بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.01.03 15:52 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 2 - كۇنى، بەيجيڭ. 1 - ايدىڭ 2 - كۇنى مەملەكەت ءتوراعاسى شي جينپيڭ ەكۆادوردىڭ زۇڭتۇڭى نوۆويامەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 45 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن ەكۆادور _ جان - جاقتى ستراتەگيالىق سەرىكتەر. ديپلوماتيالىق قارىم - قاتىناس ورناتقان 45 جىلدان بەرى جۇڭگو - ەكۆادور قارىم - قاتىناسى باستان - اياق تاماشا دامۋ ارىنىن ساقتادى. تاياۋ جىلداردان بەرى ەكى جاقتىڭ ساياسي سەنىمدىلىگى كۇن سايىن بەكەمدەلىپ، ءار سالاداعى ناقتى سەلبەستىكتە سۇبەلى تابىستارعا قول جەتتى، جۇڭگو - ەكۆادور دوستىعى جۇرت جۇرەگىنە تەرەڭ ۇيالادى. اسىرەسە، جۇڭگو مەن ەكۆادوردىڭ ەركىن ساۋدا كەلىسىمىنە ءساتتى قول قويىلىپ ءارى كۇشكە يە بولىپ، ەكونوميكا - ساۋدا سەلبەستىگىنىڭ ساپاسىن، دارەجەسىن جوعارىلاتۋدى پارمەندى ىلگەرىلەتىپ، ەكى ەل قارىم - قاتىناسىنىڭ دامۋىنا تىڭ قوزعاۋشى كۇش قوستى. مەن جۇڭگو - ەكۆادور قارىم - قاتىناسىنىڭ دامۋىنا ايرىقشا ءمان بەرەمىن، زۇڭتۇڭ مىرزامەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 45 جىلدىعىن تىڭ باستاما ەتىپ، ءداستۇرلى دوستىقتى جالعاستىرىپ، ءار سالاداعى اۋىس - كۇيىستى، سەلبەستىكتى تەرەڭدەتىپ، جۇڭگو -ەكۆادور قارىم - قاتىناسىنىڭ تاعى دا تىڭ ساتىعا كوتەرىلۋىن ىلگەرىلەتۋدى قالايمىن.
نوۆويا مىنالاردى ءبىلدىردى: ەكۆادور مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 45 جىلدىعى _ تەرەڭ مانگە يە بەلەس. 45 جىلدان بەرى ەكى جاق ءوزارا قۇرمەت ەتۋ جانە سەنىم ارتۋ نەگىزىندە جان - جاقتى ستراتەگيالىق سەرىكتەستىك قارىم - قاتىناس ورناتىپ، ءار سالاداعى سەلبەستىكتە سۇبەلى ناتيجەلەرگە قول جەتكىزدى. ەكۆادور ”ءبىر بەلدەۋ، ءبىر جول“ باستاماسىنا قاتىناسىپ، ەكۆادور - جۇڭگو ەركىن ساۋدا كەلىسىمى كۇشكە يە بولىپ، ەكى ەل حالىقتارىنىڭ ىرىس - قۇتىن پارمەندى ارتتىردى. ەكۆادور جاق جۇڭگو جاقپەن ۇزدىكسىز تىعىز سەلبەسىپ، دوستىقتى، تىلدەسۋدى جانە سەلبەستىكتى تەرەڭدەتىپ، بىرگە گۇلدەنىپ - كوركەيەتىن بولاشاق قۇرۋدى قالايدى.
كەلۋ قاينارى: حالىق تورابى
