شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسى ءماجىلىسىنىڭ اقپاراتتىق مازمۇنداماسى
(2018 - جىلى 6 - ايدىڭ 9 - كۇنىنەن 10 - كۇنىنە دەيىن، چيڭداۋ)
2018.06.13 15:35 كەلۋ قاينارى : شينجياڭ گازەتى
شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسى ءماجىلىسى 2018 - جىلى 6 - ايدىڭ 9 - كۇنىنەن 10 - كۇنىنە دەيىن جۇڭگونىڭ چيڭداۋ قالاسىندا وتكىزىلدى.
ءۇندىستان رەسپۋبليكاسىنىڭ زۇڭليى مودي، قازاقستان رەسپۋبليكاسىنىڭ زۇڭتۇڭى نازاربايەۆ، جۇڭحۋا حالىق رەسپۋبليكاسىنىڭ ءتوراعاسى شي جينپيڭ، قىرعىز رەسپۋبليكاسىنىڭ زۇڭتۇڭى جيەنبەكوۆ، پاكيستان ءىسلام رەسپۋبليكاسىنىڭ زۇڭتۇڭى قۇسايىن، رەسەي فەدەراتسياسىنىڭ زۇڭتۇڭى پۋتين، تاجىكستان رەسپۋبليكاسىنىڭ زۇڭتۇڭى راحمون جانە وزبەكستان رەسپۋبليكاسىنىڭ زۇڭتۇڭى ميرزىيويەۆ ماجىلىسكە قاتىناستى.
ءماجىلىستى جۇڭحۋا حالىق رەسپۋبليكاسىنىڭ ءتوراعاسى شي جينپيڭ باسقاردى.
شاڭحاي ىنتىماقتاستىق ۇيىمىنىڭ باس حاتشىسى ءاليموۆ، وڭىرلىك لاڭكەستىككە قارسى تۇرۋ قۇرىلىمى اتقارۋ كوميتەتىنىڭ مەڭگەرۋشىسى سىسويەۆ ماجىلىسكە قاتىناستى.
اۋعانستان ءىسلام رەسپۋبليكاسىنىڭ زۇڭتۇڭى عاني، بەلورۋسسيانىڭ زۇڭتۇڭى لۋكاشەنكو، يران ءىسلام رەسپۋبليكاسىنىڭ زۇڭتۇڭى رۋحاني، موڭعۇليانىڭ زۇڭتۇڭى باتتۇلعى جانە ب م ۇ - نىڭ ۇنەمىلىك ىستەرگە جاۋاپتى ورىنباسار باس حاتشىسى ءامينا، تاۋەلسىز ەلدەر دوستاستىعى اتقارۋ كوميتەتىنىڭ ءتوراعاسى لەبەدەۆ، كوللەكتيۆ حاۋىپسىزدىك شارتى ۇيىمىنىڭ باس حاتشىسى حاچاتۇروۆ، شىعىس وڭتۇستىك ازيا ەلدەردى وداعىنىڭ باس حاتشىسى ليڭ يۇيحۇي، ازياداعى ءوزارا ىنتىماقتاستىق جانە سەنىمدىلىك شارالارى كەڭەسى حاتشىلار باسقارماسىنىڭ اتقارۋشى مەڭگەرۋشىسى گۇڭ جيانۋي، ەۆروپا - ازيا ەكونوميكا كوميتەتى اتقارۋ كوميتەتىنىڭ ءتوراعاسى سارگيسان، دۇنيە ءجۇزى بانكەسىنىڭ ورىنباسار باستىعى كۆا، حالىقارالىق اقشا قورى ۇيىمى ازيا - تىنىق مۇحيت ءبولىمىنىڭ مەڭگەرۋشىسى لي چاڭيۇڭ ماجىلىسكە قاتىناستى.
