ساپالى اۋىل شارۋاشىلىق ونىمدەرى ساياحات كاسىبى دامۋىنىڭ جۇردەك پويەزىنە شىقتى
”شينجياڭنىڭ اۋىل شارۋاشىلىعى ونىمدەرىن كورىنىس اۋماقتارىنا كىرگىزۋ“ قىزمەتى باستالدى
2019.07.23 11:04 كەلۋ قاينارى : شينجياڭ گازەتى
ءتىلشىمىز ليۋ ي 7 - ايدىڭ 21 - كۇنى فۋكاڭنان حابارلايدى. ءتىلشىنىڭ 7 - ايدىڭ 21 - كۇنى وتكىزىلگەن ”شينجياڭنىڭ اۋىل شارۋاشىلىعى ونىمدەرىن كورىنىس اۋماقتارىنا كىرگىزۋ“دى باستاۋ سالتىنان ۇعىسۋىنشا، بيىل رايونىمىزدىڭ اۋىل شارۋاشىلىعى، اۋىل - قىستاق، مادەنيەت، ساياحات سياقتى تاراۋلارى تىعىز سەلبەستىك ورىستەتىپ، ساياحاتتىڭ قاۋىرت مەزگىلىندەگى ساياحاتشى قاينارى باسىمدىعىن مىقتاپ يگەرىپ، ”شينجياڭنىڭ اۋىل شارۋاشىلىعى ونىمدەرىن كورىنىس اۋماقتارىنا كىرگىزۋ“ قىزمەتىن ورىستەتۋ ارقىلى اۋىل شارۋاشىلىعى ونىمدەرىن مانەرلەۋ كاسىپورىندارىن، ساياحات تاۋارلارىن ساتۋ كاسىپورىندارىن، ءارقايسى ءىرى كورىنىس اۋماقتارىن، كورىنىس تۇيىندەرىن قارىم - قاتىناستى، ىستەستىكتى كۇشەيتۋگە جەتەكتەپ، كورىنىس اۋماقتارىنىڭ نىشاندىق ەرەكشە اۋىل شارۋاشىلىعى قوسىمشا ونىمدەرىن، ساياحات تاۋارلارىن اشۋىنا قولداۋ كورسەتىپ، وڭىرلىك ەرەكشەلىككە يە، ساياحاتشىلاردىڭ قىزۋ قارسى الۋىنا بولەنگەن ءبىر توپ ايگىلى اۋىل شارۋاشىلىعى قوسىمشا ونىمدەرىن، ساياحات تاۋارلارىن شىعارىپ، شينجياڭنىڭ ەرەكشە اۋىل شارۋاشىلىعى ونىمدەرىنىڭ ساتىلۋ دەڭگەيىن جوعارىلاتقان.
سول كۇنگى باستالۋ سالتى شينجياڭ تيانشان بوعدا كولى كورىنىس اۋماعىندا وتكىزىلدى. قيمىل باسىنداعى ساتۋ ارناۋلى اۋماعىندا، قۇمىل قاۋىنى، مەيىز، جاڭعاق سوقماعى، لاۆاندا ەفير مايى سياقتى 10 تۇرلىدەن استام شينجياڭنىڭ ساپالى اۋىل شارۋاشىلىق ونىمدەرى شوعىرلى شىعارىلىپ، كوپتەگەن ساياحاتشىلاردى ايالداپ ءدام تاتۋعا، ساتىپ الۋعا باۋرادى.
