شي جينپيڭ كوممۋنيستىك جاستار وداعى ورتالىق كوميتەتىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەسكەندە
قالىڭ جاستارعا ۋاكىلدىك ەتىپ، قالىڭ جاستارعا قول جەتكىزىپ، قالىڭ جاستارعا سۇيەنىپ، قالىڭ جاستاردىڭ باتىلدىقپەن ارمان ارقالاۋىنا، باتىلدىقپەن ارمانعا ۇمتىلۋىنا، ارمانىن قۇلشىنا ورىنداۋىنا مۇمكىندىك جاساۋدى باسا دارىپتەدى
دارىپتەدى
2018.07.04 15:24 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - ايدىڭ 2 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 7 - ايدىڭ 2 - كۇنى تۇستەن كەيىن جۇڭنانحايدا كوممۋنيستىك جاستار وداعى ورتالىق كوميتەتىنىڭ جاڭا كەزەكتى باسشىلىق القاسى مۇشەلەرىمەن توپتىق اڭگىمەلەستى ءارى ماڭىزدى ءسوز سويلەدى. ول مىنالاردى باسا دارىپتەدى: جاس ۇرپاقتار مۇراتتى، ونەرلى بولسا، جاۋاپكەرشىلىك ارقالاسا، مەملەكەتتە بولاشاق، ۇلتتا ءۇمىت بولادى. قالىڭ جاستارعا ۋاكىلدىك ەتۋ، قالىڭ جاستارعا قول جەتكىزۋ، قالىڭ جاستارعا سۇيەنۋ − پارتيامىزدىڭ ۇزدىكسىز جەڭىستەن - جەڭىسكە جەتۋىنىڭ ماڭىزدى كەپىلى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى نەشە ۇرپاق جاستاردىڭ ۇزدىكسىز كۇرەس جاساۋى بارىسىندا رەالدىققا اينالادى. جاڭا داۋىردەگى جاستار قىزمەتىندە پارتيانىڭ باسشىلىعىنا بۇلجىماي تاباندى بولىپ، بۇقارالىق ۇيىمداردى دامىتۋدىڭ جۇڭگوشا سوتسياليزم جولىمەن بۇلجىماي ءجۇرىپ، جۇڭگو ارمانىن جۇزەگە اسىرۋ جولىندا كۇرەس جاساۋ نەگىزگى تاقىرىبىن تىعىز ارقاۋ ەتىپ، نەگىزگى تاقىرىپقا باستان - اياق ساباقتاستىرىپ، قالىڭ جاستاردىڭ باتىلدىقپەن ارمان ارقالاۋىنا، باتىلدىقپەن ارمانعا ۇمتىلۋىنا، ارمانىن قۇلشىنا ورىنداۋىنا مۇمكىندىك جاساۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ توپتىق اڭگىمەگە قاتىناستى.
شي جينپيڭ الدىمەن بىلاي دەدى: بىرنەشە كۇننىڭ الدىندا كوممۋنيستىك جاستار وداعىنىڭ مەملەكەتتىك 18 - قۇرىلتايى جابىلدى. قۇرىلتاي پارتيا ورتالىق كوميتەتىنىڭ تالاپتارىن دايەكتىلەندىرىپ، وتكەن 5 جىلداعى قىزمەتتەردى قورىتىندىلاپ، كوممۋنيستىك جاستار وداعى ىستەرىنىڭ الداعى 5 جىلدىق دامۋى جونىندە ورنالاستىرۋ جاساپ، ءتۇرلى كەڭەستىك تارتىپتەردى ورىندادى. مەن پارتيا ورتالىق كوميتەتى اتىنان قۇرىلتايدىڭ تابىستى بولعاندىعىن، سايلانعان كوممۋنيستىك جاستار وداعى ورتالىق كوميتەتى جاڭا كەزەكتى باسشىلىق القاسىن قۇتتىقتايمىن. كوممۋنيستىك جاستار وداعى ورتالىق كوميتەتىنىڭ جاڭا كەزەكتى باسشىلىق القاسى پارتيا ورتالىق كوميتەتىنىڭ تالاپتارىن دايەكتىلەندىردى، پوزيتسياسى باتىل، سەنىمى بەرىك، كوڭىل كۇيلەرى كوتەرىڭكى، بەكىمى زور بولدى. پارتيا ورتالىق كوميتەتى سىزدەردەن وتە زور ءۇمىت كۇتەدى. سىزدەردىڭ باستاماشىلدىقپەن نازاريا ۇيرەنىپ، سەنىمدى كۇشەيتىپ، ساياسيدى دارىپتەپ، تەجەمدى قاتايتىپ، رەفورمانى جەبەپ، تياناقتاندىرۋدى يگەرىپ، ستيلدى تۇزەتىپ، قاعيداعا بويسۇنىپ، جاڭا داۋىردەگى كوممۋنيستىك جاستار وداعىنىڭ تاماشا وبرازىن سومداپ، بۇكىل ەلدەگى ءار ۇلت جاستارىن ىنتىماقتاستىرىپ، ۇيىستىرىپ، پارتيا 19 - قۇرىلتايىندا ورتاعا قويىلعان نىسانا مەن مىندەتتەردى جۇزەگە اسىرۋ جولىندا كۇرەس جاساۋ جاۋاپكەرلىگىن ارقالاۋلارىڭىزدى ءۇمىت ەتەمىن.
