شي جينپيڭ ماۋريتيۋستىڭ جاڭادان تاعايىندالعان زۇڭتۇڭى گوكۋرعا قۇتتىقتاۋ تەلەگرامماسىن جولدادى

شينحۋا اگەنتتىگى، 12 - ايدىڭ 11 – كۇنى، بەيجيڭ. 12 - ايدىڭ 10 - كۇنى مەملەكەت ءتوراعاسى شي جينپيڭ گوكۋرعا تەلەگرامما جولداپ، ونىڭ ماۋريتيۋس رەسپۋبليكاسىنىڭ زۇڭتۇڭى بولىپ تاعايىندالعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: ماۋريتيۋس − جۇڭگونىڭ افريكاداعى ماڭىزدى سەرىگى. ەكى جاقتىڭ بىرگە قۇلشىنۋىندا، ەكى ەل قارىم - قاتىناسى ستراتەگيالىق سەرىكتەستىك دەڭگەيىنە كوتەرىلدى. جاڭا جاعدايدا ەكى ەل مەملەكەتتى گۇلدەندىرۋ تاريحي بورىشىن ارقالاپ وتىر، حالىقارالىق ادىلدىك پەن ادىلەتتىلىكتى قورعاۋ جاعىندا ۇقساس جاۋاپكەرشىلىگى بار، ەكى جاقتىڭ سەلبەستىك كومەسكى كۇشى زور، بولاشاعى نۇرلى. مەن جۇڭگو - ماۋريتيۋس قارىم - قاتىناسىنىڭ دامۋىنا ايرىقشا ءمان بەرەمىن، زۇڭتۇڭ مىرزامەن بىرگە قۇلشىنىپ، جۇڭگو - افريكا سەلبەستىك تالقى مىنبەرى بەيجيڭ باسشىلار ءماجىلىسىنىڭ جەتىستىكتەرىن تياناقتاندىرۋدى ماڭىزدى تۇتقا ەتىپ، ەكى جاقتىڭ ساياسي جاقتاعى ءوزارا سەنىمدىلىگىن كۇشەيتىپ، ءار سالاداعى ناقتى ىستەر سەلبەستىگىن كەڭەيتىپ، ەكى ەل قارىم - قاتىناسىنىڭ اناعۇرلىم زور دامۋىن جۇزەگە اسىرۋدى ىلگەرىلەتۋدى قالايمىن.

كەلۋ قاينارى: حالىق تورابى