مۇشە ەلدەردىڭ باسشىلارى 2017 - جىلعى استانا باس قوسۋى قاۋلىسىنىڭ تياناقتاندىرىلۋ جاعدايىن جانە حالىقارالىق ساياسات پەن دۇنيە ءجۇزى ەكونوميكاسى قايشىلىعى بارعان سايىن كورنەكتىلەنگەن تۇستا، شاڭحاي ىنتىماقتاستىق ۇيىمىنىڭ الداعى دامۋ جونىندەگى باستى مىندەتىن تالقىلادى. تاراپتاردىڭ بىرلىككە كەلگەن تۇرعىسى چيڭداۋ جارناماسىندا ايگىلەندى.
مۇشە ەلدەر شاڭحاي ىنتىماقتاستىق ۇيىمى ەرەجەسىندە بەلگىلەنگەن باستى ماقسات پەن پرينسيپتى تاباندىلىقپەن قولداپ، «شاڭحاي رۋحىنا» بويسۇنىپ، «شاڭحاي ىنتىماقتاستىق ۇيىمىنىڭ 2025 - جىلعا دەيىنگى دامۋ ستراتەگياسىندا» بەلگىلەنگەن مىندەتتەردى بىرتىندەپ ورىندايتىندىقتارىن ءبىلدىردى. مۇشە ەلدەر مىنانى باسا دارىپتەدى: ءۇندىستان رەسپۋبليكاسى مەن پاكيستان ءىسلام رەسپۋبليكاسى شاڭحاي ىنتىماقتاستىق ۇيىمىنا قوسىلعاننان كەيىن، وسى ۇيىمنىڭ كومەسكى كۇشى بارعان سايىن زورايىپ، بىردەن - ءبىر اسا ىقپالعا جانە بەدەلگە يە وڭىرلىك ۇيىمعا اينالدى.
تاراپتار ساياسي قارىم - قاتىناستى، قۇرىلعىلاردى بايلانىستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى، جۇرت تىلەگىن توعىستىرۋدى ۇزدىكسىز كۇشەيتىپ، حاۋىپسىزدىك، ەنەرگيا، اۋىل شارۋاشىلىعى سياقتى سالالارداعى ىنتىماقتاستىقتى دامىتۋدى قايتالاي دارىپتەدى. چيڭداۋ باس قوسۋى «<شاڭحاي ىنتىماقتاستىق ۇيىمىنا مۇشە ەلدەردىڭ ۇزاق ۋاقىتتىق تاتۋ - ءتاتتى كورشىلىك، دوستىق ىنتىماقتاستىق شارتىن> اتقارۋ پروگرامماسىن (2018 − 2020 - جىل)» بەكىتتى.
مۇشە ەلدەردىڭ باسشىلارى قازىرگى كەزدەگى كەلەلى حالىقارالىق جانە وڭىرلىك ماسەلەلەر تۋراسىندا پىكىر اۋىستىردى، شاڭحاي ىنتىماقتاستىق ۇيىمى ءوڭىرىنىڭ حاۋىپسىزدىگى مەن ورنىقتىلىعىن قورعاۋعا ۇزدىكسىز تۇردە جۇمىلا كۇش سالىپ، جاڭاشا حالىقارالىق قاتىناستىڭ ورناۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋ ورتاق ۇستانىمىن تۇراقتاندىرۋدى باسا دارىپتەدى.
مۇشە ەلدەر اۋعانستان، سيريا، ورتا شىعىس ءوڭىرى، چاۋشيان تۇبەگىندەگى جاعداي مەن باسقا وڭىرلەردەگى قاقتىعىستاردى جالپىعا بىردەي حالىقارالىق زاڭنىڭ ولشەمدەرى مەن پرينسيپتەرىنىڭ اياسىندا جاراستىرۋعا دايەكتى قولداۋ كورسەتەدى. يراننىڭ يادرولىق ماسەلەسى جونىندەگى جان - جاقتى كەلىسىمشارتتى ۇزدىكسىز تياناقتاندىرۋدىڭ وتە ماڭىزدى ەكەنىن اتاپ كورسەتتى.
