شي جينپيڭ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 31 - رەتكى بەيرەسمي ماجىلىسىنە قاتىناستى ءارى ماڭىزدى ءسوز سويلەدى

سول جەر ۋاقىتى 11 - ايدىڭ 16 - كۇنى تۇستەن بۇرىن ازيا ـ تىنىق مۇحيت ەكونوميكالىق سەلبەستىك ۇيىمى باسشىلارىنىڭ 31 ـ رەتكى بەيرەسمي ءماجىلىسى پەرۋ ليما ءماجىلىس ورتالىعىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى ءارى «ءداۋىر جاۋاپكەرشىلىگىن بىرگە ارقالاپ، ازيا - تىنىق مۇحيت ءوڭىرىنىڭ دامۋىن بىرگە جەبەيىك» دەگەن تاقىرىپتا ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

سول جەر ۋاقىتى 11 - ايدىڭ 16 - كۇنى تۇستەن بۇرىن ازيا ـ تىنىق مۇحيت ەكونوميكالىق سەلبەستىك ۇيىمى باسشىلارىنىڭ 31 ـ رەتكى بەيرەسمي ءماجىلىسى پەرۋ ليما ءماجىلىس ورتالىعىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى ءارى «ءداۋىر جاۋاپكەرشىلىگىن بىرگە ارقالاپ، ازيا - تىنىق مۇحيت ءوڭىرىنىڭ دامۋىن بىرگە جەبەيىك» دەگەن تاقىرىپتا ماڭىزدى ءسوز سويلەدى. سۋرەتتە: شي جينپيڭ ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەكونوميكالىق تۇلعالاردىڭ باسقا دا باسشىلارىمەن، ۋاكىلدەرىمەن بىرگە سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

«حالىق گازەتى»، 11 - ايدىڭ 16 - كۇنى، ليما (تىلشىلەر لي جيانگۋاڭ، ۋاڭ دي) سول جەر ۋاقىتى 11 - ايدىڭ 16 - كۇنى تۇستەن بۇرىن ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 31 - رەتكى بەيرەسمي ءماجىلىسى پەرۋ ليما ءماجىلىس ورتالىعىندا وتكىزىلدى. مەملەكەت ءتوراعاسى شي جينپيڭ ماجىلىسكە قاتىناستى ءارى «ءداۋىر جاۋاپكەرشىلىگىن بىرگە ارقالاپ، ازيا - تىنىق مۇحيت ءوڭىرىنىڭ دامۋىن بىرگە جەبەيىك» دەگەن تاقىرىپتا ماڭىزدى ءسوز سويلەدى. (تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

شي جينپيڭ ءماجىلىس زالىنا كەلگەندە، بولۋارت زۇڭتۇڭنىڭ قىزۋ قارسى الۋىنا بولەندى.

شي جينپيڭ سوزىندە بىلاي دەپ اتاپ كورسەتتى: نەشە ون جىلدان بەرى ازيا ـ تىنىق مۇحيت ەكونوميكالىق سەلبەستىك ۇيىمى ازيا ـ تىنىق مۇحيت ءوڭىرىنىڭ قاۋىرت دامۋىن، قاۋىرت گۇلدەنۋىن، قاۋىرت توعىسۋىن جەبەپ، ازيا ـ تىنىق مۇحيت ءوڭىرىنىڭ دۇنيە ءجۇزى ەكونوميكاسىنىڭ ەڭ ومىرشەڭدىك كۇشكە يە بولەگىنە جانە نەگىزگى ارتۋ قوزعالتقىشىنا اينالۋىنا دەم بەردى. قازىر دۇنيە ءجۇزىنىڭ 100 جىلدىق وزگەرىس جاعدايى جەدەل قۇبىلىپ، ازيا ـ تىنىق مۇحيت ءوڭىرىنىڭ سەلبەستىگى دە وڭىرلىك ساياسي، سىڭار جاقتىلىق جانە قورعانىمپازدىقتىڭ جوعارىلاۋى سياقتى سىن ـ سايىسقا ءدوپ كەلىپ وتىر. تاريحتىڭ جول ايرىعىندا تۇرعان ساتتە ازيا ـ تىنىق مۇحيت وڭىرىندەگى ءار ەل ىنتىماقتاسا سەلبەسىپ، جاۋاپكەرشىلىكتى باتىلدىقپەن ارقالاپ، ازيا ـ تىنىق مۇحيت تاعدىرلاس ورتاق تۇلعاسىن قۇرۋدى ىلگەرىلەتىپ، ازيا ـ تىنىق مۇحيتءوڭىرى دامۋىنىڭ جاڭا ءداۋىرىن قۇلشىنا اشۋى كەرەك.

