بىرلەسكەن مەملەكەتتەر ۇيىمى مالىمەت جاريالاپ، جايىلىمدى قورعاۋدى كۇشەيتۋگە ۇندەدى
2024.05.22 13:08 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى دۋ جىيۇي، چۋ ي 5 – ايدىڭ 21 – كۇنى بەرليننەن حابارلايدى. گەرمانيانىڭ بو – ن قالاسىنداعى «بىرلەسكەن مەملەكەتتەر ۇيىمىنىڭ قۇمايتتانۋدان ساقتانۋ شارتىنىڭ» حاتشىلار باسقارماسى 5 – ايدىڭ 21 – كۇنى «دۇنيە جۇزىندەگى جەر – سۋعا نازار — جايىلىم مەن مالشىلار جونىندەگى ارناۋلى تاقىرىپتىق مالىمەتتى» جاريالاپ، دۇنيە ءجۇزى بويىنشا جايىلىمداردىڭ تۇياق كەستى بولۋى ماسەلەسىنىڭ اۋىرلاسقانىن اتاپ كورسەتىپ، جايىلىمداردى قورعاۋدى كۇشەيتۋگە ۇندەگەن.
مالىمەتتە بىلاي دەلىنگەن: جايىلىم دۇنيە جۇزىندەگى قۇرلىق جەر اۋدانىنىڭ شامامەن %54 ىن ۇستايدى، الايدا، جايىلىمنىڭ %50 كە جۋىق ءبولىمى تۇياق كەستى بولعان، بۇل ادامزاتتى قامدايتىن ازىق – تۇلىكتىڭ التىدان ءبىر بولىگىنە حاۋىپ توندىرەدى. وسىنداي ەكولوگيالىق جۇيە جەر – سۋدىڭ ناشارلاۋى، كليمات وزگەرىسى قاتارلى حاۋىپتەرگە ۇشىراۋدا، الايدا، ۇنەمى ءمان بەرىلمەي كەلەدى.
«بىرلەسكەن مەملەكەتتەر ۇيىمىنىڭ قۇمايتتانۋدان ساقتانۋ شارتىنىڭ» حاتشىلار باسقارماسىنىڭ اتقارۋشى حاتشىسى يبراحيم دياۋ بىلاي دەدى: جۇرت ادەتتە ورماننىڭ بۇلدىرىلگەنىن، عاسىر بويى جاساعان اعاشتىڭ كەسىلگەنىن كورگەن كەزدە، كوڭىل – كۇيىندەگى وزگەرىستى سەزىنەدى، الايدا، جايىلىمنىڭ وزگەرىسى، ءتىپتى، جايىلىمنىڭ نەشە ءجۇز جىلدان بەرگى وزگەرىسى ”ۇنسىزدىك“ ىشىندە تۋىلۋدا، ول جۇرتتىڭ نازارىنا وتە كوپ ىلىنە قويمايدى، جايىلىمعا جانە وعان ارقا سۇيەپ تىرشىلىك ەتەتىن مالشىلارعا ۇنەمى جەتكىلىكتى ءمان بەرىلمەي كەلەدى.
مالىمەتتە بىلاي دەلىنگەن: جايىلىمدى قورعاۋدا ساياسي، ەكونوميكا، قوعام سىندى ءتۇرلى جاقتاردان كىرىسۋ كەرەك، ناقتى ۇسىنىستار مىنالاردى قامتيدى: كليمات وزگەرىسىنە قاتىستى باسەڭدەتۋ جانە ۇيلەسۋ شارالارىن، جايىلىمدى باياندى باسقارۋدىڭ جوباسىن رەتتەۋ كەرەك، وسى ارقىلى كومىر تەگىن ساقتاۋ قۋاتىن، سونداي – اق، جايىلىم مەن مالشىلاردىڭ ۇيلەسۋ قۋاتىن بىردەي جوعارىلاتۋعا بولادى؛ بۇكىل حالىق اتسالىساتىن، سونداي – اق، يكەمدى باسقارىلاتىن جانە جونگە سالىناتىن جۇيە ورناتۋدى ىلگەرىلەتۋ، وسى ارقىلى جايىلىم مەن مالشىلار ءۇشىن قىزمەت وتەۋدى كۇشەيتۋ كەرەك ت.ب.
دۇنيە جۇزىلىك قورشاعان ورتا قورىنىڭ باس اتقارۋشىسى كارلوس مانۋەل رودريگۋەس بىلاي دەدى: جۇرت جايىلىمنىڭ ەرەكشە زور قۇنىنا بولعان تانىمدى جوعارىلاتۋى ءارى ونى قورعاۋدى كۇشەيتۋى كەرەك، باسقارۋشىلار ءتۇرلى جايىلىمداردى باسقارۋ ءادىسى مەن ونىڭ ونىمدىلىگىن ءبىلۋى ءارى جايىلىمنىڭ ماڭىزدىلىعىن اناعۇرلىم ويداعىداي ايگىلەيتىن ساياساتتاردى بەلگىلەۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