شي جينپيڭ مىنالاردى اتاپ كورسەتتى: وتكەن 5 جىلدا كوممۋنيستىك جاستار وداعى جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، پارتيا ورتالىق كوميتەتىنىڭ كوممۋنيستىك جاستار وداعىن رەفورمالاۋ جونىندەگى ورنالاستىرۋىن مۇقيات تياناقتاندىرىپ، ساياسيلىقتى، العاباسارلىقتى، بۇقارالىقتى ساقتاۋدى جانە ونى كۇشەيتۋدى ارقاۋ ەتىپ، جاستاردى ۇيىمداستىرۋ، جەتەكتەۋ، جاستاردىڭ دامۋىن ىلگەرىلەتۋ، جاستار مەن ورەندەردىڭ ۇقىق - مۇددەسىن قورعاۋ، كوممۋنيستىك جاستار وداعى رەفورماسىن تەرەڭدەتۋ سياقتى جاقتاردا قىرۋار قىزمەتتەر ىستەپ، كوممۋنيستىك جاستار وداعىنىڭ رۋحاني بەت - بەينەسىندە جاڭا لەپ جارىققا شىعۋىن ىلگەرىلەتتى.
شي جينپيڭ مىنالاردى باسا دارىپتەدى: پارتيا 18 - قۇرىلتايىنان كەيىن، پارتيا ورتالىق كوميتەتى پارتيا مەن مەملەكەت ىستەرىنىڭ دامۋ جالپى جاعدايىن نەگىزگە الىپ، جاستار قىزمەتىنە وسكەلەڭ ءمان بەرىپ جانە ونى بارىنشا ىلگەرىلەتىپ، جاڭا جۇڭگو تاريحىنداعى جاستار ىستەرىن دامىتۋدىڭ العاشقى جوباسىن جاساپ، كوممۋنيستىك جاستار وداعى رەفورماسىن ورنالاستىرىپ، جاستار قىزمەتىن ىلگەرىلەتۋدە تاريحي ناتيجەگە قول جەتكىزدى. پارتيا ورتالىق كوميتەتى جاستار قىزمەتىنىڭ ستراتەگيالىق ورنىن، جۇڭگو جاستار قوزعالىسىنىڭ ءداۋىر تاقىرىبىن، جاستار قىزمەتىنىڭ مىندەتى مەن بورىشىن، جاس ۇرپاقتاردىڭ اقاۋسىز ەسەيىپ - ەرجەتۋىنىڭ دۇرىس جولىن، جاستار قىزمەتىنىڭ شاراسىن، ءادىسىن، كوممۋنيستىك جاستار وداعىن رەفورمالاۋدىڭ، دامىتۋدىڭ نىساناسى مەن مىندەتتەرىن ايقىندادى، پارتيانىڭ جاستار قىزمەتىنە باسشىلىعىن، ءسوز جوق، كۇشەيتۋدى ايقىندادى. سوتسياليزمنىڭ قۇرىلىسشىلارى مەن ءىزباسارلارىن باۋلۋدى ءتۇبىرلى مىندەت ەتۋگە تاباندى بولىپ، قالىڭ جاستاردى كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتى جولىندا كۇرەس جاساۋعا جەتەكتەۋ؛ پارتيانىڭ بيلىك جۇرگىزۋدەگى جاستار قاۋىمى نەگىزىن بەكەمدەۋدى جانە كەڭەيتۋدى ساياسي جاۋاپكەرلىك ەتىپ، مۇلدە باسىم كوپ ساندى جاستاردى پارتيا ورتالىق كوميتەتىنىڭ توڭىرەگىنە تىعىز ۇيىستىرۋ؛ وزەكتى ارقاۋ ەتۋدى، جالپى جاعدايعا قىزمەت ەتۋدى قىزمەتتىڭ نەگىزگى جەلىسى ەتىپ، قالىڭ جاستاردى رەفورمانى، ەسىك اشۋدى تەرەڭدەتۋ، ەكونوميكالىق، قوعامدىق دامۋدى جەبەۋ بارىسىندا جالىن كۇش رولىن تولىق ساۋلەلەندىرۋگە كەڭ كولەمدە ۇيىمداستىرۋ، جۇمىلدىرۋ كەرەك. قالىڭ جاستار مۇرات - سەنىمدى بەكەمدەۋ، ونەرگە بارىنشا توسەلۋ، باتىلدىقپەن جاڭالىق اشىپ، جاسامپازدىق جاراتۋ، قاجىرلىلىقپەن كۇرەس جاساۋدى ماقسات تۇتۋ، وسكەلەڭ قاسيەتتى شىڭداۋ، سوتسياليستىك وزەكتى قۇن كوزقاراسىن اسقاقتاتۋ جانە امالياتتا ايگىلەۋ بارىسىندا بەرىلە ۇيرەنۋ، ءمورالدى جەتىلدىرۋ، ايقىن پارىقتاۋ، شىنايى بولۋ، وتاندى ءسۇيۋ، قۇلشىنۋ، شىندىققا تالپىنۋ، ۇمتىلا ىستەۋ، حالىقپەن بىرگە كۇرەس جاساپ، حالىقپەن بىرگە العا باسىپ، حالىقپەن بىرگە ارمانعا تالپىنىپ، پارتياعا ىلەسۋدەي مۇرات تالپىنىسىن ءومىر بويى امالياتتا ايگىلەۋ كەرەك.
شي جينپيڭ مىنالاردى اتاپ كورسەتتى: كوممۋنيستىك جاستار وداعى − پارتيانىڭ قولعاناتى جانە زاپاس كۇشى، بۇل پارتيامىزدىڭ كوممۋنيستىك جاستار وداعىنا دەگەن وسكەلەڭ سەنىمىن جانە ىقىلاستى تىلەگىن ايگىلەيدى. كوممۋنيستىك جاستار وداعىنىڭ بارلىق قىزمەتى، تۇپتەپ كەلگەندە، قولعانات جانە زاپاس كۇش سىندى وسى رولىن ويداعىداي اتقارۋ. مۇندا، باستىسى، 3 ءتۇبىرلى ماسەلەنى يگەرۋ، ياعني، ءسوز جوق، سوتسياليزمنىڭ قۇرىلىسشىلارى مەن ءىزباسارلارىن باۋلۋدى ءتۇبىرلى مىندەت ەتۋ، پارتيانىڭ بيلىك جۇرگىزۋدەگى جاستار قاۋىمى نەگىزىن بەكەمدەۋدى جانە كەڭەيتۋدى ساياسي جاۋاپكەرلىك ەتۋ، وزەكتى ارقاۋ ەتۋدى، جالپى جاعدايعا قىزمەت ەتۋدى قىزمەتتىڭ نەگىزگى جەلىسى ەتۋ كەرەك. جاستارعا ساياسي جەتەكشىلىكتى كۇشەيتۋ كەرەك، پارتيا تۋىنىڭ نۇسقاعانى وداق تۋىنىڭ تالپىنۋ بەتالىسى. قالىڭ جاستار اراسىندا نازاريامەن قارۋلاندىرۋ قىزمەتىن كۇشەيتىپ جانە جاقسارتىپ، قالىڭ جاستاردى ماركسيزمدىك تۇرعىدان، كوزقاراستان، ادىستەن پايدالانىپ ماسەلەنى باقىلاۋعا، وعان تالداۋ جاساۋعا جەتەكتەپ، وسى ارقىلى دۇرىس ساياسي باعداردى بەكەمدەپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن