ۇرۋ، قيراتۋ، بۇلاۋ، ورتەۋ ۋاقيعاسىنىڭ  زاردابى اۋىر بولدى

ۇرىمجىدە، شىلدە ايى جەمىس-جيدەكتىڭ ءيىسى اڭقىپ، سەرۋەندەۋشىلەرگە تولاتىن كورىكتى كەزەڭ. الايدا، 5-شىلدەدەگى قۇتىرىنا قانقۇيلىلىق ىستەگەن ۇرۋ، قيراتۋ، بۇلاۋ، ورتەۋ اۋىر زورلىقتى كۇش قىلمىستىق ۋاقيعاسى، كوزدى اشىپ جۇمعانشا بۇل ارانىڭ جىلۋى مەن مەيىرىن بىت-شىت ەتتى. سول كۇنى كەشتە، قانقۇيلى زاڭسىز ەلەمەنتتەر حالىق الاڭى، ازاتتىق جولى، ىنتىماق جولى، يان-ان جولى، شينحۋا وڭتۇستىك جولى، جينين جولى، سىرتقى اينالما جول، حالىقارالىق ساۋدا بازارى سياقتى كوپتەگەن جەرلەردە، ەر-ايەل، كارى-جاسىنا قاراماستان، بەيكۇنا جۇرتشىلىققا زالال جەتكىزىپ، ساۋدا بازارلارىندا، دۇكەندەردە،الەۋمەتتىك اۆتوبوستاردا ۇرۋ، قيراتۋ، بۇلاۋ، ورتەۋ جۇرگىزىپ، قالا قۇرىلىسى، ەلەكتر قۋاتى، قاتىناس قاتارلى الەۋمەتتىك قۇرىلعىلار اۋىر دارەجەدە قيراتىلدى.

19-شىلدەگە دەيىن، "5-شىلدە" ۋاقيعاسىندا 197 ادام قازا بولىپ، 1700 دەن استام ادام جارالاندى، 881 ادام قازىرگە دەيىن شيپاحانادا داۋالانۋدا، مۇنىڭ ىشىندە 179 ادام اۋىر جارالانعان، 66 ادام حال ۇستىندە جاتىر.

ساناققا قاراعاندا، "5-شىلدە" ۋاقيعاسىندا، 719 ۇيگە زاقىم جەتكەن، جيىنى 21 مىڭ 353 شارشى مەتر، مۇنىڭ ىشىندە زاقىم جەتكەن دۇكەن 331، ورتەلگەن ءۇي 29، 13 مىڭ 769 شارشى مەتر؛ 1325  ماشينا قيراتىلعان نەمەسە ورتەلگەن.

جارالانعان جۇرتشىلىق اۆتونوميالى رايوندىق جۇڭگوشا ەمدەۋ شيپاحاناسىنىڭ شۇعىل قۇتقارۋ ورتالىعىنا جەتكىزىلدى.

  10-شىلدە، شينجياڭ شيپاگەرلىك ۋنيۆەرسيتەتىنىڭ قاراماعىنداعى شيپاحانا "مەيىرلى پەرىشتە" ەرىكتى كۇتۋشىلەر اترەتىن ۇيىمداستىردى ،ولار "5-شىلدە" ۋاقيعاسىندا جارالانعانداردى كوڭىل كۇي جاقتان سەرگۋگە  جەتەلەۋدە

  اۋىر جارالانىپ، ەسسىن بىلمەي قالعان جارالى، بيڭتۋان شيپاحاناسىنىڭ اۋىر ناۋقاستاردى كۇتۋ بولمەسىندە ەمدەلۋدە.

9-شىلدە، ءۇرىمجى قالالىق 4-حالىق شيپاحاناسىنىڭ پسيحيكا مامانى انا-بالا دەنساۋلىعىن قورعاۋ شيپاحاناسىندا ىستەيتىن، "5-شىلدە" ۋاقيعاسىندا شوشىنعان شيپاگەرلەر مەن سەسترالارعا پسيحيكالىق ەمدەۋ جۇرگىزدى.