مۇشە ەلدەر ب م ۇ - نىڭ دۇنيە ءجۇزىنىڭ بەيبىتشىلىگى مەن حاۋىپسىزدىگىن قورعاۋ جولىنداعى قۇلشىنىستارىن باتىل قولدايتىندىقتارىن قايتالاپ، ب م ۇ - نىڭ حالىقارالىق لاڭكەستىككە سوققى بەرۋ تۋرالى جان - جاقتى شارتىن كەڭەستىك كەلىسىم ارقىلى ماقۇلداۋ قاجەتتىلىگىن اتاپ كورسەتتى، قازاقستاننىڭ ب م ۇ اياسىندا بەيبىت، لاڭكەسسىز الەمنىڭ ءىس - قيمىل ەرەجەلەرىن بەلگىلەۋ تۋرالى باستاماسىن قۇپتادى.
مۇشە ەلدەر قىرعىز رەسپۋبليكاسى مەن تاجىكستان رەسپۋبليكاسىنىڭ ب م ۇ حاۋىپسىزدىك القالار كەڭەسىنىڭ ۋاقىتشا مۇشەسى بولىپ سايلانۋعا دەگەن تىلەگىنە نازار اۋداردى.
شاڭحاي ىنتىماقتاستىق ۇيىمى حاۋىپسىزدىككە تونگەن سايىس پەن قاتەرگە ءونىمدى تۇردە توتەپ بەرۋ جاعىندا ۇزدىكسىز تۇردە سايكەستىكتى ساقتايدى. باس قوسۋدا قابىلدانعان «2019 − 2021 - جىلدارعا ارنالعان لاڭكەستىككە، بولشەكتەۋشىلىككە جانە ۇشقارىلىققا قارسى ءىس - قيمىلداعى ىنتىماقتاستىق باعدارلاماسى» مۇشە ەلدەردىڭ وسى سالاداعى سىندارلى ىنتىماقتاستىعىن ىلگەرىلەتە تۇسەدى، شاڭحاي ىنتىماقتاستىق ۇيىمىنىڭ وڭىرلىك لاڭكەستىككە قارسى كۇرەس قۇرىلىمى ءتىپتى زور رول اتقارادى.
مۇشە ەلدەر 2018 - جىلى 5 - ايدىڭ 3 -، 4 - كۇندەرى دۋشانبەدە وتكەن لاڭكەستىككە جانە ۇشقارىلىققا قارسى كۇرەس جونىندەگى حالىقارالىق ءماجىلىستىڭ جەتىستىكتەرىن جوعارى باعالايدى، ءماجىلىس ءار جاقتىڭ وسى ايتىلعان سالادا ىنتىماقتاستىق جۇرگىزۋىنە ماڭىزدى تۇعىر ازىرلەدى.
مۇشە ەلدەردىڭ باسشىلارى جاستاردىڭ مۇرات - سەنىم تاربيەسىنە باعىتتاي وتىرىپ كەشەندى قىزمەتتەر جۇرگىزىپ، ولاردىڭ بۇلدىرگى ارەكەتتەرگە قاتىناسۋىنان ساقتانۋعا قولداۋ كورسەتەدى. وسى ءۇشىن، باس قوسۋدا «مۇشە مەملەكەت باسشىلارىنىڭ جاستارعا بىرلەسكەن ۇندەۋى» جانە ونى اتقارۋ باعدارلاماسى قابىلداندى. وزبەكستان رەسپۋبليكاسى ورتاعا قويعان ب م ۇ قۇرىلتايىندا «تاربيە جانە ءدىن تاعاتتىلىعى» توتەنشە قاۋلىسىن ماقۇلداۋ جونىندەگى باستاماسىن قولدايدى.
