پـارتـيـا ءتـارتـىـبـىـن ۇيـرەنـۋ تـاربـيـەسـىـنـىـڭ جـەتىستىكتەرىن بەكەمدەپ، تەرەڭدەتىپ، پارتيانىڭ ءتارتىپ قۇرىلىسىن كۇشەيتۋدە ۇلگىلىك، جەتەكشىلىك رولىن ساۋلەلەندىرۋ كەرەك

12 - ايدىڭ 26 - كۇنىنەن 27 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى ساياسي بيۋروسى دەموكراتيالىق تۇرمىس جيىنىن اشتى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

12 - ايدىڭ 26 - كۇنىنەن 27 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى ساياسي بيۋروسى دەموكراتيالىق تۇرمىس جيىنىن اشتى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

شينحۋا اگەنتتىگى، 12 - ايدىڭ 27 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 12 - ايدىڭ 26 - كۇنىنەن 27 - كۇنىنە دەيىن دەموكراتيالىق تۇرمىس جيىنىن اشتى، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا ءتارتىبىن ۇيرەنۋ تاربيەسىنىڭ جەتىستىكتەرىن بەكەمدەۋدى، تەرەڭدەتۋدى، پارتيا ءتارتىبى تاربيەسىنىڭ تەجەۋ جانە قامتاماسىزداندىرۋ، شابىتتاندىرۋ رولىن جان - جاقتى ساۋلەلەندىرۋدى ارقاۋ ەتىپ، ءتارتىپ جازاسى ەرەجەسىن ۇيرەنۋ، دايەكتىلەندىرۋ، ورتالىقتىڭ سەگىز ءتۇرلى بەلگىلەمەسىن تياناقتاندىرۋ جاعدايىن تەكسەرۋدىڭ ماڭىزدى مازمۇنى ەتىپ، يدەيامەن جانە قىزمەت ءىس جۇزىندىگىمەن ۇشتاستىرىپ، ءوزىن تەكسەرىپ، پارتيالىلىق تالداۋ جاساپ، سىن جانە ءوز - وزىنە سىن ورىستەتتى.

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ءارى ماڭىزدى ءسوز سويلەدى.

جيىننان بۇرىن قاتىستى جاقتار مۇقيات دايىندىق جاسادى. ورتالىق كوميتەت ساياسي بيۋروسىنداعى جولداستار قاتىستى جاۋاپتى جولداستارمەن سىرلاسىپ، اڭگىمەلەسىپ، پىكىر - ۇسىنىستاردى تىڭداپ، سويلەيتىن سوزدەرىنىڭ تەزيسىن دايىندادى. جيىندا الدىمەن 2024 - جىلعى ورتالىق كوميتەت ساياسي بيۋروسىنىڭ ورتالىقتىڭ سەگىز ءتۇرلى بەلگىلەمەسىن دايەكتىلەندىرۋ، اتقارۋ جاعدايى جونىندەگى بايانداما جانە 2024 - جىلعى فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ قىزمەتى جاعدايى جونىندەگى بايانداما تىڭدالدى. ورتالىق كوميتەت ساياسي بيۋروسىنداعى جولداستار ءبىر - بىردەن ءسوز سويلەپ، جيىن نەگىزگى تاقىرىبىن ارقاۋ ەتىپ، «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىمەن»، «جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ جانە قورعاۋ جونىندەگى ءبىرقانشا بەلگىلەمەسىمەن»، «جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ورتالىقتىڭ سەگىز ءتۇرلى بەلگىلەمەسىن دايەكتىلەندىرۋدى، تياناقتاندىرۋدى اتقارۋ ەگجەي - تەگجەيلى ەرەجەسىمەن» سالىستىرىپ، مۇقيات تەكسەرىپ، ماسەلەلەردى ورتاعا قويدى، تەرەڭ تالداۋ جاسادى، ويىن اقتارىلا ايتىپ، بۇكپەسىز سويلەستى، جيىن رايى قاتاڭ دا جاندى بولىپ، كوزدەگەن ونىمدىلىككە جەتتى.

