شينجياڭ ۇيعۇر اۆتونوميالى رايونى ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساعان 8 تيپتىك ماسەلە جونىندە قۇلاقتاندىرۋ شىعاردى
2018.07.05 14:27 كەلۋ قاينارى : شينجياڭ گازەتى
حالىق تورابى، 5 – شىلدە، بەيجيڭ. جۋىردا شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى باقىلاۋ كوميتەتى ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساعان 8 تيپتىك ماسەلە جونىندە قۇلاقتاندىرۋ شىعاردى. بۇل سەگىز تيپتىك ماسەلە تومەندەگدەي:
1. شينجياڭ ۇيعۇر اۆتونوميالى رايوندىق ازىق- تۇلىك، ءدارى – دارمەكتى تەكسەرۋ بولىمشەسى پارتكومىنىڭ بۇرىنعى شۋجيى، بولىمشە باستىعىنىڭ بۇرىنعى ورىنباسارى ۋاڭ جىبيننىڭ، پارتكومنىڭ بۇرىنعى مۇشەسى، بولىمشە باستىعىنىڭ بۇرىنعى ورىنباسارى ياڭ ۋەنجۇيدىڭ بەلگىلەمەگە قايشىلىق جاساپ، باسقارۋ جانە قىزمەت وتەۋ وبيەكتىسىنىڭ قوناعاسىسىنا قاتىناسۋ قاتارلى ماسەلەلەرى. 2016 – جىلى شىلدە ايىندا، ۋاڭ جىبين، ياڭ ۋەنجۇي بولىمشەدەگى قاتىستى 18 قىزمەتكەردى باستاپ، شينجياڭداعى ءمالىم اراق زاۆودى وتكىزگەن «جاڭا ورگان قۇرىلىسىنداعى جاستاردىڭ ۇلگى كورسەتۋ قىزمەت ورنى» اتىنداعى اراق تەحنولوگياسى قيمىلى كەزىندە، 2 رەت اتالعان زاۆود ورنالاستىرعان قوناعاسىعا قاتىناسقان، جيىنى 2930 يۋان تۇتىنعان. مۇنان سىرت، ۋاڭ جىبيننىڭ بەلگىلەمەگە قايشى باسقا دا ماسەلەلەرى بار، ياڭ ۋەنجۇيدە ۇيىمىنىڭ تەكسەرۋىنە قارسىلىق كورسەتۋ ماسەلەسى بار. 2018 – جىلى ماۋسىمدا، ۋاڭ جىبين مەن ياڭ ۋەنجۇيگە پارتيا ىشىندەگى مىندەتىنەن قالدىرۋ، اكىمشىلىك مىندەتىنەن قالدىرۋ جازاسى بەرىلدى.
2. اقسۋ قالالىق سۋ ىستەر مەكەمەسى پارتگرۋپپا شۋجيىنىڭ بۇرىنعى مۇشەسى، بۇرىنعى مەكەمە باستىعى زاڭ يۇڭليننىڭ بەلگىلەمەگە قايشىلىق جاساپ تارتۋ – تارالعى الۋ ماسەلەسى. 2013 – جىلدان 2018 – جىلعا دەيىن، زاڭ يۇڭلين شاعان مەرەكەسى قارساڭىندا باسقارۋ جانە قىزمەت وتەۋ وبيەكتىسىنىڭ بەرگەن تارتۋ – تارالعىسىن، اقشاسىن كوپ رەت العان، جالپى قۇنى 85 مىڭ 500 يۋان بولعان. مۇنان سىرت، زاڭ يۇڭليندا بەلگىلەمەگە قايشى باسقا دا ماسەلەلەر بار. 2018 – جىلى مامىر ايىندا، زاڭ يۇڭلينعا پارتيا ىشىندە قالدىرىپ ەكى جىل باقىلاپ كورۋ، اكىمشىلىك مىندەتىنەن قالدىرۋ جازاسىن بەردى.
3. شاپشال سىبە اۆتونوميالى اۋداندىق ورمان مەكەمەسى پارتگرۋپپاسىنىڭ بۇرىنعى مۇشەسى، بۇرىنعى مەكەمە باستىعى لي چيڭحايدىڭ قاتىناس قۇرالدارىنا وتىرۋدا ولشەمنەن اسۋ ماسەلەسى. 2015 – جىلى مامىردان 2016 – جىلى قاراشاعا دەيىن، لي چيڭحاي ءۇرىمجى، جىڭجوۋعا ىسساپارىمەن بارۋدا ولشەمنەن اسىپ پويەزدىڭ جۇمىساق توسەگىنە وتىرعان، بەكىتۋدەن وتكىزبەي تۇرىپ ۇشاققا وتىرعان، ولشەمنەن اسىپ ەسەپتەن كوتەرتكەن اقشاسى 10 مىڭ 900 يۋان بولعان؛ كوپ رەت باسقارۋ جانە قىزمەت وتەۋ وبيەكتىسى ۇسىنعان جەرگىلىكتى ونىمدەر، زات ساتىپ الۋ كارتوچكاسى قاتارلى 61 مىڭ 500 يۋاندىق تارتۋ – تارالعى قابىلداعان. 2018 – جىلى ءساۋىر ايىندا، لي چيڭحايعا پارتيا ىشىندە قالدىرىپ ەكى جىل باقىلاپ كورۋ، اكىمشىلىك مىندەتىنەن قالدىرۋ جازاسىن بەردى.
