مەملەكەتتىك كەڭەس تايۋان ىستەرى كەڭسەسى: ”تايۋاندى دەربەستەندىرۋ“ — تۇيىق جول، ”تايۋاندى دەربەستەندىرۋدى“ ەركىنە جىبەرۋدىڭ جانە قولداۋ كورسەتۋدىڭ جەڭىلىسكە ۇشىرايتىنى داۋسىز
2024.05.21 14:38 كەلۋ قاينارى : حالىق تورابى
شينحۋا اگەنتتىگىنىڭ 5 – ايدىڭ 20 – كۇنى بەيجيڭنەن بەرگەن حابارى. مەملەكەتتىك كەڭەستىڭ تايۋان ىستەرى كەڭسەسىنىڭ مالىمدەمەشىسى چىن بينحۋا 5 – ايدىڭ 20 – كۇنى مىنانى ءبىلدىردى: دەموكراتيانى ىلگەرىلەتۋ پارتياسىنىڭ بيلىك باسىنداعىلار شەتەلدەگى كۇشتەرمەن استاسىپ، ”دەربەستىكتى“ كوزدەگەن سوقتىعۋ ارەكەتىن ۇزدىكسىز ورىستەتىپ، اتالمىش ”حالىقارالىق كەڭىستىكتى“ كەڭەيتپەك بولدى، ولاردىڭ ارەكەتى ارالداعى نەگىزگى ارنالىق حالىق ەل تىلەگىنە بۇكىلدەي قايشى كەلىپ، تايۋان بۇعازى ءوڭىرىنىڭ بەيبىتشىلىگى مەن ورنىقتىلىعىنا زيان جەتكىزەدى. مىنانى، ءسوزسىز، اتاپ كورسەتۋ قاجەت، ”تايۋاندى دەربەستەندىرۋ“ — تۇيىق جول، ”تايۋاندى دەربەستەندىرۋدى“ ەركىنە جىبەرۋدىڭ جانە قولداۋ كورسەتۋدىڭ جەڭىلىسكە ۇشىرايتىنى داۋسىز. دەموكراتيانى ىلگەرىلەتۋ پارتياسىنىڭ بيلىك باسىنداعىلاردىڭ ”شەتەلگە ارقا سۇيەپ، تاۋەلسىزدىكتى كوزدەۋى“ جانە سىرتقى كۇشتەردىڭ كيلىگۋى تايۋانداعى جۇرتشىلىققا تەك كەسىرىن تيگىزەدى، تايۋاننىڭ جۇڭگونىڭ ءبىر بولىگى ەكەنى سىندى امالياتتى وزگەرتە المايدى، حالىقارالىق قوعامنىڭ ءبىر جۇڭگو پرينسيبىندە تاباندى بولۋى سىندى اۋقىمدى وزگەرتە المايدى، جۇڭگونىڭ اقىرى بىرلىككە كەلۋى سىندى تاريحي بەتالىسقا كەدەرگى بولا المايدى.
ءتىلشى: ا ق ش قاتارلى از ساندى مەملەكەتتەر لاي چيڭدىنىڭ ”مىندەتكە وتىرۋ سالتىنا“ قاتىناسۋعا ادام جىبەرگەن جانە لاي چيڭدىنىڭ ”مىندەتكە وتىرعانىنا“ قۇتتىقتاۋ حاتىن جولداعان، دەموكراتيانى ىلگەرىلەتۋ پارتياسىنىڭ بيىلىك باسىنداعىلار راقىمەت ايتقان. مالىمدەمەشى وسى جونىندە قانداي پىكىر بىلدىرەسىز؟ _ دەپ سۇراعاندا، چىن بينحۋا تىلشىگە جوعارىدا ايتىلعانداي جاۋاپ بەرگەن.
چىن بينحۋا مىنانى اتاپ كورسەتتى: دۇنيە جۇزىندە تەك ءبىر عانا جۇڭگو بار، تايۋان — جۇڭگونىڭ ايرىلماس ءبىر بولىگى. ءبىر جۇڭگو پرينسيبى حالىقارالىق قارىم – قاتىناستاردىڭ نەگىزدىك ولشەمى جانە حالىقارالىق قوعامداعى جالپىعا بىردەي ورتاق تانىم، دۇنيە جۇزىندەگى باسىم كوپ ساندى مەملەكەتتەر وسىعان تاباندى بولۋدا ءارى بويسۇنۋدا، ءجون بويىنشا وسىلاي، حالىق تىلەگى دە وسىلاي. ءبىز ديپلوماتيالىق قارىم – قاتىناس ورناتقان ا ق ش قاتارلى ەلدەردىڭ جۇڭگو تايۋان وڭىرىمەن ءارقانداي فورماداعى ۇكىمەت ارالىق بارىس – كەلىس جاساۋىنا باتىل قارسى تۇرامىز، ءارقانداي فورمامەن، ءارقانداي جەلەۋمەن تايۋان ىستەرىنە كيلىگۋىن قاتاڭ جازعىرامىز. ا ق ش جاقتى جانە قاتىستى مەملەكەتتەردى قاتەلىگىن دەرەۋ تۇزەتۋگە، ءبىر جۇڭگو پرينسيبى مەن جۇڭگو جاققا بەرگەن قاتاڭ ساياسي ۋادەسىنە بەرىك تۇرۋعا، تايۋان ماسەلەسىن بايىپپەن، ۇيلەسىمدى ءبىرجاقتى ەتۋگە، ”تايۋان دەربەستىگىن“ دارىپتەيتىن بولشەكتەۋشى كۇشتەرگە قاتە سيگنال بەرۋدى توقتاتۋعا قۋزايمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