ورتالىق كوميتەت ساياسي بيۋروسىنداعى جولداستاردىڭ ءسوزى 5 ماڭىزدى تۇيىنگە شوعىرلاندى. ءبىرىنشى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدا اناعۇرلىم تاباندى بولۋ كەرەك؛ ەكىنشى، حالىققا قىزمەت وتەۋ، حالىقتى باقىتقا كەنەلتۋ سىندى قۇن تالپىنىسىن اناعۇرلىم بەكەمدەۋ كەرەك؛ ءۇشىنشى، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرۋدا اناعۇرلىم تاباندى بولۋ كەرەك؛ ءتورتىنشى، باستاماشىلدىقپەن ءتارتىپتى ۇيرەنۋگە، ءتارتىپتى بىلۋگە، ءتارتىپتى ايقىنداۋعا، تارتىپكە بويسۇنۋعا اناعۇرلىم تاباندى بولۋ كەرەك؛ بەسىنشى، پارتيانى قاتاڭ باسقارۋ، پارتيانى قاتاڭ جونگە سالۋ ساياسي جاۋاپكەرشىلىگىن اناعۇرلىم بەكەمدەۋ كەرەك.

جيىن مىنالاردى باسا دارىپتەدى: بيىل جىل باسىنان بەرى ەل ءىشى - سىرتى جاعدايى اكەلگەن سىن - سايىسقا مەڭزەس، پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، وزگەرىسكە بايىپتىلىقپەن توتەپ بەرىپ، كەشەندى شارا قولدانىپ، ەكونوميكالىق، قوعامدىق دامۋدىڭ باستى نىسانا - مىندەتتەرىن ءساتتى ورىنداپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستادى. حالىق تۇرمىسىن تىڭعىلىقتى، پارمەندى قامتاماسىز ەتىپ، قوعامدىق كەلەلى جاعدايدىڭ ورنىقتىلىعىن ساقتاپ، سوتسياليستىك دەموكراتيالىق زاڭمەن باسقارۋ قۇرىلىسىن ىلگەرىلەتۋدە تىڭ ونىمدىلىكتەرگە قول جەتكىزىپ، جۇڭگوشا ءىرى ەل ديپلوماتياسىندا جاڭا جاعداي اشىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتتى. بۇل ناتيجەلەر وڭاي - وسپاق قولعا كەلگەن جوق.

ورتالىق كوميتەت ساياسي بيۋروسىنداعى جولداستار ءبىر اۋىزدان بىلاي دەپ قارادى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى − بارلىق قىزمەتتى ويداعىداي ىستەۋدىڭ ءتۇبىرلى كەپىلى، جۇڭگو ۇلگىسىندەگى وسىزامانداندىرۋ كەمەسىنىڭ تولقىن جارا العا ىلگەرىلەپ، ورنىقتى قاداممەن الىسقا جەتۋىنە شىنايى كەپىلدىك ەتەدى. بۇكىل پارتيا، ءسوز جوق، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتىنىڭ باعىت - ساياساتتارى مەن قىزمەت ورنالاستىرۋلارىن بۇلجىماي دايەكتىلەندىرۋى، تياناقتاندىرۋى كەرەك. كەلەر جىل − ”14 - بەسجىلدىق“ جوبا اياقتالاتىن جىل، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى تىڭعىلىقتى ىلگەرىلەتىپ، رەفورمانى ونان ارى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، ەكونوميكانىڭ ۇزدىكسىز قايتا ورلەۋىن، جاقسارۋىن ىلگەرىلەتىپ، حالىقتىڭ تۇرمىس دەڭگەيىن ۇزدىكسىز جوعارىلاتىپ، قوعامنىڭ جاراسىمدىلىعىن، ورنىقتىلىعىن ساقتاپ، بۇلجىماي پارتيانى جاپپاي قاتاڭ باسقارىپ، ”14 - بەسجىلدىق“ جوباداعى نىسانا - مىندەتتەردى جوعارى ساپامەن ورىنداپ، ”15 - بەسجىلدىق“ جوبانىڭ تاماشا باستاماسىن جۇزەگە اسىرۋعا بەرىك نەگىز قالاۋ كەرەك.

