملەكەتتىك كوشى – قوندى باسقارۋ مەكەمەسى جۇڭگونىڭ تەڭىز جاعالاۋىنداعى جولاۋشى كەمەلەرىن قابىلدايتىن بارلىق وتكەلدەردە كەمەمەن كەلگەن شەتەلدىك ساياحاتشىلاردان ۆيزا اشتىرۋدى تالاپ ەتپەۋ ساياساتىن جاپپاي اتقارۋدى ماقۇلداعان.
5 – ايدىڭ 15 – كۇنىنەن باستاپ، كەمەمەن كەلگەن ءارى ەل ىشىندەگى ساياحات سەرىكتەستىكتەرى ۇيىمداستىرىپ، قابىلداعان شەتەلدىك ساياحات ۇيىرمەلەرىنىڭ (2 ادام نەمەسە ودان جوعارى) تيانجين، لياۋنيڭداعى داليان، شاڭحاي، جياڭسۋداعى ليانيۇنگاڭ، جىجياڭداعى ۋىنجوۋ جانە جوۋشان، فۋجيانداعى شيامىن، شاندۇڭداعى چيڭداۋ، گۋاڭدۇڭداعى گۋاڭجوۋ جانە شىنجىن، گۋاڭشيداعى بەيحاي، حاينانداعى حايكوۋ جانە سانيا قاتارلى 13 قالاداعى جولاۋشى كەمەسىن قابىلدايتىن وتكەلدەردە تۇتاس ۇيىرمە بويىنشا شەكارادان ۆيزاسىز كىرۋگە بولادى، ساياحات ۇيىرمەلەرى سول كەمەمەن كەلەسى كەمەجايعا بارۋى، ەڭ سوڭىندا سول كەمەمەن شەكارادان شىعۋى كەرەك، جۇڭگو شەكاراسىندا ايالداۋ ۋاقىتى 15 كۇننەن اسپاۋى كەرەك، قيمىل اۋماعى تەڭىز جاعالاۋىنداعى ولكەلەر (اۆتونوميالى رايون، توتە قاراستى قالا) جانە بەيجيڭ قالاسى.
كەمەمەن ساياحاتتاۋ ىستەرىن دامىتۋدى قولداۋ ءۇشىن، داليان، ليانيۇنگاڭ، ۋىنجوۋ، جوۋشان، گۋاڭجوۋ، شىنجىن، بەيحاي قاتارلى جەرلەردەگى جولاۋشىلار كەمەسىن قابىلدايتىن 7 وتكەل جۇڭگونىڭ شەكاراسى ارقىلى باسقا ەلگە وتكەندە ۆيزا تالاپ ەتپەۋ ساياساتى اتقارىلاتىن وتكەلدەر قاتارىنا جاڭادان قوسىلدى، بۇل جۇڭگونىڭ شەكاراسى ارقىلى باسقا ەلگە وتكەندەردەن ۆيزا تالاپ ەتپەۋ ساياساتىنىڭ شارتىنا ۇيلەسەتىن شەتەلدىك جولاۋشىلاردىڭ كەمە ارقىلى شەكارادان وتۋىنە قولايلىلىق تۋدىرادى. (ءتىلشى: رىن چينچين، ليۋ شو)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
