بۇل ەكى توپتاعى ادامداردىڭ وقۋعا ءتۇسۋ الدىنداعى ءتالىم – تاربيە سالاسىندا قىزمەت ىستەۋىنە تيىم سالىنادى 

وقۋ – اعارتۋ مينيسترلىگى 11 – ايدىڭ 11 – كۇنى اشقان اقپار جاريالاۋ ماجىلىسىندە جۇڭگو زاڭ عىلىمى قوعامى اكىمشىلىك زاڭ عىلىمىن زەرتتەۋ قوعامىنىڭ ورىنباسار باستىعى ۋاڭ جيڭبونىڭ تانىستىرۋىنشا، جاڭادان شىعارىلعان وقۋعا ءتۇسۋ الدىنداعى ءتالىم – تاربيە زاڭىنىڭ 44 – تارماعىندا ەكى ءتۇرلى جاعدايدا وسى سالادا جۇمىسپەن شۇعىلدانۋعا تيىم سالىناتىنى ايقىن بەلگىلەنگەن:

ءبىرىنشى ءتۇرى، جابىرلەۋ، جىنىستىق سۇعاناقتىق جاساۋ، جىنىستىق مازالاۋ، الداپ ساتۋ، زورلىق – زومبىلىقپەن زيان جەتكىزۋ، ەسىرتكى شەگۋ، قۇمار ويناۋ قاتارلى قىلمىستىق ارەكەتتەرمەن شۇعىلدانعانى ەستەلىككە الىنعاندار؛

ەكىنشى ءتۇرى، ماسكۇنەمدىككە سالىنۋ، وقىتۋشى ءمورالى مەن ستيلىنە اۋىر دارەجەدە قايشى كەلەتىن ارەكەت ىستەۋ قاتارلى بالالاردىڭ دەنساۋلىق حاۋىپسىزدىگىنە قاتەر ءتوندىرۋى مۇمكىن جاعدايلار.

مۇنان سىرت، 80 – تارماعىندا بالالار باقشاسىنداعى وقىتۋشىلار مەن جۇمىسشى – قىزمەتكەرلەردىڭ بالالارعا ءتان جازاسىن نەمەسە وزگەرگەن تۇردەگى ءتان جازاسىن قولدانۋ، بالالاردى كەمىستۋ، قورلاۋ قاتارلى ارەكەتتەرى ىستەۋىنە باعىتتاي وتىرىپ، زاڭدىق جاۋاپكەرشىلىكتى بەلگىلەپ، بالالار باقشاسى مەن قاتىستى تاراۋلاردان زاڭ بويىنشا سيپاتىنىڭ اۋىر – جەڭىلدىگىنە قاراي قاتىستى ءبىرجاقتى ەتۋ شارالارىن اتقارۋدى تالاپ ەتكەن.

بالالار باقشالارى نەمەسە وقۋ – اعارتۋ تاراۋلارى بالالار باقشاسىنىڭ وقىتۋشىلارى مەن جۇمىسشى – قىزمەتكەرلەرىنىڭ بەلگىلەمەگە قايشى قىلمىس وتكىزگەنىن بايقاسا، سيپاتىنىڭ اۋىر – جەڭىلدىگىنە قاراي وتىرىپ، وقىتۋشىلار زاڭى، ءىسورىندارداعى كادرلاردى باسقارۋ ەرەجەسى، ءىسورىندارداعى قىزمەتكەرلەردى جازالاۋ جونىندەگى بەلگىلەمە، وقىتۋشىلىق ءمورالعا جات ارەكەتتەردى ءبىرجاقتى ەتۋ ءادىسى، سونداي – اق، قاراستى بالالار باقشاسىنىڭ قاتىستى ەرەجە – ءتۇزىمى قاتارلىلارداعى بەلگىلەمەلەرمەن ۇشتاستىرا وتىرىپ، زاڭ – تۇزىمگە ساي ءبىرجاقتى ەتۋى كەرەك. سيپاتى جەڭىل بولعان كەزدە، سىن ايتۋعا، ءتالىم – تاربيە بەرۋگە بولادى؛ زاڭدا بەلگىلەنگەن، وسى سالامەن شۇعىلدانۋعا تيىم سالىنعان جاعداي بايقالسا، وقىتۋشىلار قوسىنىنان باتىل تۇردە الاستاۋ كەرەك. (باس ستانسيا ورتالىق تەلەۆيزيا ءتىلشىسى گاۋ چىنيۋان، ليۋ سۋ، ۋ ۋىنچيان، گاۋ لەي)

كەلۋ قاينارى: حالىق تورابى