چۇي مينعا الەۋمەتتىك ايىپتاۋ بەرىلدى!
2024.05.16 15:14 كەلۋ قاينارى : حالىق تورابى
ءتىلشىنىڭ ەڭ جوعارى حالىق پروكۋراتۋراسىنان ۇعىسۋىنشا، حيلۇڭجياڭ ولكەلىك ساياسي كەڭەس پارتگرۋپپاسىنىڭ بۇرىنعى مۇشەسى، ورىنباسار ءتوراعاسى چۇي ميننىڭ پارا الۋ كۇمانى تاعىلعان دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتىپ، ەڭ جوعارى حالىق پروكۋراتۋراسىنىڭ بەكىتۋىمەن جىجياڭ ولكەسى ۋىنجوۋ قالالىق حالىق پروكۋراتۋراسىنىڭ ايىپتاۋىنا بەرگەن. تاياۋدا، جىجياڭ ولكەسى ۋىنجوۋ قالالىق حالىق پروكۋراتۋراسى جىجياڭ ولكەسى ۋىنجوۋ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاما بەردى.
پروكۋراتۋرا ورگانى تەكسەرىپ ايىپتاۋ ساتىسىندا ايىپكەر چۇي ميننىڭ ارىز - شاعىم ۇقىعىنا يە ەكەنىن زاڭ بويىنشا ۇقتىردى ءارى ايىپكەر چۇي ميندى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى ونىڭ ۇستىنەن بىلاي دەپ شاعىم ايتتى: ايىپكەر چۇي مين حيلۇڭجياڭ ولكەسى حاربين قالالىق اۋىل شارۋاشىلىق عىلىمىن زەرتتەۋ ورنىنىڭ باستىعى، حاربين قالالىق اۋىل شارۋاشىلىق عىلىم اكادەمياسىنىڭ جاۋاپتىسى، مەكەمە باستىعى، حاربين قالاسى حۋلان رايوندىق پارتكومنىڭ ورىنباسار شۋجيى، رايون باستىعى، رايوندىق پارتكومنىڭ شۋجيى، حاربين قالاسى ليمين ەكونوميكالىق ـ تەحنيكالىق اشۋ رايونى پارتيا قىزمەتى كوميتەتىنىڭ ورىنباسار شۋجيى، پارتيا قىزمەتى كوميتەتىنىڭ شۋجيى، باسقارۋ كوميتەتىنىڭ مەڭگەرۋشىسى، حاربين قالاسىنىڭ مەڭگەرمە دارەجەلى كادرى، شينجياڭ ءوندىرىس ـ قۇرىلىس بيڭتۋانى 10 – شىسى پارتكومىنىڭ ورىنباسار شۋجيى، شىجاڭى، ساياسي كوميسسارى، شينجياڭ ۇيعۇر اۆتونوميالى رايونى بەيتۇن قالالىق پارتكومنىڭ ورىنباسار شۋجيى، قالا باستىعى، قالالىق پارتكومنىڭ شۋجيى، حيلۇڭجياڭ ولكەسى سۇيحۋا قالالىق پارتكومنىڭ ورىنباسار شۋجيى، قالا باستىعى، قالالىق پارتكومنىڭ شۋجيى، حيلۇڭجياڭ ولكەلىك ساياسي كەڭەس پاتگرۋپپاسىنىڭ مۇشەسى، ورىنباسار ءتوراعاسى قاتارلى مىندەتتى وتەگەن كەزىندە، قىزمەت قولايلىلىعىىنا پايدالانىپ باسقالارعا پايدا جەتكىزىپ جانە ءوزىنىڭ قىزمەت ۇقىعى نەمەسە ورنى قالىپتاستىرعان قولايلى شارت – جاعدايدان پايدالانىپ باسقا مەملەكەت قىزمەتكەرلەرىنىڭ مىندەت جاقتاعى ارەكەتى ارقىلى، باسقالارعا ورىنسىز پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى توتەنشە كوپ، زاڭ بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
