شي جينپيڭ گانانىڭ سايلانعان زۇڭتۇڭى ماحاماعا قۇتتىقتاۋ تەلەگرامماسىن جولدادى

شينحۋا اگەنتتىگى، 12 - ايدىڭ 11 – كۇنى، بەيجيڭ. 12 - ايدىڭ 11 - كۇنى مەملەكەت ءتوراعاسى شي جينپيڭ جون دەلاما ماحاماعا تەلەگرامما جولداپ، ونىڭ گانا رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: گانا −− ساحارانىڭ وڭتۇستىگىندەگى افريكادا جۇڭگومەن ەڭ ەرتە ديپلوماتيالىق قارىم - قاتىناس ورناتقان ەلدەردىڭ ءبىرى ءارى جۇڭگونىڭ افريكاداعى ماڭىزدى ستراتەگيالىق سەرىگى، جۇڭگو مەن گانانىڭ دوستىعى ارىدان جالعاسقان، ۋاقىت وتكەن سايىن بەكەمدەلە ءتۇستى. تاياۋ جىلداردان بەرى ەكى ەل قارىم - قاتىناسىنىڭ دامۋ تەبىنى جاقسى بولىپ، ءار سالاداعى ناقتى ىستەر سەلبەستىگىنىڭ ناتيجەسى قوماقتى بولدى. مەن جۇڭگو – گانا قارىم - قاتىناسىنىڭ دامۋىنا ايرىقشا ءمان بەرەمىن، سايلانعان زۇڭتۇڭ ماحامامەن بىرگە قۇلشىنىپ، ءداستۇرلى دوستىقتى ساۋلەلەندىرىپ، ساياسي سەنىمدىلىكتى تەرەڭدەتىپ، جۇڭگو مەن گانانىڭ ستراتەگيالىق ارىپتەستىك قارىم - قاتىناسىنىڭ تەرەڭدەۋىن، ناقتىلانۋىن ىلگەرىلەتىپ، ەكى ەل حالىقتارىنا ءتىپتى دە كوپ باقىت جاراتۋدى قالايمىن.

كەلۋ قاينارى: حالىق تورابى