ورتالىقتىڭ ەكونوميكالىق قىزمەت ءماجىلىسى بەيجيڭدە اشىلدى

ورتالىقتىڭ ەكونوميكالىق قىزمەت ءماجىلىسى 12 - ايدىڭ 11 – كۇنىنەن 12 – كۇنىنە دەيىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 12 - ايدىڭ 12 - كۇنى، بەيجيڭ. ورتالىقتىڭ ەكونوميكالىق قىزمەت ءماجىلىسى 12 - ايدىڭ 11 – كۇنىنەن 12 – كۇنىنە دەيىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي ماجىلىسكە قاتىناستى.

شي جينپيڭ ماڭىزدى سوزىندە 2024 - جىلعى ەكونوميكالىق قىزمەتتى قورىتىندىلاپ، قازىرگى ەكونوميكالىق جاعدايعا تالداۋ جاساپ، 2025 - جىلعى ەكونوميكالىق قىزمەتتى ورنالاستىردى. لي چياڭ قورىتىندى ءسوز سويلەپ، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرۋ، تياناقتاندىرۋ، كەلەر جىلعى ەكونوميكالىق قىزمەتتى جاقسى ىستەۋ جونىندە تالاپ قويدى.

ءماجىلىس بىلاي دەپ قارادى: بيىل _ 14” - بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى جىل. سىرتقى قىسىم ارتىپ، ىشكى قيىنشىلىق كوبەيگەن كۇردەلى دە اۋىر جاعداي الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، وزگەرىسكە بايسالدى بولىپ، كەشەندى شارا قولداندى، ەكونوميكالىق اينالىم جالپى جاقتان ورنىقتى بولىپ، ورنىقتىلىق بارىسىندا ىلگەرىلەپ، جوعارى ساپالى دامۋ تىڭعىلىقتى ىلگەرىلەپ، ەكونوميكالىق، قوعامدىق دامۋدىڭ باستى نىسانا - مىندەتتەرى ءساتتى ورىندالۋ الدىندا تۇر. جاڭاشا وندىرگىش كۇشتەر ورنىقتى دامىپ، رەفورما جاساپ، ەسىك اشۋ ۇزدىكسىز تەرەڭدەپ، ءتۇيىندى سالالارداعى حاۋىپ - قاتەردى شەشۋ ءتارتىپتى، ءونىمدى بولىپ، حالىق تۇرمىسىن قامتاماسىز ەتۋ تىڭعىلىقتى، پارمەندى بولىپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستالدى. ءبىر جىلدان بەرگى دامۋ بارىسى وتە وزگەشە بولدى، ناتيجەسى ادامدى جەلپىندىرەدى، اسىرەسە، 9 - ايدىڭ 26 – كۇنى ورتالىق كوميتەت ساياسي بيۋروسىنىڭ ءماجىلىسى ءبىرقىدىرۋ ساياساتتاردى باتىل ورنالاستىرىپ، قوعامدىق سەنىمدى ءونىمدى سەرپىلتىپ، ەكونوميكانى كورنەكتى جوعارىلاتتى.

ءماجىلىس بىلاي دەپ اتاپ كورسەتتى: قازىرگى سىرتقى ورتانىڭ وزگەرىسى الا كەلگەن ءتيىمسىز ىقپال تەرەڭدەپ كەلەدى، ەلىمىزدىڭ ەكونوميكالىق اينالىمى ءالى دە كوپتەگەن قيىنشىلىق پەن سىن - سايىسقا ءدوپ كەلىپ وتىر، باستىسى، ىشكى سۇرانىس جەتكىلىكسىز بولۋدا، ءىشىنارا كاسىپورىنداردىڭ ءوندىرىس - شارۋاشىلىعى قيىنشىلىققا ۇشىرادى، بۇقارانىڭ جۇمىستانىپ، كىرىسىن ارتتىرۋى قىسىمعا ءدوپ كەلىپ وتىر، حاۋىپ - قاتەر، كومەسكى كىناراتتار ءالى دە ءبىرشاما كوپ. سونىمەن بىرگە، مىنانى دا كورە ءبىلۋىمىز كەرەك: ەلىمىزدىڭ ەكونوميكالىق نەگىزى ورنىقتى، ابزالدىعى كوپ، سەرپىمدىلىگى كۇشتى، كومەسكى قۋاتى زور، ۇزاق ۋاقىت جاقسارۋ تىرەكتىك شارت - جاعدايى مەن نەگىزگى بەتالىسى وزگەرگەن جوق. ءبىز قيىنشىلىققا دۇرىس قاراپ، سەنىمدى بەكەمدەپ، ءار جاقتاعى بەلسەندى فاكتورلاردى دامۋ ناتيجەسىنە اينالدىرۋعا كۇش سالۋىمىز كەرەك.