شي جينپيڭ مىناداي 3 ءتۇرلى ۇسىنىستى ورتاعا قويدى:

ءبىرىنشى، ازيا ـ تىنىق مۇحيت ءوڭىرىنىڭ اشىق، توعىسقان سەلبەستىك جاعدايىن قالىپتاستىرۋ. كوپ جاقتىلىق پەن اشىق ەكونوميكانىڭ جالپى بەتالىسىنا تاباندى بولىپ، دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن باتىل قورعاپ، وڭىرلىك ەكونوميكانىڭ ءبىر تۇلعالانۋى مەن ۇلاسۋ - تۇتاسۋىن كۇش سالا ىلگەرىلەتىپ، كاسىپ تىزبەگى مەن قامداۋ تىزبەگىنىڭ ورنىقتى، ىركىلىسسىز بولۋىن قورعاۋ كەرەك. بۇگىن ءبىز ازيا ـ تىنىق مۇحيت ەركىن ساۋدا رايونى قۇرىلىسىنىڭ جاڭا جەتەكشى قۇجاتى ارقىلى ازيا ـ تىنىق مۇحيت ءوڭىرىنىڭ اشىق ەكونوميكاسىنىڭ دامۋىن ىلگەرىلەتۋگە تىڭ قوزعاۋشى كۇش قوساتىندىعىمىزعا سەنەمىز. جۇڭگو ەسىك اشۋ ارقىلى رەفورمانى جەبەۋگە تاباندى بولىپ، حالىقارالىق جوعارى ولشەمدى ەكونوميكا ـ ساۋدا ەرەجەسىمەن ىرىقتىلىقپەن ۇشتاستىرىپ، دەربەس ەسىك اشۋدى بەلسەنە كەڭەيتەدى، قاتىستى جاقتارمەن سيفرلى جانە جاسىل سالالارداعى ساۋدا كەلىسىمىن اقىلداسۋ جونىندە ىزدەنىس جاساپ، دۇنيە جۇزىنە باعىتتالعان جوعارى ولشەمدى ەركىن ساۋدا رايونى تورابىن ۇزدىكسىز كەڭەيتۋدى قالايدى.

ەكىنشى، جاسىل، جاڭالىق اشاتىن ازيا ـ تىنىق مۇحيت ءوڭىرىنىڭ ارتۋ قوزعاۋشى كۇشىن جەتىلدىرۋ. جاڭا كەزەكتى عىلىم ـ تەحنيكا توڭكەرىسى مەن كاسىپ سالاسى وزگەرىسى ورايىن مىقتى يگەرىپ، جاساندى زەردە، كۆانتتىق ينفورماتسيا، تىرشىلىك سالاماتتىعى سياقتى الدىڭعى لەكتەگى سالالاردا اۋىس ـ كۇيىستى، سەلبەستىكتى كۇشەيتىپ، اشىق، ءادىل، ادىلەتتى، كەمسىتپەيتىن جاڭالىق اشۋ ەكولوگياسىن قالىپتاستىرىپ، ازيا ـ تىنىق مۇحيت ءوڭىرىنىڭ وندىرگىش كۇشتەرىنىڭ جوعارىلاۋىن ىلگەرىلەتۋ كەرەك. ەكولوگيانى الدىمەن ەسكەرۋگە، ۇنەمدى، شوعىرلى، جاسىل، تومەن كومىرتەكتى دامۋعا تاباندى بولىپ، سيفرلانعان، جاسىلدانعان، سايكەستى، تيپتە بۇرىلىس جاساعان دامۋدى ىلگەرىلەتىپ، ازيا ـ تىنىق مۇحيت ءوڭىرى دامۋىنىڭ جاڭا قوزعاۋشى كۇشىن، جاڭا ابزالدىعىن سومداۋ كەرەك. جۇڭگو جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، ءار جاقپەن جاسىل جاڭالىق اشۋ سەلبەستىگىن تەرەڭدەتىپ، «دۇنيە جۇزىلىك ساندى مالىمەتتىڭ شەكارا اتتاعان اينالىم سەلبەستىگى باستاماسىن» جاريالايدى، ءار جاقپەن ساندى مالىمەتتىڭ جوعارى ءونىمدى، قولايلى، حاۋىپسىز شەكارا اتتاعان اينالىمىن بىرگە جەبەپ، ازيا ـ تىنىق مۇحيت ءوڭىرىنىڭ جوعارى ساپالى دامۋىنا ۇلەس قوسۋدى قالايدى.

