ياركەن اۋدانىندا تۋىلعان زورلىقتى كۇش لاڭكەستىك دەلوسى جونىندە ۇكىم جاريالاندى

12 ادام ءولىم جازاسىنا، 15 ادام ءولىم جازاسىن كەشىكتىرىپ اتقارۋعا ۇكىم ەتىلدى

2014.10.14 13:04   كەلۋ قاينارى : حالىق تورابى

　　حالىق گازەتى، 13 – قازان، قاشقار. قاشقار ايماقتىق ورتا دارەجەلى حالىق سوتى ياركەن اۋدانىندا تۋىلعان «28 – شىلدە» اۋىر زورلىقتى كۇش لاڭكەستىك دەلوسىنداعى ءىشىنار ايىپكەرلەرگە 13 – قازاندا ءبىرىنشى سوت ۇكىمىن شىعاردى ءارى اشىق جاريالادى، لاڭكەستىك ۇيىمدى ۇيىمداستىرۋ، وعان باسشىلىق ەتۋ، قاتىناسۋ، قاساقانا كىسى ءولتىرۋ، زاڭسىز تۇردە جارىلعىش زاتتاردى جاساۋ، ءورت قويۋ، بارىمتالاۋ، حاۋىپتى جولدارمەن الەۋمەتتىك حاۋىپسىزدىككە زيان جەتكىزۋ قاتارلى قىلمىس فاكتىلەرى بويىنشا وسمان ابىلەت، يۇسۇپ ابىلەت، جۇماي قادىر، مامىتيمين ءامىر قاتارلى 12 ايىپكەرگە ءولىم جازاسى، ساياسي ۇقىعىنان ومىرلىك ماحرۇم ەتۋ جازاسى ۇكىم ەتىلدى؛ راحمان سادىر قاتارلى 15 ايىپكەرگە ءولىم جازاسى ۇكىم ەتىلدى، جازا 2 جىل كەشىكتىرىپ اتقارىلادى، سونىمەن بىرگە، ساياسي ۇقىعىنان ومىرلىك ماحرۇم ەتىلدى؛ ءالي تۇرسىن قاتارلى 9 ايىپكەر مەرزىمسىز قاماق جازاسىنا ۇكىم ەتىلىپ، ساياسي ۇقىعىنان ومىرلىك ماحرۇم ەتىلدى؛ ارزىگۇل امان قاتارلى 20 ايىپكەر 20 جىلدان 40 جىل ارالىعىندا مەرزىمدى قاماق جازاسىنا ۇكىم ەتىلدى؛ مۇنان باسقا 2 ايىپكەر جازانى كەشەۋىلدەتىپ اتقارۋعا ۇكىم ەتىلدى.

　　سوتتىڭ دەلونى قاراپ انىقتاۋىنشا، ايىپكەر وسمان ابىلەت نۇرامەت ساۋىت (تاعى ءبىر اتى نۇرمامەت، «28 – شىلدە» دەلوسىنداعى باس قىلمىسكەر، اتىلعان) ۇيىمداستىرعان زورلىقتى كۇش لاڭكەستىك توبىنا قاتىناسىپ، باسقالاردى زورلىقتى كۇش لاڭكەستىك قيمىلىنا قاتىناسۋعا جەلىكتىرگەن، شىرعالاعان، زورلاعان، تاس جولدا اۆتوموبيل شوفەرىن پىشاقتاپ،زيانكەستىككە ۇشىراۋشى 3 ادامدى ولتىرگەن؛ ايىپكەر يۇسۇپ ابىلەمەت نۇرامەت ساۋىت ۇيىمداستىرعان زورلىقتى كۇش لاڭكەستىك ۇيىمىنا بەلسەنە قاتىناسىپ، باسقا سودىرلارمەن بىرگە بەيكۇنا 5 ادامدى ولتىرگەن؛ ايىپكەر جۇماي قادىر باسقا سودىرلارمەن بىرگە جولدان وتكەن اۆتوموبيلدەردى توسىپ، ۇرىپ – شاققان، ورتەگەن، بەيكۇنا 2 ادامدى ولتىرگەن؛ ايىپكەر مامەتيمين ءامىر باس بولعان قىلمىستىق توپ جولدان وتكەن اۆتوموبيلدەردى توسىپ، ۇرىپ – شاققان، ورتەگەن ءارى كوپتەگەن جارىلعىش جابدىقتاردى جاساپ،ساقشىلارعا شابۋىلداماق بولعان.

　　سوت دەلونى قاراۋ بارىسىندا كەڭشىلىك ەتۋ مەن قاتاڭ جازالاۋدى بىرلەستىرۋ ساياساتىن تولىق تياناقتاندىردى. ايىپكەر ءالي تۇرسىن بەيكۇنا جۇرتتى ولتىرۋگە قاتىناسقان، دەلو بايقالعاننان كەيىن وزدىگىنەن قىلمىسىن مويىنداعاندىقتان، قىلمىسى جەڭىلدەتىلىپ، مەرزىمسىز قاماق جازاسىنا ۇكىم ەتىلدى. ايىپكەر مامەتتۇرسىن ءامىر زورلىقتى كۇش لاڭكەستىك قىلمىسىنا قاتىناسقان ءىنىسىنىڭ جاسىرىنىپ، قاشۋىنا كومەكتەسىپ، جاسىرىپ قويۋ قىلمىسىن وتكىزگەن، الايدا ول دەلو تۋىلار الدىندا ءىنىسىن زورلىقتى كۇش لاڭكەستىك قيمىلىنا قاتىناسپاۋعا ناسيحاتتاعان، دەلو تۋىلعاننان كەيىن ءوزىنىڭ قىلمىسىن ىرىقتىلىقپەن تاپسىرىپ، شىنىن ايتقاندىقتان، زاڭ بويىنشا جازاسى جەڭىلدەتىلىپ، 3 جىلدىق مەرزىمدى قاماق جازاسىنا ۇكىم ەتىلدى، جازا 4 جىل كەشىكتىرىلىپ اتقارىلادى.

　　سوت جوعارىداعى دەلوعا زاڭ بويىنشا اشىق سوت اشتى، ءار ۇلت بۇقاراسى مەن ايىپكەرلەردىڭ تۋىس – تۋعاندارى سوتتى سىرتتاي تىڭدادى. سوت مەكەمەسى زاڭ بويىنشا ايىپكەرلەرگە اقتاۋشى بەلگىلەدى، سوتتا ايىپكەرلەر وزدەرىنىڭ ۇلتتىق ءتىل - جازۋىمەن ارىز – شاعىم بەردى، ايىپكەرلەردىڭ ءتۇرلى ارىز – شاعىم ۇقىقتارىنا تولىق كەپىلدىك ەتىلدى.

　　«حالىق گازەتى» 2014 – جىلى 14 – قازان، 4 – بەت)

　　كەلۋ قاينارى: حالىق تورابى