شي جينپيڭ ورتالىق كوميتەت ساياسي بيۋروسىنداعى ءاربىر جولداستىڭ سالىستىرىپ تەكسەرۋ سوزىنە ءبىر - بىردەن باعا بەردى، ءبىر - بىردەن تالاپ قويدى ءارى قورىتىندى جاسادى. ول بىلاي دەپ اتاپ كورسەتتى: ورتالىق كوميتەت ساياسي بيۋروسىنىڭ وسى رەتكى دەموكراتيالىق تۇرمىس جيىنى وتە ءونىمدى اشىلىپ، يدەيا اۋىستىرۋ، ماسەلەنى قاداعالاۋ، بەتالىستى ايقىنداۋ ماقساتىنا جەتتىك، بۇل ورتالىق كوميتەت ساياسي بيۋروسىنىڭ ىنتىماقتى نىعايتۋىنا، قىزمەتتى جاقسارتۋىنا، بورىش ارقالاۋىنا پايدالى.

شي جينپيڭ بىلاي دەپ باسا دارىپتەدى: وسى رەتكى پارتيا ءتارتىبىن ۇيرەنۋ تاربيەسىندە ءىشىنارا پارتيا مۇشەلەرىنىڭ، كادرلاردىڭ پارتيانىڭ ەرەجە - ءتارتىبىن كوڭىل تورىنە قويماۋى، تۇسىنبەۋى، يگەرمەۋى سياقتى ماسەلەلەر كۇش سالا شەشىلىپ، ءار دارەجەلى پارتيا ۇيىمدارى مەن باسشىلىق القالارىنىڭ پارتيانىڭ ءتارتىپ قۇرىلىسىن قاتاڭ يگەرۋى ىلگەرىلەتىلىپ، قالىڭ پارتيا مۇشەلەرىنىڭ، كادرلاردىڭ سانالى تۇردە ادال بولۋى، كىرشىكسىز بولۋى، جاۋاپكەرشىلىك ارقالاۋى ىلگەرىلەتىلىپ، كورنەكتى ونىمدىلىككە قول جەتتى. قالىڭ پارتيا مۇشەلەرىنىڭ، كادرلاردىڭ ءتارتىپ، قاعيدا تانىمى، پاك، تارتىپشەڭ بولۋ تانىمى شىنايى كۇشەيىپ، جاۋاپكەرشىلىك ارقالاپ ىسكەرلىك كورسەتىپ، ءىس تىندىرىپ ناتيجە جاراتۋ ىشكى قوزعاۋشى كۇشى ونان ارى قاۋلاپ، قاتاڭ نەگىزگى اۋەن، قاتاڭ شارا، قاتاڭ اۋقىم اناعۇرلىم كۇشەيىپ، فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ ونىمدىلىگى اناعۇرلىم كورنەكتىلەندى.

شي جينپيڭ بىلاي دەپ اتاپ كورسەتتى: پارتيالىلىق جەتىلىمى جاقسى، پارتيالىلىعى كۇشتى بولسا، پارتيا تارتىبىنە بويسۇنۋدا اناعۇرلىم سانالى بولادى. باسشى كادرلار پارتيالىلىقتى شىڭداۋدى، يدەيالىق سانانى جوعارىلاتۋدى ومىرلىك تاقىرىپ ەتىپ، ءومىر بويى ۇيرەنىپ، ءومىر بويى جەتىلۋى كەرەك. ساياسي جەتىلىمدى پارتيالىلىق جەتىلىمدە ماڭداي الدى ورىنعا قويىپ، پارتيانىڭ جاسامپاز نازارياسىنان پارتيالىلىق ءنار الىپ، پارتيا ۋستاۆىن، پارتيا ەرەجەسىن، پارتيا ءتارتىبىن ۇيرەنۋدى، وعان بويسۇنۋدى، ونى دايەكتىلەندىرۋدى پارتيالىلىق جەتىلىمنىڭ ماڭىزدى مازمۇنى ەتۋ كەرەك. ورتالىق كوميتەت ساياسي بيۋروسىنداعى جولداستار ماركسيزمدىك ساياساتشى ولشەمى بويىنشا وزىنە قاتاڭ تالاپ قويۋعا تاباندى بولىپ، پارتيانىڭ جاسامپاز نازارياسىن باستاماشىلدىقپەن ۇيرەنىپ، دەموكراتيالىق ورتالىقتاندىرۋ ءتۇزىمىن باستاماشىلدىقپەن اتقارىپ، سىن جانە ءوز - وزىنە سىندى باستاماشىلدىقپەن ورىستەتىپ، پارتيا ءتارتىبى مەن قاعيداسىنا باستاماشىلدىقپەن قاتاڭ بويسۇنىپ، پارتيانىڭ تاڭداۋلى ءداستۇرى مەن ستيلىن باستاماشىلدىقپەن اسقاقتاتىپ، شىن مانىندە مۇرات - سەنىمدى بەكەمدەپ، پارتياعا قالتقىسىز ادال بولىپ، پارتيا مەن حالىق ىستەرى ءۇشىن جانقيارلىقپەن ۇلەس قوسۋلارى كەرەك.