كۇشەيتىپ، پارتيانىڭ سوزىنە قۇلاق اسۋ، پارتياعا ىلەسۋ ءومىر تالپىنىسىن بەكەمدەۋ كەرەك. جاستاردى جاڭا داۋىرگە ۇلەس قوسۋعا كەڭ كولەمدە جۇمىلدىرىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋدى جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، پارتيا مەن مەملەكەتتىڭ كەلەلى قىزمەت ورنالاستىرۋلارىنا ىرىقتىلىقپەن سايكەسىپ، قالىڭ جاستاردى ءوزىن وتانعا ارناۋ جىگەرىن ءىس جۇزىندىك ارەكەتىنە اينالدىرىپ، ۇلتتىڭ گۇلدەنۋى سىندى كەلەلى مىندەت ارقالايتىن ءداۋىردىڭ جاڭا ادامى بولۋعا قۇلشىنۋعا اتتانىسقا كەلتىرۋ كەرەك. جاستارمەن اناعۇرلىم بايلانىس ورناتىپ، ولارعا قىزمەت ەتىپ، كوممۋنيستىك جاستار وداعى قىزمەتىنىڭ قامتۋ اياسىن كەڭەيتىپ، قىزمەت ەتۋ تانىمىن كۇشەيتىپ، قىزمەت ەتۋ قابىلەتىن ۇشتاپ، مۇمكىندىكتىڭ بارىنشا جاستاردى قامنان ارىلتىپ، ولاردىڭ قيىنشىلىعىن شەشىپ، قالىڭ جاستار سەنىم ارتاتىن، سۇيەنەتىن، ايرىلا المايتىن جانكۇيەر ادام بولىپ، كوممۋنيستىك جاستار وداعىنىڭ باۋراۋ قۋاتى مەن ۇيىستىرۋ قۋاتىن كۇشەيتۋ كەرەك. «جاستار ءىسىن دامىتۋدىڭ ورتا، ۇزاق ۋاقىتتىق جوباسىن (2016 - جىلدان 2025 - جىلعا دەيىن)» ويداعىداي تياناقتاندىرۋ كەرەك.
شي جينپيڭ مىنالاردى باسا دارىپتەدى: پارتيا 19 - كەزەكتى ورتالىق كوميتەتىنىڭ ءۇشىنشى جالپى ءماجىلىسى پارتيا مەن مەملەكەت ورگاندارى رەفورماسىن تەرەڭدەتۋ ورنالاستىرۋىن جاساعاندا، بۇقارالىق ۇيىمدار رەفورماسىن تەرەڭدەتۋ جونىندە دە جاڭا تالاپ قويدى. كوممۋنيستىك جاستار وداعى پارتيانىڭ جاستار قاۋىمىمەن بايلانىس جاسايتىن كوپىرى جانە دانەكەرى، وسى بورىشى ارقىلى رەفورمانى جوبالاۋدى تىعىز ارقاۋ ەتىپ، ناقتى، شىنايى شارا قولدانىپ، ماسەلەنى بۇركەمەلەمەي، سىرقاتتى جاسىرماي، اۋرۋعا قاراي ءدارى بەرىپ، جانعا باتىرا جاراقاتتى ەمدەپ، يدەيادا، قىزمەتتە، تۇزىمدە وسى ماسەلەنى شىنايى ويداعىداي شەشۋ كەرەك. نەگىزگى ساتىنى بارىنشا يگەرۋدىڭ ايقىن بەتالىسىن ورناتىپ، رەفورما شارالارىنىڭ نەگىزگى ساتىدا تياناقتانۋىن ىلگەرىلەتىپ، نەگىزگى ساتىنىڭ شىنايى كۇشەيۋىنە مۇمكىندىك جاساۋ كەرەك.
