دۇنيە ءجۇزى بويىنشا ءبىرىنشى! ەلىمىزدىڭ جاڭا ەنەرگيالى اۆتوموبيل ءوندىرىسىنىڭ جىلدىق ءونىم مولشەرى تۇڭعىش رەت 10 ميلليون اۆتوموبيلدەن استى 

ءتىلشىنىڭ جۇڭگو اۆتوموبيل ونەركاسىبى بىرلەستىگىنەن ۇعىسۋىنشا، 11 – ايدىڭ 14 – كۇنى تۇستەن بۇرىن، ەلىمىزدىڭ جاڭا ەنەرگيالى اۆتوموبيل ءوندىرىسىنىڭ ءونىم مولشەرى تۇڭعىش رەت 10 ميلليون اۆتوموبيلدەن اسقان، سونىمەن بىرگە، جاڭا ەنەرگيالى اۆتوموبيل ءوندىرىسىنىڭ جىلدىق ءونىم مولشەرى دۇنيە ءجۇزى بويىنشا العاش رەت 10 ميلليون اۆتوموبيلدەن اسقان مەملەكەت بولدى.

ساناققا قاراعاندا، جۇڭگونىڭ جاڭا ەنەرگيالى اۆتوموبيلىنىڭ ساتىلىم مولشەرى 2013 - جىلى تۇڭعىش رەت ساناق جۇيەسىنە ەنگىزىلگەن، سول جىلى تەك 18 مىڭ اۆتوموبيل وندىرىلگەن. 2018 – جىلعا كەلگەندە، جىلدىق ءونىم مولشەرى ميلليون اۆتوموبيلدىك دەڭگەيگە جەتكەن، 2022 – جىلعا كەلگەندە، جىلدىق ءونىم مولشەرى بەس ميلليون اۆتوموبيلدەن اسقان، بۇگىنگى تاڭدا، تۇڭعىش رەت 10 ميلليون اۆتوموبيلدىك كەزەڭنەن استى، جىل سوڭىنا ءالى دە ءبىر جارىم اي ۋاقىت قالعان ساتتە، بىلتىرعى تۇتاس جىلداعى توعىز ميلليون 587 مىڭ اۆتوموبيلمەن سالىستىرعاندا ءونىم مولشەرى %4.3 ارتقان. مامانداردىڭ مەجەلەۋىنشە، بۇل ساننىڭ جىل سوڭىنان بۇرىن 12 ميلليوننان اسۋىنان ءۇمىت زور. (باس ستانسيا ورتالىق تەلەۆيزيا ءتىلشىسى ۋاڭ يان، جۋ جياڭ، لو حۇڭجين، جاڭ سۇڭجيڭ)

كەلۋ قاينارى: حالىق تورابى