پارتيانىڭ وزىندىك توڭكەرىسىن ىشكەرىلەي ىلگەرىلەتەيىك

شينحۋا اگەنتتىگى، 12 - ايدىڭ 15 - كۇنى، بەيجيڭ. 12 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 24 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيانىڭ وزىندىك توڭكەرىسىن ىشكەرىلەي ىلگەرىلەتەيىك» اتتى ماڭىزدى ماقالاسى جاريالانادى.

ماقالادا بىلاي دەپ باسا دارىپتەلدى: پارتيامىز دۇنيە جۇزىندەگى ەڭ ۇلكەن ماركسيزمدىك بيلىكتى پارتيا رەتىندە، تىنىشتىق - بىلىقپالىق، گۇلدەنۋ - قۇلدىراۋ سىندى تاريح پەريودىنان قالاي ءساتتى اتتاپ ءوتىپ، پارتيانىڭ ماڭگى ساپاسىن وزگەرتپەۋىنە كەپىلدىك ەتە الادى؟ بۇل − بۇكىل پارتياداعى جولداستاردىڭ الدىنا قويىلعان ستراتەگيالىق ماسەلە. پارتيا 18 - قۇرىلتايىنان بەرى پارتيانى جاپپاي قاتاڭ باسقارۋدى ىلگەرىلەتۋدىڭ ۇلى امالياتى بارىسىندا، ءبىز امالياتتىق ىزدەنىستى جانە نازاريالىق وي جۇگىرتۋدى ۇزدىكسىز جۇرگىزىپ، ماۋ زىدۇڭ جولداستىڭ كەزىندەگى ”حالىققا ۇكىمەتتى باقىلاتۋ“ دەگەن ءبىرىنشى جاۋابى نەگىزىندە، ەكىنشى جاۋاپتى بەردىك، مۇنىڭ ءوزى پارتيانىڭ وزىندىك توڭكەرىسىن ۇزدىكسىز ىلگەرىلەتۋ ەدى.

ماقالادا بىلاي دەپ كورسەتىلدى: جاڭا ءداۋىردىڭ 10 جىلىنداعى پارتيانى جاپپاي قاتاڭ باسقارۋدىڭ امالياتى مەن نازاريالىق ىزدەنىسى بارىسىندا ءبىز پارتيانىڭ وزىندىك توڭكەرىسى جونىندەگى تانىمىمىزدى ۇزدىكسىز تەرەڭدەتىپ، مول امالياتتىق تاجىريبە توپتاپ، ءبىرقىدىرۋ ماڭىزدى نازاريالىق جەتىستىك قالىپتاستىرىپ، پارتيامىز نە ءۇشىن وزىندىك توڭكەرىس جۇرگىزەدى، نە ءۇشىن وزىندىك توڭكەرىس جۇرگىزە الادى، وزىندىك توڭكەرىستى قالاي ىلگەرىلەتۋ كەرەك دەگەن سياقتى كەلەلى ماسەلەلەرگە جۇيەلى جاۋاپ بەردىك.

ماقالادا بىلاي دەپ كورسەتىلدى: پارتيامىز ىزدەنىس جاساعان مۇرات وسكەلەڭ جانە قاسيەتتى، ۇستىنە العان بورىش جاپالى جانە اۋىر، تەك عاسىر دامۋىنىڭ تالابى بويىنشا ءوزىن قاداعالاپ، كۇشتى تاۋقىمەت تانىمىمەن ءوزىن سەرگەك ۇستاپ، وزىندىك توڭكەرىس رۋحىمەن ءوزىن تۇلعالاپ، باسشىلىق قابىلەتى مەن بيلىك جۇرگىزۋ ورەسىن ۇزدىكسىز جوعارىلاتقاندا عانا، باستان - اياق پارتيانىڭ سيپاتىن وزگەرتپەۋگە، ءتۇسىن وزگەرتپەۋگە، قاسيەتىن وزگەرتپەۋگە كەپىلدىك ەتۋگە بولادى، پارتيامىز باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيىتقىسى بولا الادى. سونىمەن بىرگە، جاعدايدىڭ، مىندەتتىڭ، سىرتقى ورتانىڭ وزگەرۋىنە جانە پارتيا مۇشەلەرى قوسىنىنىڭ وزىندىك وزگەرىسىنە ساي، پارتيا ىشىندە ءتۇرلى قايشىلىقتار مەن ماسەلەلەردىڭ تۋىلۋىنان ساقتانۋ قيىن ەكەندىگىن كورە ءبىلىپ، ءسوز جوق، پىشاقتىڭ ءدۇزىن ىشكە قاراتۋ باتىلدىعىمەن ءتۇرلى كەرەناۋ ىقپالداردى دەر كەزىندە جويىپ، پارتيانىڭ باستان - اياق جالىندى تىرشىلىك تىنىسى مەن جالىندى ومىرشەڭدىك كۇشكە يە بولۋىنا شىنايى كەپىلدىك ەتۋ كەرەك. پارتيانىڭ وزىندىك توڭكەرىسىن نە ءۇشىن ىلگەرىلەتۋدىڭ قاعيداسى مىنە، وسىندا.

