اۆتونوميالى رايوندىق حالىق ۇكىمەتى ۇنەمىلىك ىستەر ءماجىلىسىن اشىپ «اۆتونوميالى رايوننىڭ اتىزداعى كەرەكسىز سۋلياۋ جارعاقتاردىڭ ورتانى لاستاۋىن جونگە سالۋ قىزمەتىن كۇشەيتۋ جونىندەگى پىكىرىن» اقىلداسىپ ماقۇلدادى
2018.07.03 14:25 كەلۋ قاينارى : شينجياڭ گازەتى
ءتىلشىمىز يۋان لەي 6 - ايدىڭ 30 - كۇنى ۇرىمجىدەن حابارلايدى. 6 - ايدىڭ 29 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، «اۆتونوميالى رايوننىڭ اتىزداعى كەرەكسىز سۋلياۋ جارعاقتاردىڭ ورتانى لاستاۋىن جونگە سالۋ قىزمەتىن كۇشەيتۋ جونىندەگى پىكىرىن» اقىلداسىپ ماقۇلدادى.
ءماجىلىس بىلاي دەپ اتاپ كورسەتتى: اۋىل شارۋاشىلىعىنىڭ، اۋىل - قىستاقتاردىڭ لاستانۋ ماسەلەسىن جونگە سالۋ − لاستانۋدان ساقتانۋ جانە ونى جونگە سالۋدان قامال الۋ شايقاسىنداعى، ءسوز جوق، ويداعىداي جۇرگىزۋگە ءتيىستى كەلەلى شايقاستاردىڭ ءبىرى. شينجياڭدا سۋلياۋ جارعاقتاردىڭ جالپىلاسۋ اۋماعى كەڭ، پايدالانۋ مولشەرى زور، اتىزداعى كەرەكسىز سۋلياۋ جارعاقتاردىڭ ورتانى لاستاۋىن جالپىلىق جونگە سالۋدى ىلگەرىلەتۋ اۆتونوميالى رايونىمىز اۋىل شارۋاشىلىعىنىڭ جاسىل دامۋىن جەبەۋ، اۋىل - قىستاقتاردى كوركەيتۋ ستراتەگياسىن دايەكتى اتقارۋ، لاستانۋدان ساقتانۋ جانە ونى جونگە سالۋدان قامال الۋ شايقاسىنىڭ جەڭىسىنە قول جەتكىزۋ جونىنەن ماڭىزدى ءمان الادى. ءار دارەجەلى ۇكىمەتتەر مەن قاتىستى تاراۋلار يدەيانى اناعۇرلىم بىرلىككە كەلتىرىپ، تانىمدى جوعارىلاتىپ، جاۋاپكەرلىك سەزىم مەن كوكەي تەستىلىك سەزىمدى شىنايى كۇشەيتىپ، ايرىقشا بەرىك بەكىمگە كەلىپ، اناعۇرلىم كۇشتى بورىش ارقالاي وتىرىپ، بارىنشا پارمەندى شارا قولدانىپ، اتىزداعى كەرەكسىز سۋلياۋ جارعاقتاردىڭ ورتانى لاستاۋىن جونگە سالۋعا قاتىستى قىزمەتتەردى ىلگەرىلەتىپ، اۆتونوميالى رايونىمىزدىڭ جاڭا داۋىردەگى اۋىل شارۋاشىلىعىنىڭ جاسىل دامۋ ورەسىن تاعى دا تىڭ ساتىعا كوتەرىپ، تىڭ تابىسقا قول جەتكىزۋىن جەبەۋ كەرەك.
ءماجىلىس بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، تياناقتاندىرىپ، جاسىل دامۋدى باعىت، اتىزداعى كەرەكسىز سۋلياۋ جارعاقتاردى ءونىمدى جيىپ الۋدى جانە بايلىققا اينالدىرىپ پايدالانۋدى نەگىزگى جەلى، تۇيىندەردە سىناق ەتىپ، ۇلگى كورسەتۋدى تۇتقا ەتىپ، جان - جاقتى شارا قولدانىپ، جۇمىلا ىلگەرىلەتىپ، زاڭ بويىنشا جونگە سالۋدى شىنايى كۇشەيتىپ، «تازا توپىراقتى قورعاۋ شايقاسىن» باتىلدىقپەن ويداعىداي جۇرگىزىپ، اتىزداعى كەرەكسىز سۋلياۋ جارعاقتاردىڭ ورتانى لاستاۋىن جونگە سالۋ قىزمەتىن باياندى ىلگەرىلەتۋ مەحانيزمىن قالىپتاستىرۋدى جەدەلدەتىپ، اتىزداعى «اق ءتۇستى لاستان» ءونىمدى ساقتانىپ جانە ونى پارمەندى تەجەپ، اسپانى كوك، جەرى جاسىل، سۋى تۇنىق كوركەم شينجياڭ قۇرىپ، جاپپاي دوڭگەلەك داۋلەتتى قوعام ورناتۋ نىساناسىن ۋاعىندا ىسكە اسىرۋعا پارمەندى تىرەك ازىرلەۋ كەرەك.
ءماجىلىس مىنالاردى تالاپ ەتتى: زاڭ بويىنشا ىلگەرىلەتىپ، قاتاڭ ساقتانۋ؛ تيپتەر ارقىلى جەتەكشىلىك ەتىپ، ۇلگى كورسەتۋ ارقىلى باستاۋ؛ عىلىم - تەحنيكاعا سۇيەنىپ، جالپىلىق شارا قولدانۋ؛ ۇكىمەت جەتەكشىلىك ەتىپ، جان - جاقتان جۇمىلا كۇش شىعارۋ نەگىزگى پرينسيبىنە تاباندى بولىپ، قاينارىنان باستاپ مەڭگەرۋ، سىناق تۇيىندەرىندە ۇلگى كورسەتۋ، يقۋات قۇرىلىسىن، تەحنيكا جالپىلاستىرۋ، ساياساتتى سايكەستىرۋ، عىلىم - تەحنيكالىق زەرتتەۋ - اشۋ قىزمەتىن كۇشەيتۋ ارقىلى ارتۋدى تەجەپ، قالدىقتى ازايتىپ، سۋلياۋ جارعاقتاردى وندىرەتىن، ساتاتىن جانە پايدالاناتىن سالالار مەن كەرەكسىز سۋلياۋ جارعاقتاردى جيىپ الىپ پايدالاناتىن سالالاردىڭ كاسىپورىن قۇرىلىسى، دارىندى تاربيەلەۋ، ماشينا جابدىعى، سونداي - اق عىلىم - تەحنيكامەن قامتاماسىز ەتۋ سياقتى جاقتارداعى سايكەسپەيتىن ماسەلەلەردى ءونىمدى شەشىپ، اۋىل شارۋاشىلىعىنداعى كەرەكسىز سۋلياۋ جارعاقتاردى جاپپاي جيىپ الىپ قايتا پايدالانۋدى، اتىزداعى «اق ءتۇستى لاستان» ءونىمدى ساقتانۋ جانە ونى مەڭگەرۋدى كۇش سالا ىسكە اسىرۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