”رايونىمىزدىڭ ساياحات كاسىبىنىڭ تەز دامۋىنا ىلەسە، كورىنىس اۋماقتارى شينجياڭنىڭ ەرەكشە اۋىل شارۋاشىلىق ونىمدەرىن ايگىلەۋدەگى، تانىستىرۋداعى، ساتۋداعى ءىرى تۇعىرعا اينالادى“. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ ورىنباسار باستىعى نۇرمامەت تۇنياز بىلاي دەدى: قيمىلعا قاتىناسقان 65 كاسىپورىننىڭ ”جاسىل ازىق - تۇلىگىنىڭ، ورگانيكالىق اۋىل شارۋاشىلىق ونىمدەرىنىڭ جانە جاعراپيالىق بەلگىسى بار اۋىل شارۋاشىلىق ونىمدەرىنىڭ“ انىقتالۋ سالىستىرماسى ％90تەن استى، ءىشىنارا اۋىل شارۋاشىلىق ونىمدەرىنىڭ ساپاسىن قاينارىنان تەكسەرۋ جۇيەسى كەمەلدەنۋگە بەت الىپ، ساپا حاۋىپسىزدىگىن قامتاماسىز ەتۋ قابىلەتى ۇزدىكسىز كۇشەيدى. كەلەسى قادامدا، اۋىل شارۋاشىلىعى، اۋىل - قىستاق تاراۋلارى قاتىستى تاراۋلارمەن بىرگە اۋىل - قىستاقتاردىڭ 1 -، 2 -، 3 - كاسىپتەرىن توعىستىرا دامىتۋ تالابى بويىنشا بازاردىڭ سۇرانىسىن بەتالىس ەتۋدەن جازباي، اۋىل شارۋاشىلىق ونىمدەرىن مانەرلەۋ كاسىپورىندارىن تيبىن وزگەرتىپ، دارەجەسىن جوعارىلاتۋعا جەتەكتەپ، كورىنىس اۋماقتارىنا كىرگەن اۋىل شارۋاشىلىق ونىمدەرىنە قاراتا ساپا ولشەمىن ورناتىپ، ساپا باسقارۋدى قاتايتىپ، شينجياڭنىڭ ەرەكشە اۋىل شارۋاشىلىق ونىمدەرىنىڭ ساياحاتشىلاردىڭ تۋىس - تۋعاندار مەن دوس - جاراندارىنا تارتۋ ەتكەندە الدىمەن تاڭدايتىن ونىمگە اينالۋىنا مۇمكىندىك جاسايدى.
اۋىل شارۋاشىلىعى، اۋىل - قىستاق تاراۋلارى تاعى دا كورىنىس اۋماقتارىن باسقارۋ سياقتى تاراۋلارمەن بىرلەسىپ، كورىنىس اۋماقتارىنداعى تۇتىنۋشىلاردىڭ تۇتىنۋ قۇرىلىمى، تۇتىنۋ ادەتى سياقتىلارعا تالداۋ، زەرتتەۋ جۇرگىزىپ، ونىمدەردى ۇيلەسىمدى ورنالاستىرىپ، تۇرلىشە تۇتىنۋشىلار شوعىرىنىڭ تۇتىنۋ سۇرانىسىن قاناعاتتاندىرادى. سونىمەن بىرگە، تاجىريبەلەردى بىرتىندەپ قورىتىندىلاپ، كوبەيتىپ، جالپىلاستىرىپ، شينجياڭنىڭ ەرەكشە اۋىل شارۋاشىلىق ونىمدەرىنىڭ، ساياحات تاۋارلارىنىڭ ساتىلۋىن جەبەپ، ءداستۇرلى اۋىل شارۋاشىلىق ونىمدەرى كاسىپ تىزبەگىن ونان ارى ۇزارتىپ، ءداستۇرلى اۋىل شارۋاشىلىق ونىمدەرىنىڭ ۇستەمە قۇنىن جوعارىلاتىپ، تۇتاس رايونىمىزدىڭ اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋىنا، ەگىنشى - مالشىلاردىڭ جۇمىسقا ورنالاسىپ كىرىسىن ارتتىرۋىنا دەم بەرەدى.
نۇرمامەت تۇنياز بىلاي دەدى: ءبىز شينجياڭنىڭ ءتىپتى دە كوپ ەرەكشە اۋىل شارۋاشىلىق ونىمدەرىنىڭ 3A دارەجەلىدەن جوعارى كورىنىس اۋماقتارىنا كىرۋىن جەبەيمىز، 9 - ايدىڭ سوڭىنا دەيىن، 5A دارەجەلى 2 كورىنىس اۋماعىنا كىرگىزۋگە، سەيىل - سەرۋەن اۋىل شارۋاشىلىعىنان جانە اۋىل - قىستاق ساياحاتىنان جۇلدىز دارەجەلى ۇلگى كورسەتەتىن 2 كاسىپورىنعا (باقشا رايونى) كىرگىزۋگە كۇش سالىپ، ورنىقتى، كەمەلدى اينالىم ۇلگىسىن بىرتىندەپ ورناتىپ، ساپالى اۋىل شارۋاشىلىعى ونىمدەرىن ساياحات كاسىبى دامۋىنىڭ جۇردەك پويەزىنە شىعارىپ، ءتىپتى دە كوپ ەگىنشى - مالشىلاردى ساياحات كاسىبى دامۋىنىڭ پايداسىنان بىرگە يگىلىكتەندىرەمىز.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