شي جينپيڭ بىلاي دەپ باسا دارىپتەدى: پارتيا ءتارتىبىنىڭ تاربيەلەۋ، تەجەۋ فۋنكتسياسى دا، قامتاماسىز ەتۋ، ىنتالاندىرۋ رولى دا بار. پارتيا ءتارتىبى مەن ءىس تىندىرىپ ناتيجە جاراتۋ ىشكى بىرلىككە يە. ءتارتىپ ءارى سوقتىعۋعا بولمايتىن تومەنگى شەك پەن شەكارانى ايقىندادى، ءارى پارتيا مۇشەلەرىنىڭ، كادرلاردىڭ كىرشىكسىز ىستەۋىنە، باتىلدىقپەن ءىس تىندىرۋىنا ارەكەت ولشەمىن ازىرلەدى. ەرەجەگە، تارتىپكە بويسۇنعاندا، ءىس تىندىرىپ ناتيجە جاراتۋدىڭ تولىق ەركىندىگى مەن كەڭ ورىسىنە يە بولۋعا بولادى. ورتالىق كوميتەت ساياسي بيۋروسىنداعى جولداستار ۇلگى ورناتىپ، ونەگە كورسەتىپ، ەرەجەگە، تارتىپكە بويسۇنۋدىڭ، ءىس تىندىرىپ، ناتيجە جاراتۋدىڭ ۇلگىسى بولىپ قانا قويماي، ونىڭ ۇستىنە ايقىن باعدار ورناتىپ، باتىلدىقپەن جاۋاپكەرشىلىك ارقالاعاندارعا قولداۋ كورسەتىپ، دەم بەرىپ، قايراتتانا العا ۇمتىلاتىن، ەرلىكپەن العا باساتىن جالىندى جاعداي قالىپتاستىرۋدى ىلگەرىلەتۋى كەرەك.

شي جينپيڭ بىلاي دەپ اتاپ كورسەتتى: پارتيا ءتارتىبى ۇقىقتى دۇرىس جۇرگىزۋگە، ۇقىعىنان پايدالانىپ قارا باسىنىڭ قامىن كۇيىتتەۋدىڭ الدىن الۋعا تومەنگى شەك سىزىپ، شەكتەلگەن رايون بەلگىلەدى، بۇل − پارتيا مۇشەلەرىنىڭ، كادرلاردىڭ پاك، كىرشىكسىز بولۋدى ساقتاۋداعى حاۋىپسىزدىك قورعانى. تارتىپتەن يمەنىپ، تارتىپكە بويسۇنعاندا عانا، ازدىرۋدان ساقتانۋعا، ءتۇرلى ۋىتتىڭ جايىلۋىنان ساقتانۋعا بولادى. شىرىكتەسۋدى تۋدىراتىن ورتا مەن شارت - جاعداي ءالى دە ءومىر سۇرەدى ەكەن، شىرىكتەسۋگە قارسى كۇرەس ماڭگى جالعاسادى. شىرىكتەسۋگە قارسى تۇرۋ كۇرەسىنىڭ جاعدايى جونىندە ەرەكشە سەرگەك بولۋ، پوزيتسيادا ەرەكشە باتىل بولۋ، استە بوساڭسىماۋ، استە كوڭىلشەكتىك ىستەمەۋ كەرەك. ورتالىق كوميتەت ساياسي بيۋروسىنداعى جولداستار اۋىر مىندەت ارقالاپ وتىر، ءسوز جوق، وزىنە اناعۇرلىم قاتاڭ تالاپ قويىپ، قولىنداعى ۇقىققا بارىنشا اباي بولۋى كەرەك. جاۋاپتى سالاسى مەن باسقاراتىن جەرىندەگى پارتيا ستيلى، پاكتىك قۇرىلىسىن مىقتى يگەرىپ، ءتۇرلى بۇرىس ستيلدەرمەن جانە شىرىكتەسۋ جايتتەرىمەن باتىل كۇرەس جۇرگىزىپ، وتباسىنداعىلاردى جانە جانىنداعى قىزمەتكەرلەردى تاربيەلەۋدى، باسقارۋدى كۇشەيتۋى كەرەك.