مۇشە ەلدەر شاڭحاي ىنتىماقتاستىق ۇيىمىنىڭ ەسىرتكىمەن كۇرەس ستراتەگياسىنا جانە ونى تياناقتاندىرۋ ارەكەت جوسپارى، ناركوتيكتەر مەن پيسحوتروپتىق زاتتاردىڭ بەتالدى پايدالانىلۋىنان ساقتانۋ سياقتى حۇجاتتارعا سايكەس، زاڭسىز ەسىرتكى اتكەزشىلىگىنە قارسى كۇرەس سالاسىنداعى ىنتىماقتاستىقتى ۇزدىكسىز ىلگەرىلەتەدى.
شاڭحاي ىنتىماقتاستىق ۇيىمى ينفورماتسيا حاۋىپسىزدىگىن قامتاماسىز ەتۋ سالاسىندا كەڭ كولەمدى ءوزارا ءتيىمدى ىنتىماقتاستىق ورىستەتۋگە ونان ارى ۇلەس قوسىپ، ينفورماتسيالىق كەڭىستىكتەگى جاۋاپكەرشىل ەلدەردىڭ ءىس - قيمىلى جونىندەگى كەشەندى حالىقارالىق قاعيدالار، پرينسيپتەر جانە نورمالار دايىندايدى.
مۇشە ەلدەر ب م ۇ - نىڭ عالامدىق تۇراقتى دامۋ كۇن ءتارتىبىنىڭ تياناقتانۋىن ىلگەرىلەتۋدەگى وزەكتى رولىن قايتالاي دارىپتەيدى. عالامدىق ەكونوميكالىق باسقارۋ جۇيەسىن كەمەلدەندىرىپ، دۇنيە جۇزىلىك ساۋدا ۇيىمىن ۇيتقى ەتكەن كوپ جاقتى ساۋدا ءتۇزىلىسىن بەكەمدەۋگە جانە دامىتۋعا تاباندى بولىپ، اشىق الەمدىك ەكونوميكا قۇرۋدىڭ توتەنشە ماڭىزدىلىعىن دارىپتەيدى.
شاڭحاي ىنتىماقتاستىق ۇيىمى ساۋداعا قارجى سالۋعا ءتيىمدى شارت ازىرلەپ، ساۋدانىڭ جەڭىلدەنۋىن بىرگە ىلگەرىلەتىپ، ەلەكتروندىق ساۋدا ىنتىماقتاستىعىن جەبەپ، قىزمەت كورسەتۋ سالاسى مەن قىزمەت كورسەتۋ ساۋداسىن دامىتۋعا كۇش سالادى. ورتا، شاعىن، ۇساق كاسىپورىنداردىڭ دامۋىنا ۇزدىكسىز قولداۋ كورسەتىپ، قاتىناس - تاسىمال، ەنەرگيا كوزى، اۋىل شارۋاشىلىعى سياقتى سالالارداعى ىنتىماقتاستىققا ۇزدىكسىز قولداۋ كورسەتەدى.
وزبەكستاندا شاڭحاي ىنتىماقتاستىق ۇيىمىنا مۇشە ەلدەردىڭ تەمىر جول تاراۋلارىنىڭ جاۋاپتىلارىنىڭ تۇڭعىش رەتكى كەزدەسۋىن وتكىزۋ جونىندەگى باستاماعا قولداۋ كورسەتەدى.
قورشاعان ورتانى وڭاۋ تەبىنىن كۇشەيتۋ ماقساتىندا، مۇشە ەلدەر «قورشاعان ورتانى قورعاۋ سالاسىنداعى ىنتىماقتاستىق تۇجىرىمداماسىن» ماقۇلدادى. «شاڭحاي ىنتىماقتاستىق ۇيىمىنا مۇشە ەلدەردىڭ استىق حاۋىپسىزدىگى ىنتىماقتاستىق باعدارلاماسىنىڭ» جوبا نۇسقاسىن ۇزدىكسىز اقىلداسادى.
