شي جينپيڭ ”دۇنيە ءجۇزىنىڭ وڭتۇستىگى“ اقپارات قۇرالدارى، اقىل - پاراسات قويماسى جوعارى دارەجەلى تالقى مىنبەرىنە قۇتتىقتاۋ حاتىن جولدادى

شينحۋا اگەنتتىگى، 11 - ايدىڭ 11 - كۇنى، بەيجيڭ. 11 - ايدىڭ 11 - كۇنى مەملەكەت ءتوراعاسى شي جينپيڭ ”دۇنيە ءجۇزىنىڭ وڭتۇستىگى“ اقپارات قۇرالدارى، اقىل - پاراسات قويماسى جوعارى دارەجەلى تالقى مىنبەرىنە قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: قازىر دۇنيە ءجۇزىنىڭ وڭتۇستىگى تىڭ ەكپىنمەن الۋەتتەنىپ، ادامزاتتىڭ العا باسۋ ىستەرىندە بارعان سايىن ماڭىزدى رول اتقارۋدا. جۇڭگو − باستان - اياق دۇنيە ءجۇزى وڭتۇستىگىنىڭ ءبىر مۇشەسى، ماڭگى وركەندەپ كەلە جاتقان ەلدەردىڭ قاتارىندا بولادى، دۇنيە ءجۇزىنىڭ وڭتۇستىگىندەگى قالىڭ ەلمەن بىرگە ناعىز كوپ جاقتىلىقتى امالياتتا ايگىلەپ، دۇنيە ءجۇزىنىڭ بارابار، ءتارتىپتى كوپ ۇيەكتەنۋىن، ەكونوميكانىڭ سيىسىمدى جاھاندانۋىن دارىپتەپ، ادامزاتتىڭ تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتۋدى قالايدى.

شي جينپيڭ بىلاي دەپ باسا دارىپتەدى: دۇنيە جۇزىندەگى 100 جىلدىق وزگەرىس جاعدايىندا وسىزامانداندىرۋ ارمانىنا قۇلاش سەرمەپ، حالىقارالىق ءتارتىپتىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋ − دۇنيە ءجۇزىنىڭ وڭتۇستىگىندەگى ەلدەر ارقالاعان قاسيەتتى تاريحي بورىش، سونداي - اق دۇنيە ءجۇزىنىڭ وڭتۇستىگى اقپارات قۇرالدارى، اقىل - پاراسات قويماسى ءدوپ كەلگەن ورتاق داۋىرلىك تاقىرىپ. ماجىلىسكە قاتىناسقان سيلى قوناقتاردىڭ ىشكەرىلەي تالقى جۇرگىزىپ، ورتاق تانىم ۇيىستىرىپ، ”وڭتۇستىك ءۇنىن“ بىرگە اسقاقتاتىپ، ”وڭتۇستىك جاۋاپكەرشىلىگىن“ ايگىلەپ، دۇنيە ءجۇزىنىڭ وڭتۇستىگىنىڭ بەيبىتشىلىكتى قورعايتىن ورنىقتىلىق كۇشىنە، اشىق دامۋدىڭ تىرەكتى كۇشىنە، عالامدىق باسقارۋدىڭ قۇرۋشى كۇشىنە، وركەنيەتتەن ءوزارا ۇلگى الۋدىڭ جەبەۋشى كۇشىنە اينالۋىن ىلگەرىلەتۋگە اقىل - پاراساتتارىن ارناۋىن ءۇمىت ەتەمىن.

”دۇنيە ءجۇزىنىڭ وڭتۇستىگى“ اقپارات قۇرالدارى، اقىل - پاراسات قويماسى جوعارى دارەجەلى تالقى مىنبەرى وسى كۇنى برازيليانىڭ سان - پاۋلو قالاسىندا اشىلدى. تالقى مىنبەرىن شينحۋا اگەنتتىگى مەن برازيليا حابارلاسۋ سەرىكتەستىگى بىرلەسىپ وتكىزدى، نەگىزگى تاقىرىبى: ”دۇنيە ءجۇزى وڭتۇستىگىنىڭ نەگىزگى اۋەنىن اسقاقتاتا شىرقاپ، دامۋدىڭ، گۇلدەنۋدىڭ جاڭا ساپارىن باستايىق“ بولدى. وسى كۇنى برازيليانىڭ زۇڭتۇڭى لۋلا دا تالقى مىنبەرىنە قۇتتىقتاۋ حاتىن جولدادى.

كەلۋ قاينارى: حالىق تورابى