ءماجىلىس بىلاي دەپ قارادى: اماليات بارىسىندا ءبىز ەكونوميكالىق قىزمەتتىڭ زاڭدىلىعى جونىندەگى تانىمدى ۇزدىكسىز تەرەڭدەتتىك. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى _ ەكونوميكالىق قىزمەتتى ويداعىداي ىستەۋدىڭ ءتۇبىرلى كەپىلى، شەشۋشى ساتتە، ماڭىزدى ساتتە پارتيا ورتالىق كوميتەتى جاعدايعا دەر كەزىندە تۇجىرىم جاساپ، شەشىم - ورنالاستىرۋ جاساپ، ەلىمىز ەكونوميكاسىنىڭ تولقىن جارا العا ىلگەرىلەۋىنە، ورنىقتى، باياندى بولۋىنا كەپىلدىك ەتتى. ءونىمدى بازار مەن تىندىرىمدى ۇكىمەتتىڭ قاتىناسىن، ءسوز جوق، ءبىر تۇتاس جوسپارلاپ، ”جاندانعان“ ءارى ”ۋىستاعى“ ەكونوميكالىق ءتارتىپتى قالىپتاستىرۋ كەرەك. جالپى قامداۋ مەن جالپى قاجەتسىنۋدىڭ قاتىناسىن ويداعىداي ءبىر تۇتاس جوسپارلاپ، حالىق شارۋاشىلىعىنىڭ اينالىمىن ىركىلىسسىزدەندىرۋ كەرەك. جاڭا قوزعاۋشى كۇشتى جەتىلدىرۋ مەن كونە قوزعاۋشى كۇشتى جاڭالاۋدىڭ قاتىناسىن ويداعىداي ءبىر تۇتاس جوسپارلاپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ كەرەك. ءسوز جوق، مولشەرىن ارتتىرۋ مەن مولشەرىن جانداندىرۋدىڭ قاتىناسىن ويداعىداي ءبىر تۇتاس جوسپارلاپ، بايلىقتى ورنالاستىرۋ ونىمدىلىگىن جاپپاي جوعارىلاتۋ كەرەك. ساپانى جوعارىلاتۋ مەن جالپى مولشەردى ارتتىرۋدىڭ قاتىناسىن، ءسوز جوق، ويداعىداي ءبىر تۇتاس جوسپارلاپ، جۇڭگو ۇلگىسىندەگى وسىزامانداندىرۋدىڭ زاتتىق نەگىزىن بەكەمدەۋ كەرەك.

ءماجىلىس بىلاي دەپ باسا دارىپتەدى: كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جاڭا دامۋ ارناسىن جەدەل ورناتىپ، جوعارى ساپالى دامۋدى تىڭعىلىقتى ىلگەرىلەتىپ، رەفورمانى اناعۇرلىم جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، وسىزاماندانعان كاسىپ سالاسى جۇيەسىن قۇرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، اناعۇرلىم بەلسەندى، ۇتىمدى ماكرولىق ساياساتتاردى اتقارىپ، ىشكى سۇرانىستى كەڭەيتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسا دامۋىن ىلگەرىلەتىپ، ءۇي – جاي بازارىن، جارنا بازارىن ورنىقتىرىپ، ءتۇيىندى سالالارداعى حاۋىپ - قاتەر مەن سىرتقى سوققىدان ساقتانىپ جانە ونى جويىپ، مەجەنى ورنىقتىرىپ، ومىرشەڭدىك كۇشتى قاۋلاتىپ، ەكونوميكانىڭ ۇزدىكسىز قالپىنا كەلۋىن ىلگەرىلەتىپ، حالىقتىڭ تۇرمىس ورەسىن ۇزدىكسىز جوعارىلاتىپ، قوعامنىڭ جاراسىمدىلىعىن، ورنىقتىلىعىن ساقتاپ، 14” - بەسجىلدىق“ جوبانىڭ نىسانالارىن، مىندەتتەرىن جوعارى ساپامەن ورىنداپ، ”15 - بەسجىلدىقتا“تاماشا باستامانى جۇزەگە اسىرۋعا بەرىك نەگىز قالاۋ كەرەك.

ءماجىلىس بىلاي دەپ اتاپ كورسەتتى: كەلەر جىلى ەكونوميكانىڭ ورنىقتى ارتۋىن، جۇمىستاندىرۋدىڭ، زات باعاسىنىڭ جالپى تۇلعالىق ورنىقتىلىعىن، حالىقارالىق كىرىس - شىعىستىڭ نەگىزىنەن بارابار بولۋىن ساقتاپ، تۇرعىندار كىرىسىنىڭ ەكونوميكامەن قادامداس ارتۋىن جەبەۋ كەرەك.

ءماجىلىس مىنالاردى تالاپ ەتتى: كەلەر جىلى ورنىقتىلىق بارىسىندا ىلگەرىلەۋگە، ىلگەرىلەۋ ارقىلى ورنىقتىلىقتى جەبەۋگە تاباندى بولىپ، تۋراشىلدىقتان اينىماي جاڭالىق اشىپ، الدىمەن ورناتىپ، ونان سوڭ كۇشىنەن قالدىرىپ، جۇيەلى، شوعىرلى، سايكەسىمدى بولىپ، ساياساتتىق قۇرال - جابدىق ساندىعىن تولىقتاپ، كەمەلدەندىرىپ، ماكرولىق رەتتەۋ - مەڭگەرۋدىڭ بولجامدىلىعىن، باعىتتامالىلىعىن، ونىمدىلىگىن جوعارىلاتۋ كەرەك.

