مەملەكەت 105 ميلليون يۋان قارجى جۇمساپ، شينجياڭداعى الەۋمەتتىك ناقتى جاتتىعۋ بازاسىنىڭ قۇرىلىسىنا قولداۋ كورسەتەدى

2024.05.17 13:27 كەلۋ قاينارى : حالىق تورابى

　　انار بۇلت \ شينجياڭ گازەتىنىڭ ءتىلشىسى شى شين حابارلايدى. جۋىردا مەملەكەتتىك دامۋ – رەفورما كوميتەتى وقۋ – اعارتۋدا قۇدىرەتتى مەملەكەت قۇرىلىسىن ىلگەرىلەتۋ ينجەنەرياسىنا باعىتتاي وتىرىپ (الەۋمەتتىك ناقتى جەتىلدىرۋ بازاسىنىڭ قۇرىلىسى باعىتى بويىنشا)، شينجياڭداعى 7 ورىنداعى الەۋمەتتىك ناقتى جەتىلدىرۋ بازاسىنىڭ قۇرىلىسىنا قولداۋ كورسەتۋگە ورتالىقتىڭ 2024 – جىلعى ءبىرىنشى توپتاعى مەجە ەسەبىنەن قارجىلاندىرۋ قاراجاتىن ءبولدى.

　　ۇعىسۋعا قاراعاندا، وسى رەت ورتالىقتىڭ مەجە ەسەبىنەن 105 ميلليون يۋان قارجى قوسىلعان، بۇل بىلتىرعىمەن سالىستىرعاندا %75 ارتقان، كەريا اۋدانى، كۇشار قالاسى، حىجيڭ اۋدانى، چارقىلىق اۋدانى، قاعىلىق اۋدانى، كۇنەس اۋدانى، ساۋان قالاسى قاتارلى جەرلەردەگى الەۋمەتتىك ناقتى جەتىلدىرۋ بازالارىنىڭ قۇرىلىسىنا ءتۇيىندى تۇردە قولداۋ كورسەتەدى. مۇندا، وڭتۇستىك شينجياڭ وڭىرىنە ورتالىقتىڭ مەجە ەسەبىنەن قوسىلعان قارجى سالىستىرماسى %71.4 بولعان.

　　شينجياڭ ۇيعۇر اۆتونوميالى رايوندىق دامۋ – رەفورما كوميتەتىنىڭ جۇمىستانۋ، كىرىس ءبولىسى جانە تۇتىنۋ باسقارماسىنىڭ 4 – دارەجەلى تەكسەرۋ – زەرتتەۋ قىزمەتكەرى يان دۇڭحۋانىڭ تانىستىرۋىنشا، نىسان قۇرىلىسى اياقتاعان سوڭ، جاڭادان ارتاتىن الەۋمەتتىك ناقتى جاتتىعۋ بازاسىنىڭ كولەمى 28 مىڭ 400 شارشى مەتر بولىپ، ناقتى جەتىلدىرۋگە قاتىناستىرۋ قۋاتى مەجەمەن جىلىنا 27 مىڭ 500 ادام (رەت) ارتادى. نىساندى اتقارۋ ارقىلى شينجياڭنىڭ الەۋمەتتىك كاسىپتىك ونەردى جەتىلدىرۋ نەگىزدىك قۋاتىن ۇزدىكسىز جوعارىلاتىپ، كاسىپتىك ونەردى جەتىلدىرۋدى كەڭ كولەمدى ورىستەتۋدىڭ، ءتۇرلى ەڭبەكشىلەردىڭ كاسىپتىك ونەرىن جوعارىلاتۋدىڭ، اناعۇرلىم تولىق ءارى جوعارى ساپالى جۇمىستاندىرۋدى ىسكە اسىرۋدىڭ نەگىزىن بەكەمدەپ، دەم بەرۋگە بولادى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved