شي جينپيڭ ۋاعدا بويىنشا كورەيانىڭ زۇڭتۇڭى مۋن جە - ينمەن تەلەفوندا سويلەستى
ۇلى بريتانيانىڭ بۇرىنعى باس ءۋازىرى كامەرونمەن كەزدەستى
2018.01.12 15:01 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - قاڭتاردا بەيجيڭنەن بەرگەن حابارى. مەملەكەت ءتوراعاسى شي جينپيڭ 11 - قاڭتاردا ۋاعدا بويىنشا كورەيانىڭ زۇڭتۇڭى مۋن جە - ينمەن تەلەفوندا سويلەستى.
شي جينپيڭ مىنالاردى اتاپ كورسەتتى: زۇڭتۇڭ مىرزا جاقىندا جۇڭگودا مەملەكەتتىك ساپاردا بولدى، تاراپتار جۇڭگو مەن كورەيانىڭ ستراتەگيالىق ىنتىماقتاستىق سەرىكتەستىك قاتىناسىن دامىتۋ، وڭىرلىك جانە حالىقارالىق كەلەلى ماسەلەلەر جونىندە سايكەسۋدى كۇشەيتۋ جاعىندا ماڭىزدى ورتاق تانىم قالىپتاستىرىپ، ءوزارا سەنىمدى نىعايتىپ، ىنتىماقتاستىقتى كۇشەيتتى. جۇڭگو جۇڭگو مەن كورەيا قارىم - قاتىناسىنىڭ جاقسارعانىنا، دامىعانىنا ءدان ريزا. جاڭا جىلدا جۇڭگو كورەيامەن تىزە قوسا قۇلشىنىپ، ستراتەگيالىق بايلانىستى كۇشەيتىپ، ناقتى ىستەر جونىندە ىنتىماقتاستىق ورناتىپ، سەزىمتال ماسەلەلەردى ۇيلەسىمدى ءبىر جايلى ەتىپ، ەكى ەل قارىم - قاتىناسىنىڭ ءتىپتى دە زور دامۋعا قول جەتكىزۋىن ىلگەرىلەتىپ، ءوڭىردىڭ بەيبىتشىلىگى مەن ورنىقتىلىعىن تىزە قوسا جەبەۋدى قالايدى. جۇڭگو كورەيانىڭ پيوڭچاڭ قىسقى وليمپيادا سپورت جارىسىن ويداعىداي وتكىزۋىنە قولداۋ كورسەتىپ، پيوڭچاڭ قىسقى وليمپيادا سپورت جارىسىنىڭ تابىستى بولۋىنا تىلەكتەستىك بىلدىرەدى.
مۋن جە - ين تاياۋدا جۇڭگودا مەملەكەتتىك ساپاردا بولعان كەزىندە جۇڭگونىڭ جان - جاقتىلى كوڭىلدەگىدەي ورنالاستىرۋ جاساعانىنا تاعى ءبىر رەت العىس ايتىپ، كورەيا مەن جۇڭگونىڭ ستراتەگيالىق ىنتىماقتاستىق سەرىكتەستىك قاتىناسىنىڭ دامۋ ارىنىن ساقتاپ، جاڭا جىلدا مۇنان دا زور ىلگەرىلەۋشىلىكتەرگە قول جەتكىزۋىن تىلەيتىندىگىن، كورەيا جاقتىڭ جۇڭگونىڭ پيوڭچاڭ قىسقى وليمپيادا سپورت جارىسىن ويداعىداي وتكىزۋگە قولداۋ كورسەتەتىندىگىنە العىس ايتاتىندىعىن ءبىلدىردى.
مۋن جە - ين جاقىندا وتكىزىلگەن كورەيا مەن چاۋشياننىڭ جوعارى دارەجەلى باسشىلار كەڭەسىنىڭ ناتيجەسىن ايتىپ، كورەيانىڭ جۇڭگونىڭ چاۋشيان تۇبەگى ماسەلەسىندەگى ماڭىزدى رولىنا وسكەلەڭ نازار اۋداراتىندىعىن ءبىلدىردى، جۇڭگونىڭ وڭتۇستىك - سولتۇستىك كەڭەسىنە قولداۋ كورسەتكەندىگىنە، جۇڭگونىڭ ماسەلەنى كەلىسسوز ارقىلى شەشۋدى ىلگەرىلەتۋ، چاۋشيان تۇبەگىنىڭ بەيبىتشىلىگى مەن ورنىقتىلىعىن قورعاۋ جاعىنداعى قۇلشىنىسىنا العىس ايتتى. كورەيانىڭ جۇڭگومەن تىزە قوسا قۇلشىنىپ، ماسەلەنى كەلىسسوز ارقىلى شەشىپ، ءوڭىردىڭ بەيبىتشىلىگى مەن ورنىقتىلىعىن بىرگە قورعاۋعا كۇش سالۋدى قالايتىندىعىن ءبىلدىردى.
شي جينپيڭ مىنالاردى باسا دارىپتەدى: جۇڭگو كورەيا مەن چاۋشياننىڭ قاتىناستارىن جاقسارتىپ، تاتۋلاسىپ، ىنتىماقتاستىق ورناتۋىن باستان - اياق قولداپ كەلەدى. ءبىز ەكى جاقتىڭ وڭتۇستىك پەن سولتۇستىكتىڭ كەلىسسوزىن جانە بارىس - كەلىسىن ىلگەرىلەتىپ، چاۋشيان تۇبەگى ماسەلەسىنىڭ شەشىلۋىن بىرتىندەپ ىلگەرىلەتۋگە قولداۋ كورسەتەمىز. قازىر چاۋشيان تۇبەگىنىڭ جاعدايى سىن مەن ورايعا تەڭ ءدوپ كەلىپ وتىر، پيوڭچاڭ قىسقى وليمپيادا سپورت جارىسىنىڭ كورەيا مەن چاۋشياننىڭ كەلىسسوز وتكىزۋىنە وراي تۋدىرۋمەن بىرگە، چاۋشيان تۇبەگى جاعدايىنىڭ جاقسارۋىنداعى يگى باستاما كوتەرۋىن ءۇمىت ەتەمىن. جۇڭگو كورەيانى قامتىعان ءار جاقپەن بايلانىستى جانە ىنتىماقتاستىقتى كۇشەيتىپ، جاعدايدىڭ ونان ارى جاقسى بەتالىسقا قاراي دامۋىنا قول جەتكىزۋدى قالايدى.
شينحۋا اگەنتتتىگىنىڭ 11 - قاڭتاردا بەيجيڭنەن بەرگەن حابارى (ءتىلشى حوۋ ليجۇن). مەملەكەت ءتوراعاسى شي جينپيڭ 11 - قاڭتاردا دياۋيۇيتاي مەملەكەتتىك قوناق ۇيىندە ۇلى بريتانيانىڭ بۇرىنعى باس ءۋازىرى كامەرونمەن كەزدەستى.
شي جينپيڭ كامەروننىڭ ۇلى بريتانيانىڭ باس ءۋازىرى مىندەتىن وتەگەن كەزىندە جۇڭگو - ۇلى بريتانيا قاتىناسىنىڭ دامۋىن ىلگەرىلەتۋ جونىندەگى كورەگەندىگى مەن بۇل جاعىندا جاساعان قۇلشىنىسىن القادى.
شي جينپيڭ مىنالاردى اتاپ كورسەتتى: 2015 - جىلى ۇلى بريتانيادا ءساتتى تۇردە مەملەكەتتىك ساپاردا بولدىم. ءبىز جۇڭگو - ۇلى بريتانيا قاتىناسىنىڭ «التىن ءداۋىرىن» بىرگە اشىپ، ەكى ەلدىڭ دامۋىنا جاڭا قوزعاۋشى كۇش قوستىق. كامەرون باس ۋازىرلىك مىندەت وتەگەننەن كەيىن، جۇڭگو - ۇلى بريتانيا قاتىناسىنىڭ «التىن ءداۋىرىنىڭ» ۇلكەن باعىتىنا ۇزدىكسىز تاباندى بولدى، جۇڭگو - ۇلى بريتانيا قاتىناسى باياندى دامۋ جاعدايىن ساقتادى. قازىر جۇڭگو مەن ۇلى بريتانيانىڭ جوعارى جىكتەگىلەرىنىڭ بارىس - كەلىسى جيىلەپ، ءوزارا تيىمدىلىك ىنتىماقتاستىعى ۇزبەي تەرەڭدەپ، گۋمانيتارلىق اۋىس - كۇيىسى كۇن سايىن جاندانىپ، ەكى ەل حالقىن شىنايى مۇددەگە كەنەلتتى. جۇڭگو ۇلى بريتانيامەن بىرگە «ءبىر بەلدەۋ، ءبىر جول» جۇلگەسىندە ءتىپتى دە كەڭ اۋماقتا، ءتىپتى دە جوعارى دەڭگەيدە، ءتىپتى دە تەرەڭ جىكتە ءوزارا تيىمدىلىك ىنتىماقتاستىق ورىستەتۋدى قامتىعان بايلانىستى، اۋىس - كۇيىستى، ىنتىماقتاستىقتى كۇشەيتىپ، «التىن ءداۋىر» جوباسىن ءتىپتى دە كوپ «التىن جەتىستىكتەرگە» اينالدىرىپ، ەكى ەل قاتىناسىنىڭ باياندى، ورنىقتى دامۋىن ىلگەرىلەتۋدى قالايدى.
كامەرون شي جينپيڭنىڭ وزىمەن كەزدەسكەنىنە راقىمەت ايتتى ءارى ج ك پ 19 - قۇرىلتايىنىڭ تابىستى بولعانىن قۇتتىقتادى. كامەرون بىلاي دەدى: ءتوراعا شي جينپيڭنىڭ 2015 - جىلى ۇلى بريتانيادا مەملەكەتتىك ساپاردا بولعانى قازىرگە دەيىن ەسىمنەن كەتپەيدى. ۇلى بريتانيا مەن جۇڭگونىڭ ەكى ەل قاتىناسىنىڭ «التىن ءداۋىرىن» بىرگە تۇلعالاۋى ءارى ەكى ەل ىنتىماقتاستىعىنىڭ ىشكەرىلەي دامۋىن ىلگەرىلەتۋى كىسىنى قۋانتادى. «ءبىر بەلدەۋ، ءبىر جول» دارىپتەمەسى ۇلى بريتانيا - جۇڭگو ىنتىماقتاستىعىنا جاڭا ورايلار اكەلەدى. ۇلى بريتانيا - جۇڭگو قاتىناسىنىڭ بولاشاعىنا تولىق سەنەمىن. ۇلى بريتانيا مەن جۇڭگونىڭ ءوزارا ءتۇسىنىسۋىن، بارىس - كەلىس جاساسۋىن، ىتىماقتاقتاستىعىن نىعايتۋعا رولىمدى ۇزبەي ساۋلەلەندىرە بەرۋدى قالايمىن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