اناعۇرلىم بەلسەندى قازىنا ساياساتىن اتقارۋ كەرەك. قازىنالىق قىزىل سيفر مولشەرىن جوعارىلاتىپ، قازىنا ساياساتىنىڭ ءۇرتىس كۇش سالۋىنا، اناعۇرلىم كۇش قوسۋىنا كەپىلدىك ەتۋ كەرەك. قازىنالىق شىعىستىڭ كۇشەمەلىلىگىن ارتتىرىپ، ءتۇيىندى سالالاردى قامتاماسىزداندىرۋدى كۇشەيتۋ كەرەك. ۇزاق ۋاقىتتىق ەرەكشە زايوم تاراتۋدى ارتتىرىپ، ”ەكى ءتۇرلى نىسان“ مەن ”ەكى جاڭا“ ساياساتىنىڭ اتقارىلۋىن ۇزدىكسىز قولداۋ كەرەك. جەرگىلىكتى ۇكىمەتتەردىڭ ارناۋلى زايوم تاراتۋ جانە ودان پايدالانۋ مولشەرىن ارتتىرىپ، وبيەكتىلەرگە جۇمسالاتىن كاپيتال قورى كولەمىن كەڭەيتۋ كەرەك. قازىنالىق شىعىس قۇرىلىمىن ساپالىلاندىرىپ، قارجىدان پايدالانۋ ونىمدىلىگىن جوعارىلاتىپ، حالىق تۇرمىسىنا تيىمدىلىك جاساۋعا، تۇتىنۋدى جەبەۋگە، تەبىندى ارتتىرۋعا اناعۇرلىم ءمان بەرىپ، نەگىزگى ساتىلارداعى ”ءۇشتى قامتاماسىزداندىرۋدىڭ“ تومەنگى شەگىن بەكەمدەۋ كەرەك. پارتيا، ۇكىمەت ورگاندارىندا قىزمەتتى ۇنەمشىلدىكپەن ورىستەتۋدە تاباندى بولۋ كەرەك.

لايىقتى كەڭ اقشا ساياساتىن اتقارۋ كەرەك. اقشا ساياساتى قۇرالدارىنىڭ جالپى مولشەرى مەن قۇرىلىمى سىندى قوس قابات رولىن ويداعىداي ساۋلەلەندىرىپ، ولشەمدى دەر كەزىندە تومەندەتىپ، ءوسىمدى تومەندەتىپ، اينالىمنىڭ جەتكىلىكتى بولۋىن ساقتاپ، قوعامدىق قارجى قۇراۋ كولەمىنىڭ، اقشامەن قامداۋ مولشەرىنىڭ ارتۋىن ەكونوميكانىڭ ارتۋىمەن، باعانىڭ جالپى ورەسىنىڭ مەجەلى نىساناسىمەن سايكەستىرۋ كەرەك. حالىق اقشاسى سىندىرىلىمىنىڭ ۇيلەسىمدى، تەپە - تەڭ ورەدەگى نەگىزگى ورنىقتىلىعىن ساقتاۋ كەرەك. ورتالىق بانكەنىڭ ماكرولىق جاقتان بايىپتى بولۋ جانە فينانستى ورنىقتىرۋ فۋنكتسياسىن كەڭەيتۋى جونىندە ىزدەنىس جاساپ، فينانس قۇرالدارىندا جاڭالىق جاراتىپ، فينانس بازارىنىڭ ورنىقتىلىعىن قورعاۋ كەرەك.

ساياساتتىڭ ”كەشەندى شارالارىن“ ويداعىداي اتقارۋ كەرەك. قازىنا، اقشا، جۇمىستانۋ، كاسىپ سالاسى، ءوڭىر، ساۋدا، قورشاعان ورتانى قورعاۋ، باقىلاۋ - باسقارۋ سياقتى ساياساتتار مەن رەفورما جاساپ، ەسىك اشۋ شارالارىنىڭ سايكەسۋىن، سەلبەسۋىن كۇشەيتىپ، تاراۋلار ارا ءونىمدى قارىم - قاتىناس، كەڭەسۋ، اڭىس قايتارۋ مەحانيزمىن كەمەلدەندىرىپ، ساياساتتىڭ بىرىككەن كۇشىن ارتتىرۋ كەرەك. ەكونوميكالىق ساياسات پەن ەكونوميكاعا جاتپايتىن ساياساتتى ماكرولىق ساياساتتىڭ بەتالىسىنا ءبىر تۇتاس ەنگىزىپ، ساياساتتى بەلگىلەۋ مەن اتقارۋدىڭ تۇتاس بارىسىن ءبىر تۇتاس جوسپارلاپ، ساياساتتىڭ جالپى تۇلعالىق ونىمدىلىگىن جوعارىلاتۋ كەرەك.

ءماجىلىس كەلەر جىلى مىناداي ءتۇيىندى مىندەتتەردى مىقتى يگەرۋدى بەلگىلەدى.

ءبىرىنشى، تۇتىنۋدى بارىنشا سەرپىلتىپ، قارجى قوسۋ ونىمدىلىگىن جوعارىلاتىپ، ىشكى سۇرانىمدى جان - جاقتى كەڭەيتۋ. تۇتىنۋدى سەرپىلتۋ ارناۋلى قيمىلىن اتقارىپ، ورتا، تومەن كىرىستى قاۋىمنىڭ كىرىسىن ارتتىرىپ، اۋىرتپالىعىن جەڭىلدەتىپ، تۇتىنۋ قابىلەتىن، تىلەگىن جانە دارەجەسىن جوعارىلاتۋ كەرەك. زەينەتكەرلەردىڭ نەگىزگى زەينەتاقىسىن لايىقتى جوعارىلاتىپ، قالا، اۋىل تۇرعىندارىنىڭ نەگىزدىك زەينەتاقىسىن جوعارىلاتىپ، قالا، اۋىل تۇرعىندارىنىڭ ەمدەلۋىن قامسىزداندىرۋعا قازىنادان بەرىلەتىن كومەك قاراجات ولشەمىن جوعارىلاتۋ كەرەك. ”ەكى جاڭا“ ساياساتىن اتقارۋعا كۇش سالىپ، كوپ نەگىزدى تۇتىنۋ جاعدايىندا جاڭالىق جاراتىپ، قىزمەت وتەۋ تۇتىنۋىن كەڭەيتىپ، مادەنيەت، ساياحات كاسىبىنىڭ دامۋىن جەبەۋ كەرەك. باستاما ەكونوميكانى، قار - مۇز ەكونوميكاسىن، قارتتار ەكونوميكاسىن بەلسەنە دامىتۋ كەرەك. جوعارىدان تومەنگە قاراي ۇيىمداستىرۋ، سايكەستىرۋدى كۇشەيتىپ، ”ەكى ماڭىزدى“ نىسانعا قولداۋ كورسەتۋ كەرەك. ورتالىقتىڭ مەجە ەسەبىنەن قوسىلاتىن قارجىنى لايىقتى ارتتىرۋ كەرەك. قازىنا مەن فينانستىڭ سايكەسۋىن كۇشەيتىپ، ۇكىمەتتىك قارجىلاندىرۋ ارقىلى قوعامدىق قارجىلاندىرۋعا ۇتىمدى تۇردە قوزعاۋشىلىق ەتۋ كەرەك. ”15-بەسجىلدىقتاعى“ كەلەلى نىسانداردى ەرتەرەك جوسپارلاۋ كەرەك. قالانى جاڭالاۋدى كۇش سالا اتقارۋ كەرەك. تۇتاس قوعامنىڭ زات اينالىمى وزىندىك قۇنىن تومەندەتۋ ارناۋلى ارەكەتىن ورىستەتۋ كەرەك.

ەكىنشى، عىلىم - تەحنيكادا جاڭالىق جاراتۋ ارقىلى جاڭاشا وندىرگىش كۇشتەردىڭ دامۋىنا جەتەكشىلىك ەتىپ، وسىزاماندانعان كاسىپ سالاسى جۇيەسىن قۇرۋ كەرەك. نەگىزدىك زەرتتەۋ مەن شەشۋشى قامال الۋدى كۇشەيتىپ، كەلەلى عىلىم - تەحنيكا نىساندارىن الدىن الا ورنالاستىرىپ، جاڭا تەحنيكا، جاڭا ءونىم، جاڭا جاعداياتتى كەڭ كولەمدە قولدانۋدان ۇلگى كورسەتۋ ارەكەتىن ورىستەتۋ كەرەك. ”جاساندى زەردە +“ ارەكەتىن ورىستەتىپ، بولاشاق كاسىپ سالالارىن جەتىلدىرۋ كەرەك. مەملەكەتتىڭ ستراتەگيالىق عىلىم - تەحنيكا قۋاتى قۇرىلىسىن كۇشەيتۋ كەرەك. كوپ ساتىلى فينانستىق قىزمەت وتەۋ جۇيەسىن اقاۋسىزداندىرىپ، ءتوزىمدى كاپيتالدى زورايتىپ، قوعامدىق كاپيتالدى يگىلىك جاراتۋ قارجى قوسۋىنا قاتىناسۋعا اناعۇرلىم زور تەبىنمەن باۋراپ، جاڭاشىل كاسىپورىنداردى ساتىلى جەتىلدىرۋ كەرەك. ”ىشكى ۇلگىدەگى“ باسەكەنى جان - جاقتى جونگە سالىپ، جەرگىلىكتى ۇكىمەتتەر مەن كاسىپورىنداردىڭ ارەكەتىن جۇيەگە ءتۇسىرۋ كەرەك. سيفرلى تەحنيكادان، جاسىل تەحنيكادان بەلسەنە پايدالانىپ، ءداستۇرلى كاسىپ سالالارىن قايتا قۇرىپ، دارەجەسىن جوعارىلاتۋ كەرەك.

ءۇشىنشى، ەكونوميكالىق ءتۇزىلىس رەفورماسىنىڭ جەتەكشىلىك رولىن ساۋلەلەندىرىپ، بوگەنايلىق رەفورما شارالارىنىڭ تياناقتانىپ، ءونىم بەرۋىن ىلگەرىلەتۋ كەرەك. مەملەكەت مەنشىگىندەگى كاسىپورىندار رەفورماسىن تەرەڭدەتۋ، دارەجەسىن جوعارىلاتۋ ارەكەتىن جوعارى ساپامەن ورىنداپ، حالىقتىق شارۋاشىلىقتى جەبەۋ زاڭىن شىعارۋ كەرەك. كاسىپورىندارعا ساياتىن زاڭ اتقارۋدى ارناعا ءتۇسىرۋ ارناۋلى ارەكەتىن ورىستەتۋ كەرەك. مەملەكەت بويىنشا بىرلىككە كەلگەن ءىرى بازار قۇرىلىسى يندەكسىن جاساۋ كەرەك. باقىلاۋ - باسقارۋدى كۇشەيتىپ، تۇعىر ەكونوميكاسىنىڭ اقاۋسىز دامۋىن جەبەۋ كەرەك. قازىنا - سالىق ءتۇزىلىسى رەفورماسىن ءبىر تۇتاس جوسپارلاپ ىلگەرىلەتىپ، جەرگىلىكتى ورىنداردىڭ دەربەس قازىنالىق قۋاتىن ارتتىرۋ كەرەك. كاپيتال بازارىنىڭ جالپىلىق رەفورماسىن تەرەڭدەتىپ، ورتا، ۇزاق مەرزىمدىك قارجىنىڭ بازارعا كىرۋ بوگەتتەرىن اشىپ، كاپيتال بازارى ءتۇزىمىنىڭ قامتىمدىلىعىن، ۇيلەسىمدىلىگىن كۇشەيتۋ كەرەك.

ءتورتىنشى، جوعارى دەڭگەيدە سىرتقا ەسىك اشۋدى كەڭەيتىپ، سىرتقى ساۋدانى، شەتەل قارجىسىن ورنىقتىرۋ كەرەك. دەربەس ەسىك اشۋ مەن ءبىر جاقتى ەسىك اشۋدى ءتارتىپتى كەڭەيتىپ، تۇزىمدىك ەسىك اشۋدى ورنىقتى كەڭەيتىپ، ەركىن ساۋدا سىناق رايونىنىڭ ساپاسىن جوعارىلاتىپ، ونىمدىلىگىن ارتتىرۋىن جانە رەفورما مىندەتىن كەڭەيتۋىنە ۇقىق بەرۋدى ىلگەرىلەتىپ، حاينان ەركىن ساۋدا پورتىنىڭ وزەكتى ساياساتىنىڭ تياناقتانۋىن جەدەل ىلگەرىلەتۋ كەرەك. قىزمەت وتەۋ ساۋداسىن، جاسىل ساۋدانى، سيفرلى ساۋدانى بەلسەنە دامىتۋ كەرەك. شەتەل ساۋداگەرلەرىنىڭ قارجى قوسۋىن جەبەۋ ءتۇزىلىس، مەحانيزمى رەفورماسىن تەرەڭدەتۋ كەرەك. قىزمەت وتەۋ كاسىبىن اشىق ۇستاۋدى ورنىقتى ىلگەرىلەتىپ، تەلەگراف، ەمدەۋ، وقۋ - اعارتۋ سياقتى سالالاردى اشىق ۇستاۋدى تۇيىندە سىناق ەتۋدى كەڭەيتىپ، ”جۇڭگوعا قارجى قوسۋ“ ايگىلى ماركاسىن ۇزدىكسىز جاراتۋ كەرەك. ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ تەرەڭدەۋىن، ناقتىلانۋىن ىلگەرىلەتىپ، سىرتتاعى جالپىلىق قىزمەت وتەۋ جۇيەسىن كەمەلدەندىرۋ كەرەك.

بەسىنشى، ءتۇيىندى سالالارداعى حاۋىپ - قاتەردەن ءونىمدى ساقتانىپ جانە ونى شەشىپ، جۇيەلىك حاۋىپ - قاتەر تۋىلماۋدىڭ تومەنگى شەگىن بەرىك ساقتاۋ كەرەك. ءۇي - جاي بازارىنىڭ قۇلدىراۋدى توقتاتىپ، ورنىعۋىن ۇزدىكسىز كۇش سالا ىلگەرىلەتىپ، قالا ورتاسىنداعى قىستاقتاردى جانە قاتەرلى، كونە ۇيلەردى جاڭالاۋدى كۇش سالا اتقارىپ، تۇراقتى جانە جاقسارتپالى تۇرعىن ءۇي سۇرانىسىنىڭ كومەسكى كۇشىن تولىق اشۋ كەرەك. جاڭادان ارتقان ءۇي - جايعا پايدالانىلاتىن جەرمەن قامداۋدى ۇيلەسىمدى تىزگىندەپ، ساقتالعان جەر مەن ساۋدا ورىندارى اشقان ۇيلەردى ىسكە قوسىپ، ساقتالعان تاۋار ۇيلەردى ءبىر جاقتى ەتۋ قىزمەتىن ىلگەرىلەتۋ كەرەك. ءۇي - جاي شارۋاشىلىعىن دامىتۋدىڭ جاڭا ۇلگىسىن ورناتۋدى ىلگەرىلەتىپ، قاتىستى نەگىزدىك تۇزىمدەردى تارتىپپەن ورناتۋ كەرەك. جەرگىلىكتى ورتا، شاعىن فينانس قۇرىلىمدارىنىڭ حاۋىپ - قاتەرىن ۇيلەسىمدى ءبىر جاقتى ەتۋ كەرەك. ورتالىق پەن جەرگىلىكتى ورىن سەلبەسىپ زاڭسىز فينانس قيمىلىنا سوققى بەرۋ كەرەك.

التىنشى، جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ءبىر تۇتاس ىلگەرىلەتىپ، قالا مەن اۋىلدىڭ توعىسپالى دامۋىن جەبەۋ كەرەك. ەگىستىك جەردىڭ قىزىل سىزىعىن قاتاڭ ساقتاپ، ەگىستىك جەردى يەمدەنۋ مەن تولىقتاۋدى تەڭگەرۋدى قاتاڭ باسقارۋ كەرەك. استىق جانە ماڭىزدى اۋىل شارۋاشىلىق ونىمدەرى ءوندىرىسىن ورنىقتىرىپ، قامداۋعا كەپىلدىك ەتۋدى مىقتى يگەرىپ، اۋىل شارۋاشىلىعىنىڭ جالپىلىق ونىمدىلىگى مەن باسەكەلىك قۋاتىن جوعارىلاتۋ كەرەك. استىق ەگەتىن ەگىنشىلەر مەن استىق وندىرەتىن نەگىزگى رايونداردىڭ بەلسەندىلىگىن قورعاپ، استىق باعاسىن قالىپتاستىرۋ مەحانيزمىن اقاۋسىزداندىرۋ كەرەك. جەرگىلىكتى جاعدايعا قاراي كاسىپتى گۇلدەندىرۋدى، اۋداندى نىعايتۋدى، حالىقتى اۋقاتتاندىرۋدى ءبىر تۇلعالاندىرىپ دامىتۋدى ىلگەرىلەتىپ، ەگىنشىلەردىڭ كىرىسىن ارتتىرۋ ارناسىن ءتۇرلى ءادىس - امالمەن كەڭەيتۋ كەرەك. وسىزاماندانعان قالا شەڭبەرىن دامىتىپ، ەرەكشە ۇلكەن، ەرەكشە ءىرى قالالاردىڭ وسىزاماندانۋ، باسقارۋ دەڭگەيىن جوعارىلاتىپ، اۋدان ءوڭىرى ەكونوميكاسىن كۇش سالا دامىتۋ كەرەك.