ماقالادا بىلاي دەپ اتاپ كورسەتىلدى: وزىندىك توڭكەرىسكە باتىل بولۋ − پارتيامىزدىڭ ەڭ ايقىن قاسيەتى جانە ەڭ ۇلكەن ابزالدىعى. پارتيانىڭ سيپاتى، نەگىزگى ماقساتى، اۋەلگى ماقساتى مەن بورىشى پارتيامىزدىڭ باستان - اياق قالىڭ حالىقتىڭ ءتۇبىرلى مۇددەسىنە ۋاكىلدىك ەتۋىن بەلگىلەدى. جەكە مۇددەنى كوزدەمەگەندە وزىنە تۇبەگەيلى توڭكەرىس جاساۋ رۋحى بولادى، نەگىزدى كوزدەۋگە، جالپىلىق مۇددەنى كوزدەۋگە، اقيقاتقا تاباندى بولۋعا، قاتەلىكتى تۇزەتۋگە، ءوزىن تەكسەرۋگە باتىلدىق ەتىپ، وتكىزگەن قاتەلىكتەرى جونىندە ۇنەمى تولعانۋعا؛ اۋرۋىن جاسىرماۋعا، ەمدەلۋدەن باس تارتپاۋعا، وزىندە ساقتالعان ماسەلەلەردى دەر كەزىندە بايقاۋعا جانە شەشۋگە بولادى، سوندا عانا بارلىق مۇددە توپتارىنىڭ، بيلىك توپتارىنىڭ، ەرەكشە ۇقىق توپتارىنىڭ ”قورشاپ اۋلاۋ“ ازدىرۋىنا پارمەندى سوققى بەرۋگە بولادى. بۇل − پارتيامىزدىڭ العاباسارلىقتى، كىرشىكسىزدىكتى باستان - اياق ساقتاۋىنىڭ سىرى ءارى پارتيامىزدىڭ وزىندىك توڭكەرىستى ىلگەرىلەتە الۋىنىڭ نەگىزى.

ماقالادا بىلاي دەپ باسا دارىپتەلدى: پارتيانىڭ وزىندىك توڭكەرىسىن ىشكەرىلەي ىلگەرىلەتۋدە اماليات بارىسىندا مىنا ماسەلەلەردى ويداعىداي يگەرۋ قاجەت. ءبىرىنشى، پارتيا ورتالىق كوميتەتىنىڭ ورتالىقتانعان ءبىرتۇتاس باسشىلىعىنا تاباندى بولۋدى ءتۇبىرلى كەپىل ەتۋ. ەكىنشى، ۇلى قوعامدىق توڭكەرىسكە جەتەكشىلىك ەتۋدى ءتۇبىرلى ماقسات ەتۋ. ءۇشىنشى، جاڭا داۋىردەگى جۇڭگوشا سوتسياليزم يدەياسىن ءتۇبىرلى تياناق ەتۋ. ءتورتىنشى، تاريحي پەريودتان اتتاپ شىعۋدى ستراتەگيالىق نىسانا ەتۋ. بەسىنشى، ۇلكەن پارتيانىڭ وزىندە عانا بولاتىن قيىن ماسەلەلەردى شەشۋدى نەگىزگى قامال الۋ باعىتى ەتۋ. التىنشى، پارتيانى جاپپاي قاتاڭ باسقارۋ جۇيەسىن كەمەلدەندىرۋدى ءونىمدى جول ەتۋ. جەتىنشى، ۇيىمدى كۇشەيتىپ، ىسىلعان قوسىن قۇرۋدى ماڭىزدى كۇش سالۋ ءتۇيىنى ەتۋ. سەگىزىنشى، ستيلدى دۇرىستاپ، ءتارتىپتى قاتايتۋدى ماڭىزدى تۇتقا ەتۋ. توعىزىنشى، ءوزىن - ءوزى باقىلاۋ مەن حالىقتىڭ باقىلاۋىن ۇشتاستىرۋدى قۇدىرەتتى قوزعاۋشى كۇش ەتۋ.

ماقالادا بىلاي دەپ اتاپ كورسەتىلدى: امالياتتىڭ دامۋىندا شەك بولمايدى، نازاريادا جاڭالىق اشۋدا دا شەك بولمايدى. يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا باسۋعا، دۇرىس جولدان تايماي جاڭالىق اشۋعا تاباندى بولىپ، امالياتتىق ىزدەنىس پەن نازاريالىق جاڭالىق اشۋدى ۇزدىكسىز جۇرگىزىپ، پارتيانىڭ وزىندىك توڭكەرىسىنىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، پارتيانىڭ وزىندىك توڭكەرىس جاساۋ وي جەلىسى مەن شارالارىن اناعۇرلىم قاتايتىپ، ءاربىر شەپتەگى، ءاربىر بۋىنداعى وزىندىك توڭكەرىستى ناقتى، ىشكەرىلەي يگەرۋ كەرەك.

كەلۋ قاينارى: حالىق تورابى