ەلىمىزدەگى ىسكە قوسىلعان جانە سالىنۋ ۇستىندەگى يادرولىق ەلەكتر ستانسيالارىنىڭ كولەمى دۇنيە ءجۇزى بويىنشا ءبىرىنشى ورىنعا جوعارىلادى 

شينحۋا اگەنتتىگىنىڭ ءتىلشىسى داي شياۋحى 12 – ايدىڭ 15 – كۇنى بەيجيڭنەن حابارلايدى. مەملەكەتتىك ەنەرگيا مەكەمەسىنىڭ ەڭ جاڭا ساناق مالىمەتىنە قاراعاندا، قازىر ەلىمىزدەگى ىسكە قوسىلعان جانە سالىنۋ ۇستىندەگى يادرولىق ەلەكتر ستانسيالارىنىڭ كولەمى دۇنيە ءجۇزى بويىنشا ءبىرىنشى ورىنعا جوعارىلاعان.

مەملەكەتتىك ەنەرگيا مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى ۋاڭ حۇڭجى 12 – ايدىڭ 15 – كۇنى اشىلعان 2025 – جىلعى مەملەكەتتىك ەنەرگيا قىزمەتى ماجىلىسىندە وسىلاي تانىستىردى.

ونىڭ ايتۋىنشا، 2024 – جىلى جياڭسۋداعى شۇيۋەي يادرو ەلەكتر ستانسياسى قاتارلى 5 نىسانداعى 11 ماشينا توبى تەكسەرىپ بەكىتۋدەن وتكىزىلدى، ەلىمىز بويىنشا ىسكە قوسىلعان جانە سالىنىپ جاتقان يادرولىق ەلەكتر ستانسيالارىنداعى ماشينا توبى 102 گە، سيىمدىلىق مولشەرى 113 ميلليون كيلوۋاتقا جەتىپ، ەلىمىز يادرولىق ەلەكتردەن پايدالانۋ جاعىندا دۇنيە ءجۇزى بويىنشا ءبىرىنشى ورىنعا شىقتى. 2025 – جىلى ەلىمىز تەڭىز جاعالاۋىنداعى شارت – جاعدايى جەتىلگەن جەرلەردە ءبىر توپ يادرولىق ەلەكتر نىسانىن تەكسەرىپ بەكىتەدى ءارى جۇمىس باستايدى، يادرولىق ەلەكتر ەلەكتر ستانسياسى ينجەنەريالىق قۇرىلىسىن ورنىقتى ىلگەرىلەتىپ، ”گوحى 1 – ءنومىرلى“ ۇلگى ينجەنەرياسى قاتارلى ماشينا توبىن قۇرىپ شىعادى. 2025 – جىلدىڭ سوڭىنا بارعاندا، ىسكە قوسىلعان يادرولىق ەلەكتر ستانسيالارىنىڭ سيىمدىلىعى 65 ميلليون كيلوۋاتقا جەتكىزىلەدى.

كەلۋ قاينارى: حالىق تورابى