جەتىنشى، وڭىرلىك ستراتەگيانى اتقارۋ تەبىنىن ارتتىرىپ، وڭىرلىك دامۋدىڭ ومىرشەڭدىگىن نىعايتۋ كەرەك. وڭىرلىك سايكەستى دامۋ ستراتەگياسىنىڭ، وڭىرلىك كەلەلى ستراتەگيانىڭ، نەگىزگى تۇلعالىق فۋنكتسيالىق رايون ستراتەگياسىنىڭ قاباتتاسۋ اسەرىن ساۋلەلەندىرىپ، جاڭا ارتۋ ۇيەگىن بەلسەنە جەتىلدىرۋ كەرەك. ەكونوميكالىق دامۋدا ابزال رايونداردىڭ جاڭالىق جاراتۋ قۋاتى مەن ىقپال جاساۋ، جەتەكتەۋ رولىن جوعارىلاتۋ كەرەك. ەكونوميكالىق ءىرى ولكەلەردىڭ ۇلكەن تىرەك بولۋىن قولداپ، باسقا رايونداردى جەرگىلىكتى جاعدايعا قاراي ىستەپ، ءوز ارتىقشىلىقتارىن ساۋلەلەندىرۋگە شابىتتاندىرۋ كەرەك. شىعىس، ورتا، باتىس، شىعىس سولتۇستىك وڭىرلەردىڭ كاسىپ سالاسى سەلبەستىگىن تەرەڭدەتىپ، تەڭىز - مۇحيت ەكونوميكاسى مەن شىعاناق رايونى ەكونوميكاسىن زور كۇشپەن دامىتۋ كەرەك.

سەگىزىنشى، كومىر قىشقىل گازىن ازايتۋدى، لاستاۋدى تومەندەتۋدى، جاسىل دامۋدى كەڭەيتۋدى سايكەستى ىلگەرىلەتىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەدەلدەتۋ كەرەك. ەكولوگيالىق وركەنيەت ءتۇزىلىسى رەفورماسى ونان ارى تەرەڭدەتۋ كەرەك. جاسىل، تومەن كومىرتەكتى كاسىپ سالالارىنىڭ اقاۋسىز دامۋ ەكولوگياسىن قالىپتاستىرىپ، جاسىل قۇرىلىس سياقتى جاڭا ارتۋ تۇيىندەرىن جەتىلدىرۋ كەرەك. ”ءۇش تەرىستىك“ ينجەنەرياسىنىڭ بوگەنايلىق شايقاسىندا ماڭىزدى جەتىستىكتەرگە قول جەتكىزۋدى ىلگەرىلەتىپ، ءشول، شولەيت وڭىرلەردەگى جاڭا ەنەرگيا بازاسى قۇرىلىسىن جەدەلدەتۋ كەرەك. ءبىر توپ نولدىك كومىرتەگى باقشا رايونىن قۇرىپ، بۇكىل ەل بويىنشا كومىرتەگى بازارى قۇرىلىسىن ىلگەرىلەتىپ، ءونىمنىڭ كومىرتەگى كورسەتكىشىن قاداعالاپ باسقارۋ جۇيەسىن، كومىرتەگى بەلگىسىن كۋالاندىرۋ ءتۇزىمىن ورناتۋ كەرەك. اشىق اسپاندى، تۇنىق سۋدى، تازا توپىراقتى قورعاۋ شايقاسىن ۇزدىكسىز ىشكەرىلەي ىلگەرىلەتۋ كەرەك. جاراقسىز قاتتى زاتتاردى جان - جاقتى جونگە سالۋ ارەكەت جوسپارىن جاساۋ كەرەك. ورگانيزمدەردىڭ الۋان تۇرلىلىگىن قورعاۋ كەلەلى ينجەنەرياسىن اتقارۋ كەرەك. جاراتىلىستىق اپاتتاردان ساقتانۋ جۇيەسى قۇرىلىسىن كۇشەيتۋ كەرەك.

