ستۋدەنت توراپتان 3 مىڭ يۋان قارىز اقشا الدى، جاڭا قارىزبەن كونە قارىزدى قايتارىپ، ەڭ سوڭىندا 100 مىڭ يۋان قارىزعا بۋىلدى
«قارىز اقشا قۇرىقتايتىن» 15 قىلمىس كۇماندىسى قولعا الىندى
«حالىق گازەتى» ءتىلشىسى لي جيان
2018.07.16 16:13 كەلۋ قاينارى : حالىق تورابى
«مەكتەپ قارىز اقشاسى» «كەپىلسىز الىم – بەرىمنەن» كەيىن «قارىز اقشامەن قۇرىقتاۋ» ستۋدەنتتەرگە اۋىز سالدى. جاسامپازدىق جاراتۋ ماقساتىمەن 3 مىڭ يۋان قارىز اقشا العان چۇڭچۇڭ ۋنيۆەرسيتەتىنىڭ 3 – جىلدىق ستۋدەنتى شياۋجاڭ (بالاما ەسىم) «قارىز اقشامەن قۇرىقتاۋدىڭ» قۇرىعىنا ءىلىنىپ، ەڭ سوڭىندا 100 مىڭ يۋاندى ارقالاپ شىعا كەلدى. تاياۋدا چۇڭچيڭ قالاسى يۇڭچۋان رايوندىق حالىق پروكۋراتۋرا مەكەمەسى قاقتى – سوقتى قىلۋ قىلمىسىمەن وسى قالانىڭ «قارىز اقشامەن قۇرىقتاۋ» تۇڭعىش دەلوسىنداعى 15 قىلمىس كۇماندىسىن قولعا الدى.
وتكەن جىلى جەلتوقسان. جاسامپازدىق جاراتپاق بولعان شياۋجاڭ قىسقا ءجىپ كۇرمەۋگە كەلمەي قيناۋعا تۇسەدى. سونداي كۇندەردىڭ بىرىندە قارىز اقشا بەرۋشىلەردىڭ تەلەفونىن تاپسىرىپ الادى. قارسى جاق ءوزىن «سەنىمدىلىك ينفورماتسيالارىنىڭ قاجەتى جوق، راسمياتى قاراپايىم، اقشا ەسەباتقا تەز جولدانادى» دەگەن سوزدەرمەن بەزبەندەيدى. سىناپ كورمەك بولعان شياۋجاڭ 3 مىڭ يۋان قارىز الىپ، ونى ءبىر ايدىڭ ىشىندە قايتارماق بولىپ كەلىسەدى. توقتامعا قول قويىپ بولعان سوڭ، قارسى جاق «اپتالىق ءوسىمى ٪30 جانە راسميات اقىسى 100 يۋان» دەگەن سىلتاۋمەن 1000 يۋانىن ۇستاپ، شياۋجاڭنىڭ قولىنا 2 مىڭ يۋاندى ۇستاتادى. 4 كۇننەن كەيىن شياۋجاڭنىڭ قارىزعا العان 3 مىڭ يۋاندى قايتارىپ بەرۋىن تالاپ ەتىپ، ءسوز قىستىرا «ۋاعىندا قايتارماساڭ، ساباقتاس – دوستارىڭنىڭ مازاسىن الامىز» دەسەدى ءارى اقشا بولماسا باسقا قارىز اقشا بەرۋ سەرىكتىكتەرىنەن اقشا الىپ تولىقتاۋدى تاپسىرادى. سونىمەن شياۋجاڭ ىلگەرىندى – كەيىندى قارىز اقشا بەرەتىن 13 سەرىكتىكتى ىزدەپ، «جاڭا قارىزبەن كونە قارىزدى جاۋىپ»، نەشە ون رەت قارىز اقشا الىپ، ەڭ سوڭىندا 100 مىڭ يۋاننان ارتىق قارىز ارقالاپ شىعا كەلەدى. وسىدان كەيىن قارىز اقشا بەرۋ سەرىكتىكتەرى اقشا سۇراۋ ادىستەرىن ءۇرتىس جوعارىلاتىپ، ۇنامسىز ينفورماتسيالاردى جولداي باستايدى ءارى تەلەفون بەرىپ شياۋجاڭنىڭ اعايىن – دوستارىنىڭ قۇتىن قاشىرادى، شياۋجاڭ دەلو مالىمدەپ ساقشىنىڭ كومەگىن قابىلدايدى.