شي جينپيڭ مىنالاردى اتاپ كورسەتتى: جاستار وداعىن قاتاڭ جونگە سالۋ تالابىن شىنايى تياناقتاندىرۋ كەرەك. ساياسيدا قاتاڭ بولىپ، ساياسي قۇرىلىستى ءبىر تۇتاس جەتەكشىلىككە الىپ، كوممۋنيستىك جاستار وداعى جۇيەسىنىڭ پارتيا قۇرىلىسىن نىعايتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ءتۇرلى بۇرىس ستيل مەن تەرىس پيعىلدارعا تۋى ايقىن تۇردە قارسى تۇرىپ، پاك ستيل، دۇرىس سالتتى جانە تاماشا وبرازدى ساقتاۋ كەرەك. كوممۋنيستىك جاستار وداعىنىڭ كادرلار قوسىنى قۇرىلىسىن كۇشەيتىپ، ساياسيدا، يدەيادا، قابىلەتتە، جاۋاپكەرلىك ارقالاۋدا، ستيلدە، تەجەمدە بەرىك بولىپ، پارتياعا ادال بولىپ، ۋاقىتى تىعىز، قيىندىعى زور، حاۋىپ - قاتەرى جوعارى، قىزمەت سالماعى اۋىر مىندەتتەردى باتىل ارقالاپ، شارت - جاعدايى جاپالى، ورتاسى كۇردەلى قىزمەت ورىندارىندا باتىلدىقپەن شىنىعىپ، تاباندىلىقپەن، ءبىر - بىرلەپ ىستەۋ كەرەك. وداق مۇشەلەرى قوسىنى قۇرىلىسىن دا قاتايتۋ كەرەك، وداق مۇشەلەرىنىڭ ولشەمىن، تالابىن قاتايتىپ، وداققا مۇشە قابىلداۋدىڭ ساپا وتكەلىنەن ىسكە كىرىسۋدى ويداعىداي يگەرىپ، وداققا قابىلدانعاننان كەيىنگى تاربيە امالياتىن ويداعىداي يگەرىپ، قالىڭ جاستاردى بىرگە العا باسۋعا جەتەكتەۋ كەرەك.
شي جينپيڭ مىنالاردى باسا دارىپتەدى: جاستار قىزمەتىندە قازىرگىنى مىقتى يگەرۋ، بۋىندى جالعاۋ، بولاشاققا بەت الۋ كەرەك، بۇل پارتيا مەن مەملەكەتتىڭ بولاشاعى مەن تاعدىرىنا قاتىستى ءىس. ءار دارەجەلى پارتكومدار جاستار مەن ورەندەردىڭ ەسەيىپ - ەرجەتۋىنە نازار اۋدارىپ، كوڭىل ءبولىپ، ولاردىڭ ەسەيىپ - ەرجەتۋىنە، تولىسۋىنا، دارىنىن ايگىلەۋىنە تاماشا شارت - جاعداي ازىرلەۋ كەرەك. ءار دارەجەلى پارتكومدار بار زەيىن - زەردەسىمەن جاستار قىزمەتىن، كوممۋنيستىك جاستار وداعى قىزمەتىن مىقتى يگەرىپ، باسشىلىق جاۋاپكەرشىلىگىن شىنايى اتقارۋ كەرەك.
ماجىلىستە كوممۋنيستىك جاستار وداعى 18 - كەزەكتى ورتالىق كوميتەتى شۋجيچۋىنىڭ ءبىرىنشى شۋجيى حى جۇنكى كوممۋنيستىك جاستار وداعى مەملەكەتتىك 18 - قۇرىلتايىنىڭ جانە كوممۋنيستىك جاستار وداعى 18 - كەزەكتى ورتالىق كوميتەتىنىڭ ءبىرىنشى جالپى ءماجىلىسىنىڭ اشىلۋ جاعدايىنان مالىمەت بەردى، كوممۋنيستىك جاستار وداعى ورتالىق كوميتەتى شۋجيچۋىنىڭ شۋجيلەرى ۋاڭ حۇڭيان، شۇي شياۋ، فۋ جىنباڭ، يىن دۇڭمەي، چيباتۋ، لي كىيۇڭ جەكە - جەكە سوزگە شىقتى.
ديڭ شۋەشياڭ، چىن شي، گو شىڭكۇن، يوۋ چۋان اڭگىمەدە بىرگە بولدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