توعىزىنشى، حالىق تۇرمىسىن قامتاماسىز ەتۋ جانە جاقسارتۋ تەبىنىن ارتتىرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ كەرەك. ءتۇيىندى سالالاردىڭ، ءتۇيىندى كاسىپتەردىڭ، قالا، اۋىلداردىڭ نەگىزگى ساتىلارىنىڭ جانە ورتا، شاعىن، ۇساق كاسىپورىنداردىڭ جۇمىستاندىرۋىن قولداۋ جوسپارىن اتقارىپ، ءتۇيىندى قاۋىمنىڭ جۇمىستانۋىن جەبەۋ كەرەك. يكەمدى جۇمىستانۋ مەن جاڭا جۇمىستانۋ فورماتسياسىنداعى ەڭبەكشىلەردىڭ ۇقىق - مۇددەسىن قامتاماسىزداندىرۋدى كۇشەيتۋ كەرەك. كاسىپ سالاسى، جۇمىستاندىرۋ سياقتى سۇيەمەلدەۋ ساياساتتارىن ويداعىداي تياناقتاندىرىپ، كولەمدى قايتا كەدەيلەسۋ، كەدەيلەسۋ جاعدايىنىڭ تۋىلماۋىنا كەپىلدىك ەتىپ، قيىنشىلىعى بار بۇقارانىڭ نەگىزگى تۇرمىسىن قامتاماسىزداندىرۋ كەرەك. مىندەتتى وقۋ - اعارتۋدىڭ ساپالى، بىركەلكى دامۋىن ىلگەرىلەتىپ، ساپالى تولىق كۋرستىڭ كولەمىن كەڭەيتۋدى تىڭعىلىقتى ىلگەرىلەتۋ كەرەك. ەمدەۋ، دەنساۋلىق ساقتاۋدا نەگىزدى كۇشەيتۋ ينجەنەرياسىن اتقارىپ، تۋىتتى جەبەۋ ساياساتىن بەلگىلەۋ كەرەك. الەۋمەتتىك اۋماق قولداۋ كورسەتەتىن قارتتاردى ۇيدە كۇتىمدەۋ ءىسىن دامىتىپ، جالپىعا ءتيىمدى قارتتاردى كۇتىمدەۋ قىزمەت وتەۋىن كەڭەيتۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، الەۋمەتتىك حاۋىپسىزدىك جۇيەسىن باسقارۋدى كۇشەيتۋ كەرەك.

ءماجىلىس بىلاي دەپ اتاپ كورسەتتى: پارتيا ورتالىق كوميتەتىنىڭ جاعداي جونىندەگى عىلمي تۇجىرىمى ارقىلى يدەيانى، ەرىك - جىگەردى، ارەكەتتى بىرلىككە كەلتىرىپ، ءارى اۋقىمدى يگەرىپ، سەنىمدى بەكەمدەۋ، ءارى قيىنشىلىققا دۇرىس قاراپ، سەرگەك بولۋ كەرەك. كەلەر جىلعى ەكونوميكالىق قىزمەتتىڭ جالپى تالابى مەن ساياساتتىق بەتالىسىن جاپپاي دايەكتىلەندىرىپ، نىسانا جاعىنان جەتەكتەۋگە ءمان بەرىپ، ارتۋدى ورنىقتىرۋدىڭ، جۇمىستانۋدى ورنىقتىرۋدىڭ جانە زات باعاسىن ۇيلەسىمدى جوعارىلاتۋدىڭ ساپالى بىرىگۋىن كۇش سالا جۇزەگە اسىرۋ؛ ساياساتتىق بەتالىستى يگەرىپ، ۋاقىت مەزەتىنە، قىزمەت تەبىنىنە ءمان بەرىپ، ءتۇرلى قىزمەتتەردى ەرتە باستان ىستەپ، مىقتى يگەرىپ، جەتكىلىكتى تەبىنگە كەپىلدىك ەتۋ؛ جۇيەلى وي جەلىسىن كۇشەيتىپ، ءتۇرلى ساياساتتار مەن رەفورما جاساپ، ەسىك اشۋ شارالارىنىڭ سايكەسۋىنە، سەلبەسۋىنە ءمان بەرىپ، ساياساتتىڭ ونىمدىلىگىن ارتتىرۋ كەرەك. كەلەر جىلعى ەكونوميكالىق قىزمەتتىڭ ءتۇيىندى مىندەتتەرىن ويداعىداي ورىنداۋدى مىقتاپ يگەرىپ، سۇرانىستىڭ جەتەرسىزدىگىنە باعىتتاي وتىرىپ، ىشكى سۇرانىستى، اسىرەسە، تۇرعىنداردىڭ تۇتىنۋ قاجەتىن كۇش سالا سەرپىلتۋ؛ دامۋعا تۇساۋ بولىپ وتىرعان تەرەڭ قاتپارلى كەدەرگىلەر مەن سىرتقى سىن - سايىسقا قاراتا، رەفورمانى تاباندىلىقپەن تەرەڭدەتىپ، ەسىك اشۋدى كەڭەيتۋ؛ كاسىپ سالاسىنىڭ تيبىن وزگەرتىپ، دارەجەسىن جوعارىلاتۋداعى بوگەتتىك شەكتەمەلەرگە قاراتا، جاڭا، كونە قوزعاۋشى كۇشتەردىڭ ورنىقتى جالعاسۋىن، اۋىسۋىن ىلگەرىلەتۋ؛ كاسىپورىنداردىڭ شارۋاشىلىق بارىسىنداعى كوڭىل ءبولىپ وتىرعان تالاپ - تىلەگىنە قاراتا، ساياساتتىق قولداۋدى كۇشەيتۋ جانە باقىلاۋ - باسقارۋ، قىزمەت وتەۋدى ساپالىلاندىرۋ؛ ءتۇيىندى سالالارداعى حاۋىپ - قاتەر مەن كومەسكى كىناراتتارعا قاراتا، حاۋىپ - قاتەردى ءبىر جاقتى ەتۋدى ۇزدىكسىز كۇش سالا ىلگەرىلەتۋ كەرەك. تياناقتاندىرۋدى يگەرۋدىڭ ونىمدىلىگىن بارىنشا جوعارىلاتىپ، نەگىزگى ساتىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، جوعارى ساپالى دامۋدى ىلگەرىلەتۋدىڭ بىرىككەن كۇشىن اناعۇرلىم ويداعىداي ۇيىستىرۋ كەرەك.

