شاڭحاي سەلبەستىك ۇيىمى سامميتى بىزبەن قاتىسسىز با؟ ولاي ەمەس، مىنا بەس ءىرى جاقتان يگىلىكتەنەسىز
2018.06.12 13:55 كەلۋ قاينارى : حالىق تورابى
شاڭحاي سەلبەستىك ۇيىمىنا مۇشە ەلدەردىڭ باسشىلارى كەڭەسىنىڭ 18 – ءماجىلىسى 9 – ماۋسىمنان 10 – ماۋسىمعا دەيىن شاندۇڭ ولكەسى چيڭداۋ قالاسىندا وتكىزىلدى، بۇل جۇڭگونىڭ اراعا التى جىل سالىپ، شاڭحاي سەلبەستىك ۇيىمىنىڭ سامميتىن تاعى ءبىر رەت وتكىزۋى، سونداي – اق، شاڭحاي سەلبەستىك ۇيىمىنىڭ مۇشەلەر قۇرامى كەڭەيتىلگەننەن كەيىن تۇڭعىش رەت وتكىزىلگەن سامميت بولىپ تابىلادى.
چيڭداۋ سامميتىندە ءارقايسى جاق كوپتەگەن ورتاق تانىمدارعا كەلىپ، مول تابىستارعا قول جەتكىزدى، مۇندا كوپتەگەن تابىستار بىزبەن تىعىز قاتىستى بولىپ، الدا بەس ءتۇرلى جاقتان يگىلىكتەنەسىز:
ءبىرىنشى يگىلىك: تۇرمىستىق ورتا بارعان سايىن حاۋىپسىز بولادى
كوپ جىلداردان بەرى، شاڭحاي سەلبەستىك ۇيىمىنا مۇشە مەملەكەتتەر سەلبەستىكتى كۇشەيتۋ ارقىلى نەشە جۇزدەگەن لاڭكەستىك شابۋىلدى تەجەپ، كوپتەگەن حالىقارالىق لاڭكەستىك ۇيىمدارىنىڭ مۇشەلەرىن ۇستادى، قىرۋار قارۋ – قاراق پەن وق – دارىلەردى قولعا ءتۇسىردى، وسى وڭىردەگى قارۋلى ەلەمەنتتەردى تاربيەلەيتىن كوپتەگەن بازالاردى تالقاندادى. وسىنىڭ جالعاسى رەتىندە، شاڭحاي سەلبەستىك ۇيىمىنىڭ چيڭداۋ سامميتىنىڭ مازمۇنداماسىندا حاۋىپسىزدىك جاعىنداعى سىناقتار مەن حاۋىپ – قاتەرلەرگە ۇزدىكسىز ءونىمدى تۇردە توتەپ بەرۋ جاعىندا سەلبەستىكتى جالعاستىرۋ ورتاعا قويىلدى.
ەكىنشى يگىلىك: شەتەلگە شىعىپ وقۋ، شەتەلگە شىعىپ اۋىس – كۇيىس جاساۋ اناعۇرلىم قولايلى بولا تۇسەدى
شي جينپيڭ 10 – ماۋسىم كۇنى سامميتتە مىنانى باسا دارىپتەدى: ءبىز مۇشە ەلدەر اراسىنداعى قورشاعان ورتانى قورعاۋ جاعىنداعى سەلبەستىك وي جەلىسى سىندى قۇجاتتاردى بەلسەندى تۇردە تياناقتاندىرىپ، جاستار اراسىنداعى اۋىس – كۇيىس لاگەرى سىندى ۇزدىك نىسانداردى جالعاستىرىپ، وقۋ – اعارتۋ، عىلىم – تەحنيكا، مادەنيەت، ساياحات، دەنساۋلىق ساقتاۋ، اپاتتىڭ زيانىن ازايتۋ، اقپارات قۇرالدارى سىندى سالالارداعى سەلبەستىكتى تىڭعىلىقتى ىلگەرىلەتۋىمىز كەرەك.
ءۇشىنشى يگىلىك: ازىق – تۇلىك حاۋىپسىزدىگى، دەنساۋلىققا كەپىلدىك ەتۋ اناعۇرلىم جوعارى ورەگە كوتەرىلەدى
مۇشە ەلدەر دەنساۋلىق ساقتاۋ جاعىنداعى شۇعىل جاعدايلارعا توتەپ بەرۋ، تۇرعىنداردىڭ دەنساۋلىعى مەن اۋرۋ – سىرقاۋلاردان ساقتانۋىنا كەپىلدىك ەتۋ، دەنساۋلىق ساقتاۋ سالاسىنداعى جالعان ونىمدەرگە سوققى بەرۋ، جۇقپالى اۋرۋلاردىڭ تارالۋىنان ساقتانۋ، سوزىلمالى اۋرۋلاردان ساقتانۋ جانە ونى تەجەۋ، ءداستۇرلى ءدارى – دارمەكتەر، مەديتسينالىق وقۋ – اعارتۋ جانە عىلمي زەرتتەۋ، حالىقارالىق دامۋ جاعىنداعى سەلبەستىك جوبالارىن ىلگەرىلەتۋدى تياناقتاندىرۋ، ەمدەۋ جاعىنداعى قىزمەت وتەۋ، ەمدەۋ سالاسىنداعى قىزمەتكەرلەر ارا تاجىريبە اۋىستىرۋ، ازىق – تۇلىك حاۋىپسىزدىگى مەن ساپاسىنا كەپىلدىك ەتۋ سىندى سالالاردا سەلبەستىك ورناتۋى، تۇرعىنداردىڭ دەنساۋلىعىن بىرگە قورعاپ، دەنساۋلىق ساقتاۋ ىستەرىنىڭ دامۋىن جانە سەلبەستىكتە جاڭالىق جاراتۋدى ىلگەرىلەتۋ كەرەك دەپ اتاپ كورسەتىلدى.
ءتورتىنشى يگىلىك: مادەنيەت جانە سپورت جاعىنداعى اۋىس – كۇيىس اناعۇرلىم كوپ ۇيەكتەنەدى
چيڭداۋ سامميتىندە ءارقايسى مۇشە ەلدەر بۇرىنعى نەگىزدە شاڭحاي سەلبەستىك ۇيىمى اياسىنداعى مادەنيەت جاعىنداعى بايلانىستاردى ۇزدىكسىز دامىتۋدى ىلگەرىلەتۋگە، ءار ەل حالقى اراسىنداعى ءوزارا تۇسىنىستىكتى بەكەمدەپ، مۇشە ەلدەردىڭ مادەنيەت داستۇرىنە جانە سالت – ساناسىنا قۇرمەت ەتۋگە، مادەنيەتتىڭ كوپ ۇيەكتەنۋىن قورعاۋعا جانە شابىتتاندىرۋعا، حالىقارالىق كوركەمونەر فەستيۆالدارى مەن باسەكەلەرىن ۇيىمداستىرۋعا، مۋزيكا، دراما، مۇسىندەۋ ونەرى، كينو، ارحيۆ، مۇراجاي جانە كىتاپحانا سىندى سالالاردا سەلبەستىكتى تەرەڭدەتىپ، ەجەلگى جىبەك جولى بويىن قامتىعان وڭىرلىك مادەنيەت پەن تابيعي مۇرالاردى زەرتتەۋ جانە قورعاۋ سالاسىندا سەلبەستىك ورىستەتۋگە كەلىستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