دەلو مالىمدەلگەن سوڭ قوعام حاۋىپسىزدىگى ورگاندارى تەكسەرە باستايدى ءارى پروكۋراتۋرا ورگاندارىنىڭ الدىن الا ارالاسۋىن وتىنەدى. دەلو ىستەۋشى پروكۋروردىڭ تانىستىرۋىنشا، قىلمىستى توپ فينانس عىلىم – تەحنيكاسى سەرىكتىكتەرىنىڭ اتىن جامىلىپ قارىز اقشا تاراتادى ەكەن، اۋەلى «سەنىمدىلىك ينفورماتسيالارىنىڭ قاجەتى جوق، راسمياتى قاراپايىم، اقشا ەسەباتقا تەز جولدانادى» دەگەن سوزدەرمەن وزدەرىن بەزبەندەپ، تۇرلىشە توراپ قارىز اقشاسى، ميكرو قارىز اقشا تەكشەسى، سونداي – اق، مەكتەپتەرگە جاپسىرىلاتىن ۇگىت ماتەريالى، قوسىمشا توپ تاراتىلاتىن قۇلاقتاندىرۋلاردان پايدالانعان. جوعارى مەكتەپتەرگە تاراتىلاتىن «قارىز اقشامەن قۇرىقتاۋدى» قولدانىپ، ستۋدەنتتەردىڭ «ارمانى بار دارمەنى جوق، اتاق – ابرويدى قاستەرلەيتىن نەمەسە <قارىز قايتاراتىن قۋاتى> وتباسىلاردىڭ پەرزەنتى» سىندى ەرەكشەلىكتەرىن كوزدە ۇستاعان ەكەن.
پروكۋرور مەكتەپتەردەگى «قارىز اقشامەن قۇرىقتاۋدىڭ» بەس ءتۇرلى ەرەكشەلىگى بار ەكەنىن قورىتىندىلاعان: ءبىرىنشى، الىم – بەرىم ولشەمىن تومەندەتۋ. «سەنىمدىلىككە قاراماۋ، تەز بەكىتۋ، تەز بەرۋمەن» شىرعالاپ، شۇعىل اقشا قاجەت ەتىپ وتىرعان ستۋدەنتتەردى باۋراعان؛ ەكىنشى، قارىز اقشانى قولىنا ەپتىلىكپەن ۇستاتىپ، ءوسىمىن تاباندا ۇستاپ قالۋ. بۇندا الدانعان قارىز اقشا الۋشىنى ايتىلمىش «رەسمي» توقتامعا قول قويعىزىپ، حالىقتىق جالعان الىم – بەرىم بەينەسىن جاراتىپ، ىزىنشە ءوسىمى، راسميات اقىسى سىلتاۋىمەن تۇرلىشە اقشالاردى ۇستاپ قالىپ، ناقتى بەرگەن اقشانى توقتامداعى سومادان كەم تاراتادى؛ ءۇشىنشى، توقتامدى الباتى بۇزىپ، اقشانى تاباندا قايتارۋدى تالاپ ەتۋ. قارىز اقشا بەرۋ سەرىكتىكتەرى توقتامدى ءوز بەتىنشە بۇزىپ، قارىز اقشا الۋشىدان اقشانى تاباندا قايتارۋدى تالاپ ەتىپ، ولاردى تىعىرىققا تىرەيدى، قارىز اقشا الۋشىلاردى باسقا سەرىكتىكتەردەن قارىز اقشا الۋعا يتەرمەلەپ، قارىز قۇيىنا باتىرا بەرەدى؛ ءتورتىنشى، اقشا قايتارۋ مەرزىمىن ادەيى وتكىزىپ جىبەرۋ شىرعاسىن جاساۋ. قارىز اقشا قايتارۋ ۋاقىتى تاياعاندا، قارىز اقشا بەرۋ سەرىكتىكتەرى قارىز الۋشىعا ادەيى ەسكەرتۋ بەرمەي نەمەسە تەلەفوندا كىنارات تۋىلدى، جۇيەنى قورعاپ جاتىرمىز دەگەن سىلتاۋلارمەن قارىز اقشانى ۋاعىندا قايتارۋدى كەشىكتىرىپ، ارتىنان توقتامعا قيعاشتىق جاسالدى دەگەن جەلەۋمەن جوعارى سومالى اقشا الادى، راسميات اقىسىن تالاپ ەتەدى؛ بەسىنشى، جۇمساق – قاتتى تاسىلدەردى پايدالانىپ قارىز اقشانى قۋارلاۋ. ايتالىق كەمسىتۋ، ياناتتاۋ مازمۇنىنداعى ينفورماتسيالاردى توپقا جولداۋ ارقىلى قاقتى – سوقتى قىلۋ ماقساتىنا جەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