  15-شىلدە، ءۇرىمجى قالالىق ازاتتىق ارميا 23-شيپاحاناسىندا ەمدەلگەن مان سايلۇي ساۋىعىپ  شىعىپ، دوس-جاران، تۋىس-تۋعاندارىنا تەلەفون سوعۋدا

  12-شىلدە، تارباعاتاي ايماعىنداعى 21 مەيىرلى انا "5-شىلدە" ۋاقيعاسىندا زيانكەستىككە  ۇشىراعاندارعا 2000 يۋان جىلۋ اتادى.

  14-شىلدە، 70 جاستاعى ۇيعۇر قارت ۋاليس جانە ونىڭ جۇبايى، قىزى ءبىر ءۇيلى جان، شينجياڭ قايىرىمدىلىق باس قوعامىنا بارىپ، 1000 يۋان جىلۋ اتادى

  14-شىلدە، شينجياڭ حۋاليڭ توبى مەن حۋاليڭ بازارىنداعى ساۋداگەرلەر "5-شىلدە" ۋاقيعاسىندا بەيكۇنا زياندالۋشىلارعا 1 ميلليون 300 مىڭ يۋان جىلۋ اتادى.

  9-شىلدە، ءۇرىمجى قالاسى حوتان كوشەسى قاتىناس الەۋمەتتىك وڭىرىندەگى ۇيعۇر الىم (سولدا)، ىليار (ورتادا) جانە تۇرعىن (وڭدا) اعايىندى ۇشەۋى ءجيىنى 600 ميلليليتر قان بەردى.

جۇرەكتەرى بىرگە سوققان باۋىرلاستار

"ءتاڭىر تاۋدا قارعالداق، تامىرلارى جالعاسقان. ءار ۇلت  ۇل-قىزدارىنىڭ،جۇرەكتەرى توعىسقان. " شينجياڭدا كەڭ تارالعان وسى ءبىر ءان تەكسى، شينجياڭداعى ءار ۇلت حالقىنىڭ شىنايى  ىنتىماقتاسقان جۇرەك ءۇنىن وبرازدى بەينەلەگەن.

"5-شىلدە" ۋاقيعاسى تۋىلعاننان كەيىن، ءۇرىمجى قالالىق قان قويماسى شۇعىل جاعداي جاريالادى، ءار ۇلت بۇقاراسى، ءار سالاداعى قايراتكەرلەر شۇعىل اتتانىسقا كەلىپ، قان بەرۋ قوسىنىنا كەلىپ قوسىلدى. ولاردىڭ اراسىندا، قاراپايىم قالا تۇرعىندارى، قارۋلى ساقشى جاۋىنگەرلەرى، جانە ىشكى ولكەلەردەن كەلگەن ساياحاتشىلار دا بار. ولار ىستىق قانى، تەرەڭ سۇيسپەنشىلىگى ارقىلى جارالانعانداردىڭ ءومىرىن قۇتقارىپ، جارالانعانداردىڭ وتباسىنداعىلاردىڭ كوڭىلىن اۋلادى.

بۇكىل مەملەكەتتىڭ جەر-جەرىندەگىلەر، شينجياڭداعى ءار قايسى ورىندار، ءار ۇلت، ءار سالاداعى كادرلار مەن بۇقارا "5-شىلدە" ۋاقيعاسىندا جارالانعاندارعا بەلسەندىلىكپەن كومەك قولىن ۇسىنىپ، اقشالاي جانە زاتتاي جىلۋ اتادى.شىن نيەتتەرىمەن جارالانعانداردىڭ دەنساۋلىعىنىڭ تەز ارادا قالپىنا كەلۋىن، ولاردىڭ تەز ارادا باقىتتى تۇرمىسقا قايتا ورالۋىن تىلەدى.

  17-شىلدە، ءۇرىمجى قالاسى دابانچىڭ قالا رايونى اقسۋ اۋىلدىعىنداعى  ەلگە قايتقان 16مۇھاجىر قازاق بىرلىكتە ءۇرىمجى قالاسى قان ورتالىعىنا بارىپ قان بەردى.