ءماجىلىس بىلاي دەپ باسا دارىپتەدى: پارتيانىڭ ەكونوميكالىق قىزمەتكە باسشىلىعىن كۇشەيتىپ، ىستەۋدى ماڭداي الدى ورىنعا قويۋدان جازباي، سەنىمدى كۇشەيتىپ، قيىندىقتان تايسالماي العا ۇمتىلىپ، قايراتتانا ءىس تىندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتانۋىنا شىنايى كەپىلدىك ەتۋ كەرەك. دۇرىس باعىتتا شابىتتاندىرۋدى كۇشەيتىپ، ءىس تىندىرىپ، ناتيجە شىعارۋدىڭ ىشكى قوزعاۋشى كۇشىن قاۋلاتۋ كەرەك. نەگىزگى ساتىنىڭ اۋىرتپالىعىن شىنايى جەڭىلدەتىپ، ءىس تىندىرعىسى كەلەتىن، ءىس تىندىرا الاتىن كادرلاردىڭ ءىس ىستەي الۋىنا، ءىس تىندىرۋىنا مۇمكىندىك جاساۋ كەرەك. شىرىكتەسۋدى تاباندىلىقپەن جازالاپ، ءادىل، ادىلەتتى بازار ورتاسىن، ستيلى پاك، سالتى دۇرىس شارۋاشىلىق - ساۋدا ورتاسىن ساقتاۋ كەرەك. شىندىققا جۇگىنىپ، ناقتى ءىس ىستەۋگە تاباندى بولىپ، جوعارىداعىلارعا قىزۋ بەينە كورسەتىپ، تومەندەگىلەرگە جاۋاپتى بولمايتىن، ناقتى ونىمدىلىكتى ويلاستىرمايتىن فورماشىلدىققا، تورەشىلدىككە باتىل قارسى تۇرۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، ءوندىرىس حاۋىپسىزدىگىن ويداعىداي يگەرىپ، قوعام حاۋىپسىزدىگى شىرعالاڭدارىنان ءونىمدى ساقتانۋ جانە وعان دەر كەزىندە توتەپ بەرۋ كەرەك. سايكەسۋدى، ىقپالداسۋدى كۇشەيتىپ، ورىنشىلدىققا قارسى تۇرىپ، تياناقتاندىرۋدى يگەرۋدىڭ بىرىككەن كۇشىن قالىپتاستىرۋ كەرەك. مەجەلى باسقارۋدى كۇشەيتىپ، ساياساتتى اتقارۋ مەن مەجەلى جەتەكشىلىكتى سايكەستى ىلگەرىلەتىپ، ساياساتتىڭ جەتەكشىلىك قۋاتىن، ىقپال قۋاتىن جوعارىلاتۋ كەرەك. سونىمەن بىرگە، دۇنيە ءجۇزىنىڭ، مەملەكەتتىڭ، پارتيانىڭ جاعدايىن، قوعامنىڭ جاعدايىن دۇرىس مەڭگەرىپ، ستراتەگيالىق جوسپاردى كۇشەيتىپ، ورتالىقتىڭ ”15 - بەسجىلدىق“ پلانى مەن ۇسىنىسىن ويداعىداي جاساۋ كەرەك.

ءماجىلىس مىنالاردى تالاپ ەتتى: جىل سوڭى، جىل باسىندا حالىق تۇرمىسىن قامتاماسىز ەتۋ جانە حاۋىپسىزدىك، ورنىقتىلىق قىزمەتتەرىن ويداعىداي ىستەپ، ءتۇرلى قايشىلىقتار مەن داۋ - شاردى جانە حاۋىپ - قاتەردى، كومەسكى كىناراتتاردى ىشكەرىلەي ءبىر - بىرلەپ تەكسەرىپ، شەشىپ، قوعامدىق جالپى جاعدايدىڭ ورنىقتىلىعىنا شىنايى كەپىلدىك ەتۋ كەرەك.

ءماجىلىس بۇكىل پارتيانى، بۇكىل ەلدى، بۇكىل قوعامدى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءماجىلىستىڭ ورنالاستىرۋلارىن مۇقيات تياناقتاندىرىپ، ەكونوميكالىق، قوعامدىق دامۋدىڭ نىسانا - مىندەتتەرىن جاپپاي ورىنداپ، جوعارى ساپالى دامۋدىڭ ءىس جۇزىندىك ونىمدىلىگى ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە ۇندەدى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار، سونداي - اق ورتالىق اسكەري ىستەر كوميتەتىنىڭ مۇشەلەرى قاتارلىلار ماجىلىسكە قاتىناستى.

ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق باسقاراتىن ءبىر ءبولىم فينانس قۇرىلىمدارى مەن كاسىپورىندارداعى، ورتالىق اسكەري ىستەر كوميتەتى ورگانىنىڭ ءارقايسى تاراۋىنداعى نەگىزگى جاۋاپتى جولداستار قاتارلىلار ماجىلىسكە قاتىناستى.

كەلۋ قاينارى: حالىق تورابى