24 ولكە تەمەكىنى تەجەۋگە قاتىستى ولكە دارەجەلى زاڭ – ءتۇزىم جاريالادى
تەمەكىنى جاپپاي تەجەۋگە قاتىستى زاڭ – تۇزىمدەر جان سانى سالىستىرماسىنىڭ ۇزدىكسىز جوعارىلاۋىن قورعايدى
2024.05.27 14:30 كەلۋ قاينارى : حالىق تورابى
2023 – جىلى 44 قالا تەمەكىنى تەجەۋگە قاتىستى قالا دارەجەلى زاڭ – تۇزىمدەردى جاڭادان ورتاعا قويعان نەمەسە بۇرىنعىسىنا وزگەرىس ەنگىزگەن. قازىرگە دەيىن، ەلىمىز بويىنشا 24 ولكە تەمەكىنى تەجەۋگە قاتىستى ولكە دارەجەلى زاڭ – تۇزىمدەردى ورتاعا قويعان، 254 قالا تەمەكىنى تەجەۋگە قاتىستى قالا دارەجەلى زاڭ – تۇزىمدەردى ورتاعا قويعان، تەمەكىنى جاپپاي تەجەۋگە قاتىستى زاڭ – تۇزىمدەر جان سانى سالىستىرماسىنىڭ ۇزدىكسىز جوعارىلاۋىن قورعايدى.
تەمەكىنى تەجەۋ تەمەكى شەگۋدىڭ الدىن الۋدى جانە تەمەكى شەگۋشىلەردى تەمەكىنى تاستاۋعا قۋزاۋدى قامتيدى، ول بارشا جۇرتتى اۋرۋدان ساقتاندىرۋ جانە جەكەلەردىڭ دەنساۋلىعىن قورعاۋ جاعىنداعى اتقارۋعا بولاتىن شارا. مەملەكەتتىك دەنساۋلىق ساقتاۋ – سالاماتتىق كوميتەتى دامۋ جانە ينفورماتسيالاندىرۋ مەڭگەرمەسى وتانشىلدىق تازالىق قىزمەتى كەڭسەسىنىڭ باسقارما باستىعى ۋاڭ لۋدىڭ تانىستىرۋىنشا، 2003 – جىلى دۇنيە جۇزىلىك دەنساۋلىق ساقتاۋ ۇيىمى «دۇنيە جۇزىلىك دەنساۋلىق ساقتاۋ ۇيىمىنىڭ تەمەكىنى تەجەۋ سۇلبالىق شارتىن» بەكىتكەن، ونداعى ماقساتى — تەمەكىنىڭ دەنساۋلىققا جانە ەكونوميكاعا بولعان بۇلدىرگىش ىقپالىن تومەندەتۋ. جۇڭگو «دۇنيە جۇزىلىك دەنساۋلىق ساقتاۋ ۇيىمىنىڭ تەمەكىنى تەجەۋ سۇلبالىق شارتىن» 2005 – جىلى بەكىتكەن، 2006 – جىلى اتالعان شارت جۇڭگودا رەسمي كۇشكە يە بولعان.
«”سالاماتتى جۇڭگو 20030“ جوسپار جوباسىندا» تەمەكىنى تەجەۋدى جاپپاي ىلگەرىلەتۋ ۋادەسىن ورىنداۋ، تەمەكىنى تەجەۋ تەبىنىن ارتتىرۋ، تاسىمالداۋ باعاسى، باجى، زاڭ قاتارلى تاسىلدەر ارقىلى تەمەكىنى تەجەۋ ونىمدىلىگىن جوعارىلاتۋدى، تەمەكىسىز ورتا قۇرىلىسىن بەلسەندى ىلگەرىلەتىپ، الەۋمەتتىك ورىنداردا تەمەكى شەگۋدى تەجەۋدى باقىلاۋ مەن وسى جاعىندا زاڭ اتقارۋدى كۇشەيتۋدى، الەۋمەتتىك ورىندا تەمەكى شەگۋگە تيىم سالۋ قىزمەتىن ىلگەرىلەتىپ، بولمە ىشىندەگى الەۋمەتتىك ورىنداردا تەمەكى شەگۋگە جاپپاي تيىم سالۋدى بىرتىندەپ ىسكە اسىرۋدى، 2030 – جىلعا بارعاندا، 15 جاستان جوعارعىلاردىڭ تەمەكى شەگۋ مولشەرىن %20 تەن تومەن دەڭگەيگە ءتۇسىرۋدى تالاپ ەتكەن.
جۋىرداعى جىلداردان بەرى، ءىشىنارا جەرلەر تەمەكىنى تەجەۋ جاعىنداعى زاڭ جاساۋ قىزمەتىن بەلسەندى ىلگەرىلەتتى، مىسالى، «شاڭحاي قالاسىنىڭ الەۋمەتتىك ورىنداردا تەمەكى شەگۋدى تەجەۋ ەرەجەسى» اتقارىلعاننان بەرى، ەرەسەكتەردىڭ تەمەكى شەگۋ مولشەرى %19.4 كە تومەندەگەن؛ «بەيجيڭ قالاسىنىڭ تەمەكى شەگۋدى تەجەۋ ەرەجەسىندە» الەۋمەتتىك ورىندار، قىزمەت ورىنداعى بولمە ورتاسى، بولمە سىرتىندا وشىرەتكە تۇرۋ قاتارلى جاعدايلاردا تەمەكى شەگۋگە تيىم سالىنعان؛ «شىنجىن ەكونوميكالىق ەرەكشە رايونىنىڭ تەمەكى شەگۋدى تەجەۋ ەرەجەسىندە» بولمە ىشىندەگى قىزمەت ورنى، بولمە ىشىندەگى الەۋمەتتىك ورىن، الەۋمەتتىك قاتىناس قۇرالدارىنىڭ ءىشى، سونداي – اق، مەكتەپ اۋلاسى، مەديتسينالىق قۇرىلىمدار قاتارلى بولمە سىرتىنداعى ورىنداردا تەمەكى شەگۋگە تيىم سالىنعان ...
ساناققا قاراعاندا، 2022 – جىلى ەلىمىزدە 15 جاستان اسقانداردىڭ ىشىندە تەمەكى شەگۋ مولشەرى %24.1 بولىپ، 2020 – جىلداعىمەن سالىستىرعاندا، 1.7 پايىز تومەندەگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