  8-شىلدە ساعات 14 مولشەرىندە، نانحۋ قان بەرۋ پۇكىتىنە بارىپ قان بەرگەن قالا تۇرعىندارى ۇزىن قاتاردى قالىپتاستىردى. ۇعىسۋعا قاراعاندا، تاڭەرتەڭگى ساعات 11 دەن تۇستەن كەيىنگى ساعات 17 گە دەيىن، حانزۋ، حۇيزۋ، مۇڭعۇل، قازاق سىندى ءار ۇلت بۇقاراسىنان 160 ادام 45000 ميلليليتر قان بەردى، تاعى دا 70 ادام قان بەرۋگە تىزىمدەلگەن. سۋرەتتە: 5 رەت قان بەرگەن جاڭ حۇي قان بەرۋدە.

  قوعام اماندىعىن قورعاپ، سۇيىسەنشىلىك ورناتتى،توتەنشە مىندەتتى ساقشىلار مەن تۇرعىندار ءبىر ءۇيلى جانداي. 14-شىلدە، حۇڭمياۋزىداعى پيڭديڭشاننىڭ تۇرعىنى ءامينا كۇزەتتەگى توتەنشە مىندەتتى  ساقشىلارعا ءوزى قاقتاعان كاۋاپتان ۇسىندى.

  9-شىلدە، قالا تۇرعىندارى وزدىكتەرىنەن ۇيىمداسىپ، كوشەلەرگە بارىپ، كۇزەتتە تۇرعان قارۋلى ساقشى كوماندير-جاۋىنگەرلەرىنەن حال سۇرادى.

  8-شىلدە، ءۇرىمجى قالالىق حانتاڭىرى مەشىتىنىڭ يمامى ماحمۇت مولدا قاتارلى ءدىن سالاسىنداعى قايراتكەرلەر قارۋلى ساقشى كوماندير-جاۋىنگەرلەردەن حال سۇرادى.

  10-شىلدە، مەملەكەتتىك ارميانى قولداۋدىڭ ۇلگىسى ياحۇپ.قاھار مەن جۇبايى نۇرنيسا.اسەمدىن بىرلىكتە قارۋلى ساقشى كوماندير-جاۋىنگەرلەرىنەن حال سۇرادى.

قارۋلى ساقشى كوماندير-جاۋىنگەرلەرى كۇزەت ارەدىگىندە تۇرعان جەرلەرىندە تازالىق ىستەپ، قورشاۋلاردى جوندەپ، ورتانى كوركەيتتى.

16-شىلدە، ءۇرىمجى قالالىق ازاتتىق وڭتۇستىك جولىندا، قارۋلى ساقشى شينجياڭ اسكەري ءبولىمى حالىقتى ءسۇيۋ، حالىققا كومەكتەسۋ قيمىلىندا، دياگنوز قويىپ،ەمدەۋدى قابىلداعان قاسيەت.ابدىرەيىمنىڭ (سولدا) كوزىنە جاس تولىپ: "كوممۋنيستىك پارتياعا راحمەت، قارۋلى ساقشى كوماندير-جاۋىنگەرلەرىنە راحمەت... " دەدى.

ناقتى، دەر كەزىندە، اشىق، جاريا بولۋ

"5-شىلدە"ۋاقيعاسى تۋىلعاننان كەيىن، اۆتونوميالى رايوندىق حالىق ۇكىمەتى دەر كەزىندە سەنىمدى حابار جاريالاپ، مەملەكەتتىك كەڭەستىڭ اقپارات كەڭسەسى جۇڭگولىق-شەتەلدىك تىلشىلەردىڭ ۋاقيعانىڭ شىنايى جاعدايىن حابارلاۋعا ۇيىمداستىردى، "5-شىلدە" ۋاقيعاسى اقپارات ورتالىعى دەرەۋ قۇرىلىپ، اقپارات دانەكەرلەرىنىڭ تىلشىلىك ىستەۋىنە قىزمەت وتەدى. ءجيىنى 29 مەملەكەت پەن رايوننان كەلگەن 174 اقپارات دانەكەرىنىڭ 486 ءتىلشىسى ناق مايدانعا جەتىپ، تىلشىلىك ىستەدى. مۇنىڭ ىشىندە، 121 شەتەلدىك اقپارات دانەكەرىنىڭ 247 ءتىلشىسى، شياڭگاڭ مەن تايۋاننىڭ 27 اقپارات دانەكەرىنىڭ 64 ءتىلشىسى بار.