مۇشە ەلدەر تاجىكستان رەسپۋبليكاسىنىڭ ب م ۇ قۇرىلتايىندا ماقۇلدانعان 2018 − 2028 - جىلدارعا ارنالعان «تۇراقتى دامۋدى سۋ ارقىلى ىلگەرىلەتۋ» حالىقارالىق ارەكەتىنىڭ 10 جىلى جونىندەگى باستاماسىن جوعارى باعالايدى جانە 2018 - جىلى 6 - ايدىڭ 20 - كۇنىنەن 22 - كۇنىنە دەيىن دۋشانبەدە وسى تاقىرىپ بويىنشا ب م ۇ اياسىندا جوعارى دارەجەلى حالىقارالىق ءماجىلىس وتكىزىلۋىن قارسى الادى.
قازاقستان رەسپۋبليكاسى، قىرعىز رەسپۋبليكاسى، پاكيستان ءىسلام رەسپۋبليكاسى، رەسەي فەدەراتسياسى، تاجىكستان رەسپۋبليكاسى جانە وزبەكستان رەسپۋبليكاسى جۇڭحۋا حالىق رەسپۋبليكاسى ورتاعا قويعان «ءبىر بەلدەۋ، ءبىر جول» باستاماسىن قولدايتىندىقتارىن قايتالاي دارىپتەپ، ءار جاقتىڭ «ءبىر بەلدەۋ، ءبىر جول» باستاماسىن جۇمىلا اتقارۋ، «ءبىر بەلدەۋ، ءبىر جول» مەن ەۆروپا - ازيا ەكونوميكالىق وداعىنىڭ ءتۇيىسۋىن ىلگەرىلەتۋ جولىندا كورسەتكەن قۇلشىنىستارىن قۇپتايدى.
مۇشە ەلدەر باسشىلارى وڭىرلىك ەلدەردىڭ، حالىقارالىق ۇيىمداردىڭ جانە كوپ جاقتى ىنتىماقتاستىق مەحانيزمىنىڭ كومەسكى مۇمكىندىكتەرىن پايدالانىپ، شاڭحاي ىنتىماقتاستىق ۇيىمى وڭىرىندە كەڭ كولەمدى، اشىق، ءوزارا پايدالى جانە تەڭ تۇرعىلى سەرىكتەستىك قاتىناس ورناتۋعا قولداۋ كورسەتەدى.
شاڭحاي ىنتىماقتاستىق ۇيىمى جەرگىلىكتى باسشىلار تالقى مىنبەرىنىڭ قۇرىلۋى وڭىرلەر ارا ىنتىماقتاستىقتى جەبەيدى. ءار جاق 2018 - جىلى رەسەي فەدەراتسياسىنىڭ چەليابينسك قالاسىندا تالقى مىنبەرىنىڭ تۇڭعىش رەتكى ءماجىلىسىن وتكىزۋ تىلەگىن تۇراقتاندىردى.
مۇشە ەلدەر شاڭحاي ىنتىماقتاستىق ۇيىمىنىڭ كاسىپكەرلەر كوميتەتى مەن بانكە بىرلىگىن ۇيىمداستىرۋ جونىندەگى كومەسكى مۇمكىندىكتەرىن تولىق اشۋدى اتاپ كورسەتتى.
مۇشە ەلدەر فينانس سالاسىنداعى ىسكەرلىك ىنتىماقتاستىقتاردى ونان ارى كۇشەيتىپ، شاڭحاي ىنتىماقتاستىق ۇيىمىنىڭ دامۋ بانكەسى مەن دامۋ قورىن (ارناۋلى ەسەپشوت) قۇرۋ ماسەلەسىن اقىلداسۋ جونىندەگى ورتاق ۇستانىمدى ونان ارى كۇشەيتەدى.
