شي جينپيڭ مەن حانىمى پىڭ لييۋان ا ق ش - نىڭ ۆاشينگتون شتاتىنداعى ورتا مەكتەپ وقىتۋشى - وقۋشىلارىنىڭ ۋاكىلدەرىنە جاڭا جىلدى قۇتتىقتاۋ اتكرەتكاسىن قايتارا جولدادى

شينحۋا اگەنتتىگى، 1 - ايدىڭ 2 - كۇنى، بەيجيڭ. 1 - ايدىڭ 1 - كۇنى مەملەكەت ءتوراعاسى شي جينپيڭ مەن حانىمى پىڭ لييۋان ا ق ش - نىڭ ۆاشينگتون شتاتىنداعى ورتا مەكتەپ وقىتۋشى - وقۋشىلارىنىڭ ۋاكىلدەرىنە جاڭا جىلدى قۇتتىقتاۋ اتكرەتكاسىن قايتارا جولداپ، جاڭا جىل قۇتتى بولسىن ايتىپ، مىنالاردى ءبىلدىردى: 2025 – جىل _ جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعى. دۇنيە جۇزىلىك ەكىنشى سوعىس كەزىندە جۇڭگو مەن ا ق ش بەيبىتشىلىك پەن ادىلەت جولىندا بىرگە شايقاس جاساپ، ەكى ەل حالقىنىڭ دوستىعى قان مەن وتتىڭ سىنىنان ءوتىپ، ۋاقىت وتكەن سايىن جاڭارىپ وتىردى. جۇڭگو، ا ق ش ەكى ەل جاستارى مەن ورەندەرىنىڭ ”الداعى 5 جىلدا امەريكا قۇراما شتاتتارىنان 50 مىڭ جاس ءوسپىرىمدى جۇڭگوعا كەلىپ اۋىس - كۇيىس جاساۋعا، ۇيرەنۋگە ۇسىنىس ەتۋ“ باستاماسىنا ۇزدىكسىز بەلسەنە ات سالىسىپ، اۋىس - كۇيىستى، ءوزارا ىقپالداستىقتى كۇشەيتىپ، ءوزارا ءتۇسىنىسۋدى نىعايتىپ، ءداستۇرلى دوستىقتى جالعاستىرىپ، جۇڭگو – ا ق ش قارىم - قاتىناسىنىڭ دامۋىن ىلگەرىلەتۋگە، دۇنيە ءجۇزىنىڭ بەيبىتشىلىگىن جەبەۋگە كۇش قوسۋىن ءۇمىت ەتەمىن.

وسىدان بۇرىن ا ق ش - نىڭ ۆاشينگتون شتاتىنداعى ا ق ش - جۇڭگو جاستارى مەن ورەندەرىنىڭ اۋىس - كۇيىس قوعامى مەن لينكولن ورتا مەكتەبىنەن، دەنە تاربيە الاڭى ورتا مەكتەبىنەن ”5 جىلدا 50 مىڭ“ باستاماسىنا قاتىناسىپ، جۇڭگوعا ساپارلاي كەلگەن وقىتۋشى - وقۋشىلاردىڭ ۋاكىلدەرى ءتوراعا شي جينپيڭ مەن حانىمىنا جانە بۇكىل جۇڭگو حالقىنا جاڭا جىلدى قۇتتىقتاۋ اتكرەتكاسىن جولداپ، 100 دەن استام وقىتۋشى مەن وقۋشى اتكرەتكاعا قول قويعان بولاتىن. وقىتۋشى - وقۋشىلار قۇتتىقتاۋ اتكرەتكاسىنا جۇڭگو جازۋىمەن: ”جاپون شاپقىنشىلارىنا قارسى سوعىس جەڭىسىنىڭ 80 جىلدىعىن ەسكە تۇسىرەمىز، دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە تۇسىرەمىز. جاڭا جىلدى قارسى الامىز، بەيبىتشىلىك جاساسىن،‍ جۇڭگو - ا ق ش دوستىعى ماڭگى جاساسىن!“ دەپ جازعان.

كەلۋ قاينارى: حالىق تورابى