ءۇشىنشى، ازيا ـ تىنىق مۇحيت ءوڭىرىنىڭ جالپىعا ءتيىمدى، سيىسىمدى دامۋ ۇستانىمىن بەرىك ورناتۋ. ەكونوميكالىق، تەحنيكالىق سەلبەستىكتى كۇشەيتىپ، وركەندەپ كەلە جاتقان ەكونوميكالىق تۇلعالار مەن ءالسىز توپتاردى قولداۋدى كۇشەيتىپ، ەكونوميكالىق دامۋدىڭ ”بالكۇلشەسىن“ بىرگە ۇلعايتىپ جانە ويداعىداي ءبولىپ، اناعۇرلىم كوپ ەكونوميكالىق تۇلعالاردىڭ، اناعۇرلىم كوپ حالىقتىڭ دامۋ جەتىستىكتەرىنەن بىرگە يگىلىكتەنۋىنە مۇمكىندىك جاساۋ كەرەك. جۇڭگو ازيا ـ تىنىق مۇحيت ەكونوميكالىق سەلبەستىك ۇيىمىندا تۇرعىنداردىڭ كىرىسىن جوعارىلاتۋ، ورتا، شاعىن كاسىپورىنداردىڭ شوعىرلى دامۋىن جەبەۋ سياقتى باستامالاردى ىلگەرىلەتىپ، ازيا ـ تىنىق مۇحيت ءوڭىرى ەكونوميكاسىنىڭ جالپىعا ءتيىمدى، سيىسىمدى دامۋىنا دەم بەرەدى. جۇڭگو ازيا ـ تىنىق مۇحيت ەكونوميكالىق سەلبەستىك ۇيىمىنىڭ 2026 ـ جىلعى وتاعاسىسى بولادى، ءارقايسى جاقپەن بىرگە ازيا ـ تىنىق مۇحيت سەلبەستىگىن تەرەڭدەتىپ، ازيا ـ تىنىق مۇحيت وڭىرىندەگى حالىققا باقىت جاراتۋدى ءۇمىت ەتەدى.

شي جينپيڭ بىلاي دەپ باسا دارىپتەدى: رەفورما جاساپ، ەسىك اشۋ − جۇڭگو مەن دۇنيە ءجۇزىنىڭ بىرگە دامىپ، العا باسۋىنىڭ تاريحي بارىسى. جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ءۇشىنشى جالپى ءماجىلىسى 300 دەن استام ماڭىزدى رەفورما شاراسىن العا قويىپ، جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋ، ەكونوميكانىڭ جوعارى ساپالى دامۋىن ىلگەرىلەتۋ، جوعارى دەڭگەيدەگى سىرتقا ەسىك اشۋدى كەڭەيتۋ، حالىقتىڭ تۇرمىس ساپاسىن جوعارىلاتۋ، كورىكتى جۇڭگو قۇرۋ سياقتى سالالاردا جۇيەلى ورنالاستىرۋ جاسادى. جۇڭگونىڭ دامۋى ازيا ـ تىنىق مۇحيت ءوڭىرى مەن دۇنيە ءجۇزىنىڭ دامۋىنا اناعۇرلىم كوپ جاڭا وراي ازىرلەيدى. جۇڭگو ءار جاقتىڭ جۇڭگونىڭ دامۋ جۇردەك پويەزىنە ۇزدىكسىز وتىرىپ، بەيبىت دامۋ، ءوزارا ءتيىمدى سەلبەستىك، بىرگە گۇلدەنۋ سىندى دۇنيە جۇزىندەگى ءار ەلدىڭ وسىزاماندانۋىن جۇزەگە اسىرۋ جولىندا بىرگە قۇلشىنۋىن قارسى الادى.

ءماجىلىستى پەرۋدىڭ زۇڭتۇڭى بولۋارت باسقاردى، نەگىزگى تاقىرىبى ”قۋات ۇستەۋ، سيىسىمدىلىق، ارتۋ“ بولدى.

ءماجىلىس «2024 ـ جىلعى ازيا ـ تىنىق مۇحيت ەكونوميكالىق سەلبەستىك ۇيىمى باسشىلارىنىڭ ماچۋبيچۋ جارناماسى»، «ازيا ـ تىنىق مۇحيت ەركىن ساۋدا رايونىنىڭ كۇن ءتارتىبى جونىندەگى جاڭا بولجال مالىمدەمەسى» جانە «جۇيەلىلىككە بەت الۋدى جانە دۇنيە جۇزىلىك ەكونوميكادا بۇرىلىس جاساۋدى ىلگەرىلەتۋ جونىندەگى ليما جولى كارتاسى» سىندى 3 جەتىستىك قۇجاتىن جاريالادى.

11 – ايدىڭ 15 ـ كۇنى كەشتە شي جينپيڭ ازيا ـ تىنىق مۇحيت ەكونوميكالىق سەلبەستىك ۇيىمى باسشىلارى بەيرەسمي ءماجىلىسىنىڭ قارسى الۋ قوناعاسىنا قاتىناستى.

ۋاڭ ي جوعارىداعى قيمىلدارعا قاتىناستى.

كەلۋ قاينارى: حالىق تورابى