مۇشە ەلدەر باسشىلارى گۋمانيتارلىق ىنتىماقتاستىقتىڭ حالىقتار اراسىنداعى ءوزارا تۇسىنىستىكتى، سەنىمدى جانە دوستىقتى تەرەڭدەتۋدە رول اتقارىپ وتىرعانىن قايتالاپ دارىپتەيدى، مادەنيەت، وقۋ - اعارتۋ، عىلىم - تەحنيكا، دەنساۋلىق ساقتاۋ، ساياحات، سپورت سياقتى سالالاردا كوپ ساتىلى ىنتىماقتاستىق ورىستەتۋگە قولداۋ كورسەتەدى.
مۇشە ەلدەر باقىلاۋشى ەلدەرمەن، ديالوگ سەرىكتەرىمەن، سونداي - اق حالىقارالىق جانە وڭىرلىك ۇيىمدارمەن جان - جاقتى ىنتىماقتاستىق ورىستەتۋدى قالايتىندىقتارىن دارىپتەدى.
باس قوسۋدا مۇشە ەلدەر باسشىلارىنىڭ «شاڭحاي ىنتىماقتاستىق ۇيىمىنا مۇشە مەملەكەتتەر باسشىلارىنىڭ ساۋدا جاعىنا جەڭىلدىك ەتۋ جونىندەگى بىرلەسكەن مالىمدەمەسى»، «شاڭحاي ىنتىماقتاستىق ۇيىمىنا مۇشە مەملەكەتتەر باسشىلارىنىڭ شاڭحاي ىنتىماقتاستىق ۇيىمى وڭىرىندە جۇقپالى اۋرۋلارعا جۇمىلا توتەپ بەرۋ جونىندەگى مالىمدەمەسى» جاريالاندى. قاتىستى تاراۋلار «2019 − 2020 - جىلدارعا ارنالعان <شاڭحاي ىنتىماقتاستىق ۇيىمىنا مۇشە ەلدەردىڭ ساياحات ىنتىماقتاستىعىن دامىتۋ باعدارلاماسىن> تياناقتاندىرۋ بىرلەسكەن ارەكەت جوسپارى»، «شاڭحاي ىنتىماقتاستىق ۇيىمىنا مۇشە ەلدەردىڭ ەكونوميكا - ساۋدا تاراۋلارى اراسىندا ورتا، شاعىن، ۇساق كاسىپورىنداردىڭ ىنتىماقتاستىعىن ىلگەرىلەتۋ جونىندەگى ءوزارا تۇسىنىستىك ەسكەرتپە حاتى»، «شاڭحاي ىنتىماقتاستىق ۇيىمىنا مۇشە ەلدەر كەدەندەرىنىڭ ماسكەۋ وڭىرلىك اقپارات - بايلانىس ورتالىعى دەلو دەرەكتەرى قامباسى زاڭ اتقارۋ تۇعىرى ارناسىنىڭ كەڭ اۋقىمدى بايلانىس ستانسياسىنان پايدالانىپ، ينفورماتسيالارمەن ءوزارا كومەكتەسۋ ءتارتىبى»، «شاڭحاي ىنتىماقتاستىق ۇيىمىنا مۇشە ەلدەر كەدەندەرىنىڭ ترانسشەكارالىق تاسىمالدىڭ وزون قاباتىنا زياندى زاتتارى ينفورماتسيالارىن اۋىسۋ ىنتىماقتاستىعى جونىندەگى ەسكەرتپە حاتى» سياقتى حۇجاتتارعا قول قويدى.
مۇشە ەلدەر باسشىلارى شاڭحاي ىنتىماقتاستىق ۇيىمى باس حاتشىسىنىڭ شاڭحاي ىنتىماقتاستىق ۇيىمىنىڭ وتكەن ءبىر جىلداعى قىزمەت بايانداماسىن جانە وڭىرلىك لاڭكەستىككە قارسى تۇرۋ قۇرىلىمى القالار كەڭەسىنىڭ وڭىرلىك لاڭكەستىككە قارسى تۇرۋ قۇرىلىمىنىڭ 2017 - جىلعى قىزمەت بايانداماسىن تىڭدادى ءارى بەكىتتى.