4. گۇما اۋدانى پشينا اۋىلدىق شيپاحانانىڭ باستىعى مامەتيمىن احىمەتتىڭ جەكەلىك اۆتوكولىگىن ۇكىمەت اقشاسىمەن باعۋ ماسەلەسى. 2016 – جىلى قاڭتاردان 2017 – جىلى قازانعا دەيىن، گۇما اۋدانى پشينا اۋىلدىق شيپاحانانىڭ باستىعى مامەتيمىن احىمەت قىزمەت قولايلىلىعىنان پايدالانىپ، ٶزىنىڭ جەكەلىك اۆتوكولىگىنىڭ ماي اقىسىن ۇكىمەت اقشاسى ارقىلى شەشكەن سوماسى 19 مىڭ 800 يۋان، جەكەلىك اراق – تەمەكە اقىسى 22 مىڭ 400 يۋان، جيىنى 42 مىڭ 200 يۋان بولعان. 2018 – جىلى ماۋسىمدا، مامەتيمىن احىمەتكە پارتيا ىشىندە قالدىرىپ ءبىر جىل باقىلاپ كورۋ، اكىمشىلىك مىندەتىنەن قالدىرۋ جازاسى بەرىلدى.
5. فۋكاڭ قالاسى زىنيچۋانزى قالاشىعى سۋ ىستەرىن باسقارۋ بولىمشەسىنىڭ باستىعى ديڭ ليدىڭ بەلگلەمەگە قايشىلىق جاساپ بالاسىنىڭ «ءجۇز كۇنگە تولعان» قوناعاسىسىن بەرۋ ماسەلەسى. 2018 – جىلى ساۋىردە ديڭ لي شاقىرتۋ تاراتۋ، تەلەفون سوعۋ، كەلتەحات جولداۋ سياقتى فورمالار ارقىلى باسقارۋ جانە قىزمەت وتەۋ وبيەكتىلەرىن شاقىرىپ، بالاسىنىڭ «ءجۇز كۇنگە تولعان» قوناعاسىسىن بەرگەن، تارتۋ – تارالعىعا 66 مىڭ يۋان جينالعان. 2018 – جىلى ماۋسىمدا ديڭ ليعا پارتيا ىشىندە قاتاڭ ەسكەرتۋ بەرۋ، قىزمەت ورىن تومەندەتۋ جازاسى بەرىلدى.
6. اقشي اۋدانى اقشى قالاشىعى ۇش قىستاعى كوميتەتى شۋجيىنىڭ بۇرىنعى ورىنباسارى ىرىسكەلدى ماعاشاردىڭ بەلگىلەمەگە قايشىلىق جاساپ قوسىمشا قاراجات تاراتۋ ماسەلەسى. 2018 – جىلى ماۋسىمدا، ىرىسكەلدى ماعاشارعا پارتيا ىشىندە قاتاڭ ەسكەرتۋ بەرىلدى جانە قىزمەتىنەن قالدىرىلدى.
7. قارامايلى قالاسى قارامايلى رايوندىق ۇلت – ءدىن ىستەر كوميتەتىنىڭ قىزمەتكەرى نۇتبوللا اجىنىڭ ۇكىمەت اقشاسىمەن ءىشىپ – جەۋ ماسەلەسى. 2017 – جىلى شىلدە ايىندا، نۇتبوللا اجى كۋرس اشۋ ورايىنان پايدالانىپ، ٶزىنىڭ اۆتوكولىككە وتىرعان، ءىشىپ – جەگەن 9660 يۋانىن كۋرس قاراجاتىنان كوتەرگەن. 2018 – جىلى مامىردا نۇتبوللا اجىعا پارتيا ىشىندە قاتاڭ ەسكەرتۋ بەرۋ جازاسى بەرىلدى.
8. قۇمىل قالاسى يجوۋ رايوندىق تۇرعىن ءۇي قۇرىلىسى مەكەمەسىنىڭ الەۋمەتتىك ىستەر ءبولىمىنىڭ قىزمەتكەرى مۇحامەت مامىتتىڭ بەلگلەمەگە قايشىلىق جاساپ تارتۋ –تارالعى، اقشا الۋ ماسەلەسى. 2015 – جىلدان 2017 – جىلعا دەيىن، مۇحامەت مامىت ٶزى جاۋاپتى بولعان سۋ ۇنەمدەپ، وزگەرتىپ جاساۋ نىسانىنىڭ قىزمەت قولايلىلىعىنان پايدالانىپ، باسقارۋ جانە قىزمەت وتەۋ وبيەكتىسىنىڭ بەرگەن 4020 يۋاندىق قۇنعا يە اراق – تەمەكىسىن العان. 2018 – جىلى مامىردا مۇحامەت مامىتكە پارتيا ىشىندە قاتاڭ ەسكەرتۋ بەرۋ جازاسى بەرىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
