جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى «جىلجىمالى پارتيا مۇشەلەرىن باسقارۋ قىزمەتىن اناعۇرلىم كۇشەيتۋ جانە جاقسارتۋ جونىندەگى پىكىردى» باسىپ تاراتتى

شينحۋا اگەنتتىگى، 11 – ايدىڭ 11 - كۇنى، بەيجيڭ. تاياۋدا جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى «جىلجىمالى پارتيا مۇشەلەرىن باسقارۋ قىزمەتىن اناعۇرلىم كۇشەيتۋ جانە جاقسارتۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتىپ، جاڭا داۋىردەگى جىلجىمالى پارتيا مۇشەلەرىن باسقارۋ قىزمەتىن ويداعىداي ىستەۋ جونىندە ورنالاستىرۋ جاسادى.

«پىكىر» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى، پارتيا ۋستاۆىن جانە پارتيا ىشىندەگى قاتىستى زاڭ - ەرەجەلەردى نەگىز ەتىپ، پارتيا ورتالىق كوميتەتىنىڭ جىلجىمالى پارتيا مۇشەلەرىن باسقارۋ قىزمەتى جونىندەگى ماڭىزدى ورنالاستىرۋىن جاپپاي دايەكتىلەندىرىپ، ماسەلەنى نىشان ەتۋ مەن نىسانانى نىشان ەتۋدىڭ بىرلىگىنە تاباندى بولىپ، جۇيە كوزقاراسىنا، شىندىققا جۇگىنىپ، ناقتى ءىس ىستەۋگە، رەفورما جاساپ، جاڭالىق اشۋعا تاباندى بولىپ، دالمە - ءدال، ءونىمدى، قامقورلىقپەن قىزمەت وتەۋدى جىلجىمالى پارتيا مۇشەلەرىن باسقارۋدىڭ تۇتاس بارىسىندا، ءار جاعىندا بەينەلەپ، جىلجىمالى پارتيا مۇشەلەرىن دەر كەزىندە بارعان جەرىندەگى (ورىن) نەگىزگى ساتى پارتيا ۇيىمدارىنا ەنگىزۋ، نەگىزگى ساتى پارتيا ۇيىمدارىن باسقارۋ جاۋاپكەرشىلىگى مەن جىلجىمالى پارتيا مۇشەلەرىنىڭ جاۋاپكەرشىلىك تالابىن تياناقتاندىرۋ، جىلجىمالى پارتيا مۇشەلەرىن كۇندەلىكتى تاربيەلەۋدى، باسقارۋدى شىنايى يگەرۋ، جىلجىمالى پارتيا مۇشەلەرىنىڭ پارتيا ۇيىمى قۇرىلىسىن كۇشەيتۋ، ۇيىمدىق باسشىلىقتى كۇشەيتۋ سياقتى 5 جاقتان جىلجىمالى پارتيا مۇشەلەرىن باسقارۋ قىزمەتىن ونان ارى كۇشەيتۋدىڭ مىندەت، شارالارى مەن ناقتى تالاپتارىن العا قويدى.

«پىكىردە» مىنالار باسا دارىپتەلدى: ءار دارەجەلى پارتكومدار، اسىرەسە، اۋدان دارەجەلى پارتكومدار جىلجىمالى پارتيا مۇشەلەرىن باسقارۋ قىزمەتىن كۇشەيتۋ مەن جاقسارتۋدى پارتيا قۇرىلىسىنىڭ ماڭىزدى مىندەتى جانە ۇنەمىلىك قىزمەتى ەتىپ، ونى نەگىزگى ساتى پارتيا قۇرىلىسى قىزمەتى جاۋاپكەرلىك تۇزىمىنە ەنگىزىپ، باسشىلىق پەن جەتەكشىلىكتى كۇشەيتۋى؛ ءار دارەجەلى پارتكومداردىڭ ۇيىمداستىرۋ تاراۋلارى ناقتى جەتەكشىلىكتى كۇشەيتىپ، پارتكومنىڭ قوعامدىق قىزمەت تاراۋلارىمەن جانە قوعام حاۋىپسىزدىگى، ادام كۇشى بايلىعى جانە قوعامدىق قامتاماسىزداندىرۋ سياقتى تاراۋلارمەن بىرگە جىلجىمالى پارتيا مۇشەلەرىن باسقارۋ قىزمەتىن مەرزىم بويىنشا حابارلاندىرىپ جانە اقىلداسىپ، جىلجىمالى پارتيا مۇشەلەرىن باسقارۋ ينفورماتسياسىنان ورتاق يگىلىكتەنۋدى، قىزمەتتى بىرگە يگەرۋدى جەبەۋى كەرەك.

كەلۋ قاينارى: حالىق تورابى