مۇشە ەلدەر باسشىلارى القالار كەڭەسى نۇروۆتى (وزبەكستان رەسپۋبليكاسى) شاڭحاي ىنتىماقتاستىق ۇيىمىنىڭ باس حاتشىسى، گيوسوۆتى (تاجىكستان رەسپۋبليكاسى) شاڭحاي ىنتىماقتاستىق ۇيىمى وڭىرلىك لاڭكەستىككە قارسى تۇرۋ قۇرىلىمى اتقارۋ كوميتەتىنىڭ مەڭگەرۋشىسى ەتىپ تاعايىنداۋ جونىندەگى قاۋلىنى ماقۇلدادى، ولاردىڭ مىندەت وتەۋ مەرزىمى 2019 - جىلى 1 - ايدىڭ 1 - كۇنىنەن 2021 - جىلى 12 - ايدىڭ 31 - كۇنىنە دەيىن بولادى.
2017 - جىلى 6 - ايدىڭ 8 - كۇنىنەن 9 - كۇنىنە دەيىن وتكەن شاڭحاي ىنتىماقتاستىق ۇيىمىنا مۇشە ەلدەر باسشىلارىنىڭ استاناداعى باس قوسۋىنان كەيىن، شاڭحاي ىنتىماقتاستىق ۇيىمى مۇشە ەلدەر ۇكىمەت باسشىلارى (زۇڭليلەرى) القالار كەڭەسى ءماجىلىسىن (2017 - جىلى 11 - ايدىڭ 30 - كۇنىنەن 12 - ايدىڭ 1 - كۇنىنە دەيىن، سوچي)، حاۋىپسىزدىك كەڭەسىنىڭ حاتشىلار ءماجىلىسىن (2018 - جىلى 5 - ايدىڭ 21 - كۇنىنەن 22 - كۇنىنە دەيىن، بەيجيڭ)، سىرتقى ىستەر مينيسترلەرى القالار كەڭەسىنىڭ كەزەكتەن تىس ءماجىلىسىن (2017 - جىلى 9 - ايدىڭ 20 - كۇنى، نيۋ - يورك) جانە كەزەكتى ءماجىلىسىن (2018 - جىلى 4 - ايدىڭ 24 - كۇنى، بەيجيڭ)، مەملەكەتتىك سايكەستىرۋشىلەر القالار كەڭەسى ءماجىلىسىن (2017 - جىلى 8 - ايدان 2018 - جىلى 6 - ايعا دەيىن، ياڭجوۋ، ماسكەۋ، بەيجيڭ)، وڭىرلىك لاڭكەستىككە قارسى تۇرۋ قۇرىلىمى القالار كەڭەسى ءماجىلىسىن (2017 - جىلى 9 - ايدىڭ 17 - كۇنى، بەيجيڭ؛ 2018 - جىلى 4 - ايدىڭ 5 - كۇنى، تاشكەنت)، شەكارا قورعانىس تاراۋلارى باسشىلارى ءماجىلىسىن (2017 - جىلى 6 - يدىڭ 29 - كۇنى، داليان)، اپاتتان شۇعىل قۇتقارۋ تاراۋلارى باسشىلارى ءماجىلىسىن (2017 - جىلى 8 - ايدىڭ 24 - كۇنىنەن 25 - كۇنىنە دەيىن، شوپان اتا)، ءادىليا مينيسترلەرى ءماجىلىسىن (2017 - جىلى 10 - ايدىڭ 20 - كۇنى، تاشكەنت)، ەڭ جوعارى حالىق سوتى مەكەمەسى باستىقتارى ءماجىلىسىن (2017 - جىلى 10 - ايدىڭ 25 - كۇنىنەن 27 - كۇنىنە دەيىن، تاشكەنت؛ 2018 - جىلى 5 - ايدىڭ 25 - كۇنى، بەيجيڭ)، دەنساۋلىق ساقتاۋ، اۋرۋدان ساقتانۋ تارۋالارى باسشىلارىنىڭ ءماجىلىسىن (2017 - جىلى 10 - ايدىڭ 31 - كۇنى، سوچي)، ەكونوميكا - ساۋدا مينيسترلەرى ءماجىلىسىن (2017 - جىلى 11 - ايدىڭ 15 - كۇنى، ماسكەۋ)، باس پروكۋرورلار ءماجىلىسىن (2017 - جىلى 11 - ايدىڭ 29 - كۇنى، سانت - پەتەربۋرگ)، عىلىم - تەحنيكا مينيسترلەرى ءماجىلىسىن (2018 - جىلى 4 - ايدىڭ 18 - كۇنىنەن 21 - كۇنىنە دەيىن، ماسكەۋ)، شاڭحاي ىنتىماقتاستىق ۇيىمىنىڭ تالقى مىنبەرىن (2018 - جىلى 5 - ايدىڭ 4 - كۇنىنەن 5 - كۇنىنە دەيىن، استانا)، ساياحات مينيسترلەرى ءماجىلىسىن (2018 - جىلى 5 - ايدىڭ 7 - كۇنىنەن 11 - كۇنىنە دەيىن، ۋحان)، قورعانىس مينيسترلەرى ءماجىلىسىن (2018 - جىلى 4 - ايدىڭ 24 - كۇنى، بەيجيڭ)، مادەنيەت مينيسترلەرى ءماجىلىسىن (2018 - جىلى 5 - ايدىڭ 15 - كۇنى، سان - يا)، ەسىرتكىگە تيىم سالۋ تاراۋلارى باسشىلارىنىڭ ءماجىلىسىن (2018 - جىلى 5 - ايدىڭ 17 - كۇنى، تيانجين)، شاڭحاي ىنتىماقتاستىق ۇيىمىنىڭ ايەلدەر تالقى مىنبەرىن (2018 - جىلى 5 - ايدىڭ 15 - كۇنىنەن 17 - كۇنىنە دەيىن، بەيجيڭ)، شاڭحاي ىنتىماقتاستىق ۇيىمىنىڭ اقپارات قۇرالدارى باس قوسۋىن (2018 - جىلى 6 - ايدىڭ 1 - كۇنى، بەيجيڭ)، كاسىپكەرلەر كوميتەتى القالار كەڭەسى ءماجىلىسىن (2018 - جىلى 6 - ايدىڭ 6 - كۇنى، بەيجيڭ)، بانكە بىرلەستىگى القالار كەڭەسى ءماجىلىسىن (2018 - جىلى 6 - ايدىڭ 5 - كۇنىنەن 7 - كۇنىنە دەيىن، بەيجيڭ)، سونداي - اق باسقا دا ءار دارەجەدەگى قيمىلداردى وتكىزدى.
مۇشە ەلدەردىڭ باسشىلارى جۇڭحۋا حالىق رەسپۋبليكاسىنىڭ شاڭحاي ىنتىماقتاستىق ۇيىمىنىڭ كەزەكتى ءتوراعا ەلى بولعان مەزگىلدە ىستەگەن قىزمەتتەرىنە جوعارى باعا بەرىپ، جۇڭگونىڭ چيڭداۋ باس قوسۋى كەزىندە ىقىلاستى كۇتىپ العانىنا جانە جان - جاقتى ورنالاستىرعانىنا راقىمەت ايتتى.
قىرعىز رەسپۋبليكاسى شاڭحاي ىنتىماقتاستىق ۇيىمىنىڭ كەلەر كەزەكتى ءتوراعا ەلى بولادى. شاڭحاي ىنتىماقتاستىق ۇيىمىنا مۇشە ەلدەر باسشىلارى القالار كەڭەسىنىڭ كەلەر جولعى ءماجىلىسى 2019 - جىلى قىرعىز رەسپۋبليكاسىندا وتكىزىلەدى.
(شينحۋا اگەنتتىگىنىڭ 6 - ايدىڭ 10 - كۇنى چيڭداۋدان بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
