بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2024.12.13 20:19 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 12 - كۇنى، بەيجيڭ. 12 - ايدىڭ 11 - كۇنى مەملەكەت ءتوراعاسى شي جينپيڭ ا ق ش - جۇڭگو ساۋدا مەملەكەتتىك كوميتەتىنىڭ 2024 - جىلعى قۇتتىقتاۋ قوناعاسىنا قۇتتىقتاۋ حات جولداپ، كوميتەتتى جانە بارلىق مۇشەنى قۇتتىقتادى، جۇڭگو مەن ا ق ش - نىڭ ەكونوميكا - ساۋدا سەلبەستىگىنە ۇزاق ۋاقىت كوڭىل بولگەن جانە قولداۋ كورسەتكەن ا ق ش - نىڭ ءار سالا قايراتكەرلەرىنە ىقىلاستى سالەم جولدادى.
شي جينپيڭ بىلاي دەپ اتاپ كورسەتتى: جۇڭگو - ا ق ش قارىم - قاتىناسى _ دۇنيە جۇزىندەگى ەڭ ماڭىزدى ەكى جاقتى قارىم - قاتىناستىڭ ءبىرى، ەكى ەل حالىقتارىنىڭ ءتول مۇددەسىنە دە، ادامزاتتىڭ بولاشاعى مەن تاعدىرىنا دا سايادى. جۇڭگو مەن ا ق ش سەلبەسسە ەكى جاققا دا ءتيىمدى، بەلدەسسە ەكى جاققا دا زيان جەتكىزەدى، قارسىلاسۋ ەمەس، قايتا پىكىرلەسۋدى تاڭداۋ، نولدىك جيىنتىق ويىنا سالىنباي، ءوزارا ءتيىمدى سەلبەستىك ورىستەتۋ كەرەك. جۇڭگو جاق ا ق ش جاقپەن قارىم - قاتىناستى ساقتاپ، سەلبەستىكتى كەڭەيتىپ، الاۋىزدىقتاردى تەجەپ، جاڭا داۋىردەگى ەكى ەلدىڭ دۇرىس قارىم - قاتىناس جولىن ۇزدىكسىز قاراستىرىپ، جۇڭگو مەن ا ق ش - نىڭ وسى پلانەتادا ۇزاق ۋاقىت بەيبىت قاتار ءومىر ءسۇرۋىن جۇزەگە اسىرىپ، ەكى ەلگە باقىت جاراتىپ، دۇنيە جۇزىنە پايدا جەتكىزۋدى قالايدى.
شي جينپيڭ بىلاي دەپ باسا دارىپتەدى: جۇڭگو - ا ق ش ەكونوميكا - ساۋدا قارىم - قاتىناسى _ ەكى ەل قارىم - قاتىناسىنىڭ ماڭىزدى قۇرامداس بولىگى. ەكى ەلدىڭ مۇددەسى ىشكەرىلەي توعىستى، سەلبەستىك كەڭىستىگى شەكسىز كەڭ. ەكى جاق تەڭ تۇرعىدا كەڭەسۋ ارقىلى الاۋىزدىقتاردى ۇيلەسىمدى ءبىر جاقتى ەتىپ، ءبىرىن - ءبىرى تولىقتاۋ ابزالدىعىن ساۋلەلەندىرىپ، سەلبەستىك بالكۇلشەسىن ۇلكەيتىپ، ءوز تابىسىن ءبىر - ءبىرىنىڭ سايىسىنا ەمەس، ورايىنا اينالدىرىپ، ەكى جاقتىڭ دامۋىن ءبىر – ءبىرىنىڭ كەدەرگىسىنە ەمەس، قايتا دەمەۋشىسىنە اينالدىرۋى كەرەك.
شي جينپيڭ بىلاي دەپ اتاپ كورسەتتى: ەسىك اشۋ _ ادامزات وركەنيەتىنىڭ العا باسۋىنداعى ماڭىزدى قوزعاۋشى كۇش، ءار ەلدىڭ گۇلدەنۋىنىڭ، دامۋىنىڭ، ءسوزسىز، باسىپ وتەتىن جولى. رەفورما جاساپ، ەسىك اشۋ − جۇڭگو مەن دۇنيە ءجۇزىنىڭ بىرگە دامۋىنىڭ، العا باسۋىنىڭ تاريحي بارىسى. بىرنەشە ايدىڭ الدىندا جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ءماجىلىسى جۇڭگونىڭ رەفورمانى ونان ارى جاپپاي تەرەڭدەتۋى، جۇڭگو ۇلگىسىندەگى وسىزامانداندىرۋدى ىلگەرىلەتۋى جونىندە جۇيەلى ورنالاستىرۋ جاسادى. جۇڭگو سىرتقا ەسىك اشۋ سىندى نەگىزگى مەملەكەت ساياساتىنا باستان - اياق تاباندى بولىپ، ا ق ش كاسىپورىندارىن قامتىعان ءار ەل كاسىپورىندارىنا بازارلانعان، زاڭمەن باسقارىلاتىن، حالىقارالانعان ماڭداي الدى شارۋاشىلىق - ساۋدا ورتاسىن ۇزدىكسىز قالىپتاستىرىپ، ساۋدا، قارجى قوسۋدىڭ ەركىن، قولايلى بولۋىن ۇزدىكسىز جەبەپ، جۇڭگو ۇلگىسىندەگى وسىزامانداندىرۋدىڭ جاڭا تابىستارى ارقىلى دۇنيە جۇزىنە جاڭا وراي ازىرلەيدى. ا ق ش - جۇڭگو ساۋدا مەملەكەتتىك كوميتەتىنىڭ جانە ءار سالاداعى دوستاردىڭ جۇڭگو - ا ق ش قارىم - قاتىناسىنا ۇزدىكسىز كوڭىل ءبولىپ، قولداۋ كورسەتىپ، جۇڭگو ۇلگىسىندەگى وسىزامانداندىرۋ قۇرىلىسىنا بەلسەنە ات سالىسىپ، اشىق سەلبەستىكتىڭ، ءوزارا پايدا جەتكىزىپ، تەڭ يگىلىككە كەنەلۋدىڭ تىڭ داستانىن بىرگە جازىپ، جۇڭگو - ا ق ش قارىم - قاتىناسىنىڭ ورنىقتى، اقاۋسىز، باياندى دامۋىن ىلگەرىلەتۋگە تىڭ ۇلەس قوسۋىن ءۇمىت ەتەمىن.
سول كۇنى ا ق ش زۇڭتۇڭى بايدەن ا ق ش - جۇڭگو ساۋدا مەملەكەتتىك كوميتەتىنىڭ 2024 - جىلعى قۇتتىقتاۋ كەشكى قوناعاسىنا قۇتتىقتاۋ حاتىن جولدادى.
كەلۋ قاينارى: حالىق تورابى
