6 – ايدىڭ 7 - كۇنىنەن 8 – كۇنىنە دەيىن جوعارى مەكتەپ ەمتيحانى الىنادى
شينجياڭ 2024 - جىلعى ادەتتەگى جوعارى مەكتەپتەرگە وقۋشى قابىلداۋ قىزمەتى جونىندەگى بەلگىلەمەنى جاريالاندى
2024.05.20 14:33 كەلۋ قاينارى : حالىق تورابى
شينجياڭ تورابىنىڭ حابارى. 5 ـ ايدىڭ 18 ـ كۇنى، شينجياڭ وقۋ ـ اعارتۋ ەمتيحان مەكەمەسى «شينجياڭ ۇيعۇر اۆتونوميالى رايونىنىڭ 2024 ـ جىلعى ادەتتەگى جوعارى مەكتەپتەرگە وقۋشى قابىلداۋ قىزمەتى بەلگىلەمەسىن» جاريالادى. مۇندا مەملەكەتتىك ادەتتەگى جوعارى مەكتەپتەرگە وقۋشى قابىلداۋ ءبىرتۇتاس ەمتيحانى 6 – ايدىڭ 7 – كۇنىنەن 8 – كۇنىنە دەيىن الىنادى دەپ ايقىن بەلگىلەندى. ۇعىسۋعا قاراعاندا، شينجياڭنىڭ ءارقايسى ساباقتارىنىڭ ەمتيحان ۋاقىتى تومەندەگىندەي: 6 - ايدىڭ 7 - كۇنى ساعات 9 دان 11:30 عا دەيىن ءتىل - ادەبيەت، 15:00 دان 17:00 گە دەيىن ماتەماتيكا؛ 6 - ايدىڭ 8 - كۇنى ساعات 9:00 دان 11:30 عا دەيىنگى قوعامدىق ءپان جالپىلىق ەمتيحانى نەمەسە جاراتىلىستىق ءپان جالپىلىق ەمتيحانى، 15:00 دان 17:00 گە دەيىن شەتەل ءتىل (ەستۋ قابىلەتىن سىناۋ قامتىلادى) ەمتيحانى.
كەزەكتە، «وقۋشى قابىلداۋ بەلگىلەمەسى» شينجياڭ وقۋشى قابىلداۋ تورابى ارقىلى (http://www.xjzk.gov.cn) رەسمي جاريالاندى. «وقۋشى قابىلداۋ بەلگىلەمەسىندە» جوعارى مەكتەپ ەمتيحانىنا تىزىمدەلۋ، ەمتيحان بەرۋشىلەردىڭ ەلەكتروندىق ارحيۆى، يدەيا – ساياسي، ءمورال جاعىنان باعالاۋ، دەنساۋلىق جاعدايىن تەكسەرۋ، ەمتيحان جانە ەمتيحان قاعازىن تەكسەرۋ، وقۋشى قابىلداۋ ۋستاۆى، ولكەلەرگە (اۆتونوميالى رايون ، توتە قاراستى قالا) ءبولىپ كاسىپ بويىنشا وقۋشى قابىلداۋ جوسپارى، قابىلداۋ رەتى جانە تالاپ تولتىرۋ، قابىلداۋ، ينفورماتسيانى اشىق جاريالاۋ، وقۋشى قابىلداۋدى باسقارۋ قىزمەت مىندەتى، وقۋشى قابىلداۋ قاراجاتى، بەلگىلەمەگە قايشى ارەكەتتەردى ءبىر جاقتى ەتۋ جانە قوسىمشا ەرەجە سياقتى جاقتاردا ايقىن بەلگىلەمە جاسالدى.
بۇدان سىرت، شينجياڭ وقۋ - اعارتۋ ەمتيحان ورنى ەجەلدەن ءارقانداي جەكە ادامعا نەمەسە دانەكەر قۇرىلىمعا وقۋشى قابىلداۋ ۇگىتىن جۇرگىزۋدى مىندەتتەمەيتىندىگىن، ەمتيحان بەرۋشىلەر مەن اتا – انالارعا ءوزىن قورعاۋ تانىمىن جوعارىلاتىپ، ءارقانداي زاڭسىز دانەكەر قۇرىلىمعا نەمەسە جەكەگە جەڭىل - جەلپى سەنبەۋدى، جەكە ينفورماتسيانى وڭاي - وسپاق شاشپاۋدى، جالعان ۇگىت جۇرگىزۋ مەن وقۋشى قابىلداۋ الدامشىلىعىنان قاتاڭ ساقتانۋدى ەسكەرتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