حالىقارالىق اڭىس ەلىمىزدىڭ شەتەل اقپارات دانەكەرلەرىنىڭ تىلشىلىك ىستەۋىنە ءتارتىپتى تۇردە رۇحسات بەرگەندىگى، ەڭ الدىمەن سەنىمدى حابارلار جاريالاعانىنا ۇنامدى جاعىنان باعا بەرىپ، بۇل شارا جۇڭگو ورتالىق ۇكىمەتى مەن اۆتونوميالى رايوننىڭ ورنىقتىلىقتى ساقتاۋداعى قابىلەتى مەن ۋاقيعانى ءبىر جاقتىلى ەتۋ سەنىمىن تولىق ايگىلەدى، بۇل حالىقارالىق قوعامنىڭ ۋاقيعانىڭ ناقتى جاعدايىن دەر كەزىندە ۇعىسۋىنا قولايلى بولدى دەپ تانىدى.

       سونىمەن قاتار، ۋاقيعا تۋىلعاننان كەيىن، ەل ىشىندەگى قالىڭ اقپارات قىزمەتكەرلەرى مايداندا بەرىك تۇرىپ، قىزمەتتى تىڭعىلىقتى ىستەپ، پارتيا ورتالىق كوميتەتى مەن اۆتونوميالى رايوندىق پارتكومنىڭ ءۇنىن دەر كەزىندە بۇقاراعا جەتكىزىپ، زور ساياسي جاۋاپكەرشىلىكتى ايگىلەدى؛ ءار قايسى اقپارات دانەكەرلەرىنىڭ ءبىرىنشى شەپتە سىتەپ جاتقان اقپارات قىزمەتكەرلەرى، ومىرلەرىنە تونگەن حاۋىپكە قاراماي، ۋاقيعا تۋىلعان ورىنعا دەر كەزىندە جەتىپ، ۋاقيعانىڭ ناقتى جاعدايىن، ۋاقيعانىڭ اۋقىمىن قالىڭ قاۋىمعا دەر كەزىندە جەتكىزىپ، وسكەلەڭ كاسىپتىك رۋحتى ايگىلەدى.

  6-شىلدە ساعات 12 دەن 30 مينۋت وتكەندە، اۆتونوميالى رايوندىق ۇكىمەت ءبىرىنشى رەتكى اقپارات جاريالاۋ ءماجىلىسىن اشىپ، "5-شىلدە" ۋاقيعاسىنىڭ جاعدايىن مالىمدەدى.

  جۇڭگولىق جانە شەتەلدىك تىلشىلەر "5-شىلدە" ۋاقيعاسى اقپارات ورتالىعىندا قاربالاستىقپەن قىزمەت ىستەۋدە.

  شەتەلدىك ءتىلشى "5-شىلدە" ۋاقيعاسىنىڭ ناق مايدانىندا تىلشىلىك ىستەۋدە.

  10-شىلدە، گەرمانيا ەكىنشى تەلەۆيزياسىنىڭ ءتىلشىسى ءۇرىمجى حالىقارالىق ۇلكەن بازارىنىڭ ماڭايىندا تىلشىلىك ىستەۋدە.

  8-شىلدە، ءۇرىمجى قالاسى اقپارات جاريالاۋ ءماجىلىسىن اشىپ، "5-شىلدە" ۋاقيعاسىن ءبىر جاقتىلى ەتۋ احۋالىن حابارلادى.

  ورتالىق تەلەۆيزياسىنىڭ ءتىلشىسى اقپارات جاريالاۋ ماجىلىسىندە سۇراۋ سۇرادى.

  جۇڭگولىق جانە شەتەلدىك تىلشىلەر اقپارات جاريالاۋ ماجىلىسىندە سۇراۋ سۇرادى.

  7-شىلدە، 160 نەشە جۇڭگولىق جانە شەتەلدىك ءتىلشى حايدى مەيمانحاناسىندا وتكىزىلگەن اقپارات جاريالاۋ ماجىلىسىندە ءسوز سويلەدى.