شي جينپيڭ بىلاي دەپ باسا دارىپتەدى: پارتيا ءتارتىبىن قاتاڭ اتقارۋ جانە قورعاۋ − بۇكىل پارتيانىڭ ورتاق جاۋاپكەرشىلىگى. ءار دارەجەلى پارتكومدار (پارتيا باسشىلىق گرۋپپالارى) تۇلعالىق جاۋاپكەرشىلىكتى ويداعىداي ارقالاۋى، پارتيا ۇيىمدارىنىڭ شۋجيلەرى ءبىرىنشى جاۋاپتى ادام قىزمەت جاۋاپكەرشىلىگىن ويداعىداي اتقارۋى، باسشىلىق القانىڭ باسقا مۇشەلەرى ”ءبىر قىزمەت ورنىندا ەكى جاۋاپكەرشىلىك ارقالاۋدى“ ويداعىداي اتقارىپ، ءبىر دارەجە ءبىر دارەجەنى جەتەكتەپ، پارتيانىڭ ءتارتىپ قۇرىلىسىندا ۇزدىكسىز تىڭ ونىمدىلىككە قول جەتكىزۋدى ىلگەرىلەتۋى كەرەك. ورتالىق كوميتەت ساياسي بيۋروسىنداعى جولداستار پارتيانىڭ ءتارتىپ قۇرىلىسى ساياسي جاۋاپكەرشىلىگىن شىنايى ارقالاپ، جاۋاپتى سالاسى مەن باسقاراتىن جەرىندەگى ءتارتىپ قۇرىلىسى جاعدايىن دەر كەزىندە جان - جاقتى ۇعىسىپ، قىزمەت جاۋاپكەرشىلىگى كولەمىندەگى ماسەلەلەردى باتىلدىقپەن باسقارىپ، باتىلدىقپەن وڭاپ، قاتاڭ باسقارىپ، قاتاڭ وڭاپ، ءسوزسىز، پارتيانىڭ ءتارتىپ قۇرىلىسىن كۇشەيتۋدىڭ باسشىسى، اتقارۋشىسى، ىلگەرىلەتۋشىسى بولۋى كەرەك.

شي جينپيڭ سوڭىندا بىلاي دەپ باسا دارىپتەدى: كەلەر جىلعى رەفورما، دامۋ، ورنىقتىلىق مىندەتى توتەنشە اۋىر، ءار دارەجەلى باسشى كادرلار نەگىزگى ساتىعا ىشكەرىلەي بارىپ، بۇقارامەن ىشكەرىلەي ارالاسىپ، تەكسەرۋ - زەرتتەۋدى كۇشەيتىپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن ايقىنداپ، نەگىزگى ساتىداعى دەرەۋ شەشۋدى كۇتىپ تۇرعان كورنەكتى ماسەلەلەردى ايقىنداپ، باعىتتامالى تۇردە اقىلداسىپ شەشۋى كەرەك.

كەلۋ قاينارى: حالىق تورابى