ساياسي كەڭەس مۇشەسى حۋاڭ جيەفۋ: ەمدەۋ بايلىق قاينارىنىڭ بولىسىندە اۋىر اعاتتىق بار

2016.03.10 14:14   كەلۋ قاينارى : حالىق تورابى

　　حالىق تورابى، 10 - ناۋرىز، بەيجيڭ. مەملەكەتتىك ساياسي كەڭەستىڭ تۇراقتى مۇشەسى، وقۋ – اعارتۋ، عىلىم – تەحنيكا، مادەنيەت، دەنساۋلىق ساقتاۋ جانە دەنە تاربيە كوميسسياسىنىڭ مەڭگەرۋشىسىنىڭ ورىنباسارى حۋاڭ جيەفۋ ساياسي كەڭەس مەملەكەتتىك 12 – كەزەكتى كوميتەتىنىڭ 4 – ءماجىلىسى حالىق تۇرمىسى تاقىرىبىنداعى تىلشىلەر جينالىسىندا بىلاي دەدى: كەيبىر نەرۆ سىرتقى اۋرۋلار بولىمىندە ماماندارعا كورىنۋ رەت ءنومىرىنىڭ باعاسى 8000 يۋانعا دەيىن وسكەن. بۇل ەلىمىزدىڭ ەمدەۋ بايلىق قاينارى قۇرىلىمدىق قايشىلىعى تۋدىرعان اۋىر اعاتتىق ەكەنىن بىلدىرەدى. ناۋقاستاردىڭ بارلىعى ۇلكەن ەمحانالارعا جۇگىرەدى، نەگىزگى ساتىداعى ەمحانالار نەگىزىنەن بوس تۇرادى.

　　ماماندارعا كورىنۋ رەت ءنومىرىن ساۋدالايتىن الىپساتارلاردى ۇستاۋدى ءبىز قولدايمىز. ءبىراق ماماندار دا كورىنۋ رەت ءنومىرىن الباتى قوسپاۋى كەرەك، ءتىپتى ەمحانالار كورىنۋ رەت ءنومىرىن كۇشىنەن قالدىرسا دا بولادى، مۇنى اقىلداسۋ ارقىلى باسقا جولمەن شەشۋگە دە بولادى. ماماندارعا كورىنۋ رەت ءنومىرىن ساۋدالايتىن الىپساتارلاردىڭ كوزىن تۇبەگەيلى جويۋ ءۇشىن، پارتيا 18 – كەزەكتى ورتالىق كوميتەتىنىڭ 3 – جالپى ماجىلسىندە دارىپتەلگەنگە ساي، بازاردىڭ بايلىقتى ۇلەستىرۋىندەگى رولىن تولىق ساۋلەلەندىرۋ كەرەك.

　　مەملەكەتتىڭ 2009 – جىلعى ەمدەۋ- دەنساۋلىق ساقتاۋ سالاسىنداعى شىعىسى ءبىر تريلليون 700 ميلليارد يۋان، بىلتىر ءتورت تريلليون 200 ميلليارد يۋان بولىپ، 6 جىلدا ەكى ەسە ارتتى. بىلايشا ايتقاندا، مەملەكەتتىڭ ەمدەۋ سالاسىندا شىعارعان قارجىسى ەداۋىر قوماقتى، ءبىراق بۇقاراعا بولعان جاردەمى شامالى. نەگىزگى سەبەبى ەمدەۋ - دەنساۋلىق ساقتاۋداعى قىزمەت وتەۋ ءتۇزىلىسى دۇرىس جونگە سالىنباعان، اسىرەسە ۇكىمەت مەڭگەرۋىندەگى ەمحانالاردىڭ رەفورما اياق الىسى باياۋ.

　　قامداۋ جاعىنداعى قۇرىلىمدىق رەفورمانى كۇشەيتۋ كەرەك، ەمدەۋ سالاسىنىڭ رەفورماسى جونىنەن الىپ ايتقاندا، 20 نەشە مىڭ ەمحانا عانا «اۋرۋلارعا وپەراتسيا» جاساي الادى. ۇكىمەت مەڭگەرۋىندەگى ەمحانا مەن حالىق باسقارۋىنداعى ەمحانانى ايىرىم – ايىرىم قۇرىپ، ايشىقتاۋ كەرەك. وسىلاي بولعاندا جۇرتشىلىقتىڭ قاجەتى شەشىمىن تابادى.

　　جوسپارلى شارۋاشىلىق تۇسىنداعى شارالار ارقىلى كىشكەنە بالكۇلشەنى ءبولىپ ۇلەستىرۋدىڭ قاجەتى شامالى، بالكۇلشەنى ۇلكەن جاساۋىمىز كەرەك، سوندا عانا ماسەلە تۇبىرىنەن شەشىلەدى. ۇكىمەتتىڭ ىستەۋگە ءتيىستى ءىسى بۇقاراعا نەگىزدىك ەمدەۋ - دەنساۋلىق ساقتاۋ جاعىندا قىزمەت وتەپ، قوعامىنىڭ ءادىل دە تۋراشىل بولۋىنا كەپىلدىك ەتۋ. سونىمەن قاتار، كوپ تۇلعالانعان، جوعارى ورەدەگى قىزمەت وتەۋدى اشىق بازارعا سالۋ كەرەك، قوعامداعى قارجىنى، ءتىپتى شەتەل قارجىسىن بازارعا تۇسىرۋگە جول بەرۋ كەرەك.

　　ەمدەلۋى قيىن، ەمدەلۋ باعاسى قىمبات بولۋداي ماسەلەنى تۇبىرىنەن شەشۋ ءۇشىن تەك دامۋعا سۇيەنۋگە تۋرا كەلەدى. ءبىرىنشى، ءسوزسىز تۇردە جاراسىمدى، ءادىل، باسەكەلى، اسىرەسە ەمدەۋ - دەنساۋلىق ساقتاۋدا باسەكەلى قىزمەت وتەۋ ورتاسى بولۋى كەرەك. ەكىنشى، ءمورالدى، ورەلى، تەحنيكاسى جەتتىك ەمدەۋ -دەنساۋلىق ساقتاۋ قوسىنى بولۋى كەرەك. بۇل ەكەۋىنىڭ بىرەۋى كەم بولسا، ەمدەۋ سالاسىنداعى رەفورمانىڭ ءساتتى بولۋى قيىنعا سوعادى.

　　كەلۋ قاينارى: حالىق تورابى