كوپىرمەلىككە باساتىن، وركەۋدەلىككە سالىناتىن نىسايداعى ماقالالار جونىندە (2):
جۇڭگولىقتار وزىنە سەنبەيتىن بولعانى ما؟
2018.07.04 13:31 كەلۋ قاينارى : حالىق تورابى
ادەبي ستيلدەن الەۋمەتتىڭ جان دۇنيەسىن كورۋگە، قۇن كوزقاراسىنىڭ باعدارىن بايقاۋعا بولادى. كوپىرمەشىلدىك، وركەۋدەلىك نىسايداعى ادەبي ستيل، بەلگىلى دەڭگەيدەن ايتقاندا، ءىشىنارا ادامداردىڭ جان دۇنيەسىن «بۇرمالاپ»، قۇن كوزقاراسىنىڭ نەگىزگى ارناسىن «اۋىتقىتادى». «الەمدە ەڭ قالتالى»، «دۇنيە ءجۇزى بويىنشا ءبىرىنشى» دەگەن اسىرەلەنگەن تاقىرىپتار قويىلعان ماقالالاردى جۇڭگوعا اكەلىپ زورلاپ تاڭاتىن ىستەر از ەمەس، بۇل ماقالالارداعى بارلىعىن ءبىر شىبىقپەن ايداعان، كەلسىن – كەلمەسىن كوتەرمەلەگەن، كورسوقىرلىقپەن سەنىمگە بەرىلگەن كوڭىل – كۇي مەن نىساي جونىندە تولعاناتىن كەز جەتتى.
جۇڭگونىڭ دۇنيە ءجۇزى كوز تىككەن دامۋ تابىستارىنا قول جەتكىزىپ، كوپتەگەن سالالاردا دۇنيە ءجۇزىنىڭ الدىڭعى قاتارىنا وتكەنىنە، كوپتەگەن ناتيجەلەرىنىڭ سانى دا ساپاسى دا بار ەكەنىنە كوز جۇمۋعا بولمايدى. ايتسەدە، ءبارى – بارىمەن ماقتانباۋ، نە بولسا سوعان ماساتتانباۋ كەرەك. جاڭا اقپارات قۇرالدارىنان پايدالانىپ، شىندىققا جاناسپايتىن مازمۇنداردى، قيىستىرعان فاكتىلەردى سان ميلليونداعان وقىرماندارعا تىقپالاۋ سىندى كوپىرمەشىلدىك، وركەۋدەلىك ءىشىنارا ادامدارعا قاتە تۇسىنىك قالىپتاستىرادى، اۋەلى قاتە تالعام جاساۋعا اپارىپ سوقتىرادى. اقىلعا سالىپ تانۋدىڭ ورنىن سەزىمنىڭ جەتەگىنە ەرۋ باسقاندا، ياكي، «الەمدە ءبىرىنشى» بولۋ سىندى جاڭساق تۇسىنىك قالىپتاسۋى، ياكي، پۋپۋليزمدىك نىسايدى كومەسكى تۇردە جەتىلدىرۋى مۇمكىن، مۇنىڭ زيانىنان باسقا تيتتەي دە پايداسى جوق.
كوپىرمەشىلدىك ستيلمەن شىلعي وتىرىك اڭگىمەلەردى ايتۋ اينالىپ كەلىپ زاردابىن ءوزى تارتۋعا اپارىپ سوعادى. جاھاندانۋ داۋىرىندە ينفورماتسيانىڭ تارالۋى دا الدەقاشان جاھاندانىپ بولعان. مىنا جاقتا «جۇڭگونىڭ مىنا ءسوزى قاتتى كەتتى، ا ق ش تۇسىنبەسە ءىرى وقيعا تۋىلادى» دەپ جازسا، انا جاقتاعى ەل ساقتانا باستايدى، ءىس جۇزىندە بۇل ءبىر كۇلكىلى اڭگىمە عانا؛ مىنا جاقتا «قورىقپا، جۇڭگونىڭ عىلىم – تەحنيكا جاعىنداعى ناقتى قۋاتى ا ق ش – تان اسىپ كەتتى، دۇنيە ءجۇزى بويىنشا ءبىرىنشى!» دەپ جازسا، انا جاقتاعى ەلدىڭ ويى ون ساققا كەتەدى، ءىس جۇزىندە بۇل ونان-مۇنان ءۇزىپ - جۇلىپ قۇراستىرعان قيسىنسىز تۇجىرىمدار ەسەپتەلەدى. بۇل «جۇڭگو حاۋىپتى» دەگەندى بىلدىرمەستەن، «جۇڭگوعا حاۋىپ» توندىرەتىنى ايدان ايقىن، وسىنىڭ سالدارىنان حالىقاراداعى وبىرازىمىزعا بىلىنبەستەن «كۇيە جاعىلىپ»، «بوگدەلەنە» باستايمىز.
نەگە كوپىرمەشىلدىككە باسامىز؟ نەگە وركەۋدەلىك ىستەيمىز؟ ءىشىنارا ادامدار دامۋ ۇستىندەگى جۇڭگو مەن جۇڭگونىڭ دامۋىن ايرىقشا ماقتانىش سەزىنەدى، ال، وسىنداي ماقتانىش سەزىمى شىندىقتى ءىس جۇزىنەن ىزدەۋ، ورنىقتىلىق بارىسىندا العا باسۋ نەگىزىندە تۋىنداۋى، الدامشى «كوپىرمەشىلدىك نىسايداعى ماقالادان» قالىپتاسپاۋى كەرەك. ءوزىن – ءوزى ماقتاۋ مەن كوتەرمەلەۋ ارقىلى كەلگەن سەنىمدىلىك پەن ماقتانىش سەزىمى شىنايى قۇرمەتتەۋگە يە بولا المايدى دەپ ايتۋعا بولادى، قايتا بۇل جۇرتتى دامۋ جونىندە دۇرىس ماملە جاساۋدان الجاستىرىپ، ادامداردىڭ ۇزاققا كوز تاستايتىن كوز اياسىن كولەگەيلەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
